首映票尾網上賣三舊水 解構【復仇者聯盟4】熱潮之謎

Marvel英雄電影系列最終回【復仇者聯盟4：終局之戰 】 本周三在中港台韓首映，掀起熱潮，香港首日票房高達2087萬港元，創下香港開埠以來的開畫票房紀錄，以及單日票房紀錄，打破上一集《復仇者聯盟3：無限之戰》創下的單日1586萬港元的紀錄。

而截至昨午，《復仇者4》本港票房已經達3000萬元，有望打破《阿凡達》（Avatar）在港的票房紀錄。

連票尾都在網上叫賣三舊水，難怪咁多fans要睇首映了！

至於內地方面，首日票房高達8.8億人民幣，預計指《復仇者4》在內地可以穩收25億以上的票房，更有估計最高可收48億！內地眾多戲院都全部爆滿，更有戲院的票價高達295元人民幣，但照樣有人搶飛入場。

首映當天，台灣票房創下單日8057萬元紀錄， 韓國則是打破首映人數紀錄，共有134萬名觀眾入場收看。

點解今次Avenger 4首影咁多人去朝聖，有乜嘢特別成功之宣傳？尚風特別問咗幾位年青人。

佢地話：「其實本身唔使點宣傳都會多人去睇，一來首映有紀念戲飛，睇完可以拍賣返出去，隨時可以免費睇戲。二來這部是結局篇，梗係要第一時間去睇首映，因為好多主角會係呢一集犧牲，我哋都好想睇吓邊啲英雄人物今次會隨着一半地球人被消滅。」

「仲有，我哋一定要睇首映，因為根據過去經驗，如果你遲幾日先睇，各大社交媒體好似Instagram就會有人將個故事講晒俾你聽，咁樣咪好冇癮！所以我啲朋友如果仲未睇呢部戲嘅話，呢幾日都唔會睇社交媒體，直至自己睇完部戲為止！」

尚風亦睇過唔少Marvel英雄片，原來由2008年第一部電影《鐵甲奇俠Iron Man》開始，到現在2019年為止，漫威已發行咗超過20部美國超級英雄電影。

《復仇者聯盟4：終局之戰》的導演羅素兄弟Russo Brothers表示，其實你只需要睇關鍵的兩部電影，就能掌握大致上的劇情提了，這兩部電影分別是《美國隊長3》同埋《復仇者聯盟3：無限之戰》 。

在網上一查，原來Marvel電影系列一共產生過108個超級英雄，尚風只係記得美國隊長、鐵甲奇俠、雷神、死侍、鷹眼、蜘蛛俠、暴風女、石頭人、狼人、黑豹、蟻俠、黑寡婦、變形俠醫同埋驚奇隊長。睇嚟如果我想同年青人多啲溝通，唔好咁out，我都要睇少的股票，快啲去睇埋其他主角嘅電影囉。

尚風

** 博客文章文責自負,不代表本公司立場 **

昨晚英超曼徹斯特市打吡大戰，一如賽前大部份人所預測，曼城作客以二比零贏了曼聯，曼城全場佔盡優勢，上半場曼聯負隅頑抗，勉強守和。但面對曼聯積弱的後防，曼城下半場入球只是遲早問題，結果近期演出飄忽的門將迪基亞又再兩度失手。

賽後曼城以1分壓倒利物浦，進佔英超榜首，只要在餘下三場賽事，分別對般尼、李斯特城及白禮頓勝出，便可以鎖定聯賽冠軍，不用理會利物浦分別對哈德斯菲爾德、紐卡素及狼隊的戰果。

不要忘記，利物浦在相同日子內，還加插了兩場歐聯四強大戰，分別作客及主場對抗巴塞隆拿。從任何角度看，曼城以逸待勞，四面出征的利物浦形勢極度不利，相信利物浦未必能兩方面兼顧，則曼城奪取今屆英超冠軍機會，高唱入雲。

今日主角想談曼聯，在費格遜時代，憑優秀的青訓產品，包括碧咸、菲臘利維里、史高斯及傑斯等等優秀球員，令曼聯雄霸歐洲及英國球壇多年，贏盡所有錦標。可惜，隨著費sir退休，先後引進莫耶斯、雲高爾及摩連奴作為領隊，均無法再帶領球隊重上高峰。

曼聯今年至今股價圖。

以公司醫生角度分析近年的曼聯，可歸納出有以下錯誤。第一，急功近利，忽視青訓，只求引進高薪領隊及球員，期望在短期內創造好成績。第二，引入人才失敗，無論領隊或球員，均入錯貨，無法重複費格遜時代的輝煌歷史。第三，權力鬥爭，以往費格遜時代，一人全權決定買賣球員、出場陣容及戰術，但現時領隊無法決定買人策略，一旦買錯貨便互相推卸責任。第四，球員不再服從領隊，主力球員每每有自己想法，不是想着轉投其他強隊，便是如何扭計，務求大幅加薪。第五，強勁的對手出現，像哥迪奧拿的曼城，以及高普帶領的利物浦，令曼聯比以前較難爭取佳績。在激烈競爭下，如缺乏一個精明的領導者，一旦球會戰績差，便很容易出現內鬨，互相指責。

由去年8月，直至12月摩連奴下台時，在紐約交易所上市的曼聯股價，由27美元跌至17美元 ，跌幅37%！蘇斯克查上任臨時領隊後，球隊連場報捷，股價由17美元升至2月時的21美元，升幅23%。近日曼聯再陷低潮，主力保羅普巴表現大跌watt，曼聯股價又回落至19美元水平。

如相信蘇斯克查雖然貴為領隊，幕後其實已由費格遜重掌大局，則今季結束後，曼聯在球員陣容上，將會作出重大改變，重建曼聯王朝仍是有機會的。曼聯始終是世界品牌，每年創造出的營業現金流接近2億英鎊，球隊一旦重建成功，則曼聯股票不失為炒上落佳選。