政事
香港有人佔中，亦有人反佔中，你走軟的路線有市場，行硬亦有市場，好像行政會議成員葉劉，一直在撐警，亦有她的擁躉。
她早前出席警隊員佐級協會的晚宴，上台發表講話，說「我支持你地(警察)，其實係支持香港，靠你地支持香港。董生話解放軍有力平亂，但我們不想用解放軍，一用，香港就完蛋。好多人想看到一幅相，看到流血鏡頭，來攻擊香港，我地唔會讓呢啲力量得逞。」
佢又話「只要有精力一日，支持各位，為各位發聲。推動社會發聲，支持專業無私的警隊。感激各位支持我。」現場掌聲甚多，葉劉警察粉絲多。
葉劉挺警，亦無倒梁，跟中央立場跟得好貼。政壇八卦友話，想特首CY中途落台就唔使諗啦，但2017年下屆又有得選，目前咁局面，2017年特首選舉，好易原地踏步，葉劉真係一條心跑下屆，行強硬路線，亦有佢的市場，她成為CY以外另一個「硬的選擇」。
講開又講，葉劉講嘢有骨，當晚佢走之前話，「我『唔打得』，都係寫文章同講嘢。未來日子和各位風雨同路。」臨走都好似想窒吓佢個AO師妹林鄭，林鄭有好打得的外號，葉劉話自己唔打得，意有所指喎。
Ariel
** 博客文章文責自負,不代表本公司立場 **
佔中運動處於膠著狀態，仍然留守的佔中支持者，唔少係有著推動民主的強烈信念，頂著各種壓力堅持，尤其係在金鐘的佔領區，都係熱血青年、中年，甚至有些年紀都唔細。
一場群眾運動，總難避免各色各樣的人物參與，有啲都幾另類。Ariel翻開今期的東周刊，有篇報道講在旺角佔領區有些怪客，例如在銀行中心對開的物資站，有位粗口成文的阿姐坐鎮，當有人攞過多物資時，就破口大罵，而且情緒波動大，每當有不同意見人士對峙，就會坐立不安，她對記者話自己患上躁狂抑鬱症，佢話自己一直對人生好迷惘，十月被開始佔旺，激發佢的「人生目標」，要撐學生。上周六因為與人爭執推撞，涉嫌打、架被警方拘捕，至於怕唔怕被定罪，佢話唔理得咁多。
至於另一位都幾出位的係「畫家」大傻，上周三被反佔領人士襲擊，眼鏡被插爆，眼角流血，當晚又中高空擲下的屎彈，佢話連埋之前中的胡椒噴霧，係「連中三元，好high呀！」覺得自己做咗英雄咁。大傻經常赤腳赤膊上陣，只著條孖煙囱，行來行去，他喺物資站借咗個帳篷，無嘢做就畫塗鴉，一日三餐食市民送來的飯盒。
呢位佔旺紅人聲稱以千二元在太子租咗床位，靠二千幾元綜援同每月賣畫五百元收入過活，話見到放催淚彈好唔安樂跑出來佔旺，記者問題何謂真普選，佢就答：「最緊要拉X晒啲衰人，放過我呢個良好市民！」據悉佢曾犯過事，有案底，涉及盜竊、襲襲造成他人傷害、襲警、刑毀等罪名。
不同人士混雜在佔旺區，睇完報道，都知道去MK示威，真係有一定危險性。
