在此多事之秋，田少又發功，叫特首CY落台。佢話現時香港的問題並非單純佔中或普選，而是在管治方面，很多問題落在特首梁振英之上。香港快將淪落到不能管治，梁振英應考慮向中央請辭。
田少講話一出，政界馬上起哄，話廿三條田少倒戈、董伯落台之局，會否在今天重演？
Ariel向知情人士求教，佢話在9月28日佔中開始後，中央高層已定出「挺梁、挺警、人大決定不可能退」三原則，以後中央基本上按此三原則辦事。中央隨即以港澳工作協調小組張德江的名義，向特區政府傳達中央支持特首梁振英的態度，說「反梁等如反中央」。
知情人士又話，在佔領發生之後，中央高層領導人說，要預防田北俊反水，要防止他像在廿三條那樣，在關鍵時刻倒戈相向。若出現這種情況，不能用以往「拍拍膞頭就過去」的方式處理。
知情人士話，中央對此態度極其強硬，所以不要太天真，以為2003年的事態可以重演。中央為防止出現倒梁局面，所以人民日報第一篇文章就是挺梁。而中央電視台接著又挺梁，中央的態度非常清淅。
Ariel問起往後立法會還要依賴包括自由黨在內的建制派投票挺梁，屆時局面如何? 知情人士話自由黨頂多跑掉田北俊一票，其他人不會跟他投票。
Ariel
** 博客文章文責自負,不代表本公司立場 **
佔領行動發展到今時今日，支持同反對佔領的人矛盾愈來愈明顯，除咗肢體衝突，互相指罵，就連直播節目一樣有火花。
話說星期三，蘋果的李慧玲喺金鐘佔領區，同民主黨前主席李柱銘、學聯常委梁麗幗做緊節目，突然一名男子行近打斷眾人。佢話民主保障每個人基本權利，要講出大多數人反對佔中的聲音。
各人想叫佢等一等再講，點知佢唔收口，仲舉高雙手繼續講，佢話香港只有少數人支持佔中，佔領人士的行動，影響到好多人，咁做反而最唔民主。
李慧玲叫佢向政府提議，搞返個公投，睇吓民意係點。呢位男士就引用佔中和反佔中陣營的公投同簽名行動，話有七十幾萬人支持，但有九十幾萬人反對佔中。
李柱銘笑笑口話，九十幾萬人中有幾多係收咗錢？個男人即刻話唔可以咁講，仲轉用英文話︰「That is the only data available.（這是唯一有的數據）。」仲引用美國國防部顧問的白邦瑞，接受訪問時大爆美國有份推動香動民主運動，仲提供過數以百萬美元資金。呢單嘢Ariel 早幾日都講過。
David Lau 劉伯偉（網上圖片）
講咗一輪，李大狀忍不住同呢位男士講，話佢打擾節目進行又係唔係民主，一直舉起雙手的男士就答︰「人地返緊工，你地就霸住條路，咁咪一樣唔民主！」
有人幫男士起底，話佢叫David Lau劉伯偉，喺摩根大通做中國企業融資部主管，佢咁夠膽走入敵方陣營高談闊論，睇怕日後會愈來愈多人咁做囉！
