激進行動難收科

前日警方清旺時，學聯常委梁麗幗叫警方停止清場，否則學聯會考慮採取下一步行動，將抗爭「升級」之說。昨天早上網上更流傳一個不知名的「一群佔領者宣言」，話「行動升級意味著我們一直以來所堅守的和平信念要被打破」、「成也和平、敗也和平」。一度令人相信這就是學聯所謂的「升級」。

學聯、學民思潮、佔中、泛民及民間團體組成的五方平台，昨晚開會討論佔領行動退場機制，應有討論過所謂行動「升級」的問題。學聯秘書長周永康會後話，面對清場行動，佔領人士都希望有所行動，令政府面對民意，但要恪守非暴力原則，具體仍需要討論。學聯又指他們商討將行動「升級」的方法和目標，包括要求警方盡快釋放被捕人士，釐清執法標準等。

民主黨黃碧雲表示，與會者都認為有需要退場，不同意將行動升級，認為會造成更多衝擊。今早在電台節目上，節目主持人再被問到行動升級的問題，係咪圍政總，黃碧雲就話有部分人要升級，有不同方案，但詳細冇討論，重申大方向係有一個退場計劃。

這是民運的典型發展，街頭運動拖得太長，由上風轉入下風，眼見政府逐步清場，民意又支持政府行動時，就將示威者逼入死角，很自然就有人提出將行動升級甚至激進化，最後一摶。

但即使是泛民中人也擔心，學聯、學民以至泛民政黨，到底有多能力領導群眾，現在看來領導力不強，若現時還不退場，反而貿然提出升級行動，很可能出現失控的暴力，最後泛民又要找數。

Ariel

** 博客文章文責自負,不代表本公司立場 **

昨日清理亞皆老街路障後，警員與示威者由傍晚開始爆發多輪衝突，引起唔少人關心今日清理彌敦道路障時，會唔會順利。

昨日拖到中午先開始清理障礙物，搞到傍晚先通到車，結果佔領人士同警方在砵蘭街「開戰」。唔知係唔係汲取咗昨日拖得太長的經驗，今日警方好早就介入清理工作。初時陸路交通運輸業大聯盟成員組成的代理人團隊九點半開始清理障礙物，無幾耐同佔領人士發生對罵，執達主任就要求警方介入，十點鬆啲，警方就開始行動，一批「專業移除隊」出動。

 

呢批專業移除隊，即係著藍色衫，戴晒頭盔，又配備咗眼罩，佢哋個個手瓜起展，出手好快，一路向油麻地方向推進，一路有廣播要求聚集人士離開。

到咗十一點再發生衝突，警方帶走多人，之後移除隊一路向前推進就比較順利，到中午已將禁制令範圍內的13個路障全部移除，下午一點幾彌敦道陸續恢復通車，下午三時多，彌敦道南北行三線全部開通。

 

據聞呢批專業移除隊，大部分來自機部隊PTU，Ariel今日睇電視，覺得佢哋唔屬後生，八咗一吓，話當中唔少係PTU教官，平時操到好FIT，而且幾有經驗，平時素有訓練，以前抬人的場面都係由佢哋參與，聽聞佢哋連按穴位都識，有需要時以最有效的手法抬走示威者。佢哋推進時幾強硬吓，一有阻礙，就將人帶走，交由隨後的警員處理，所以推展得好快。

 

今次警方清障同上次最唔同，係即場拉人，預備咗旅遊巴，一遇阻礙就抬走，一路強硬清出馬路，所以清場清得較有效率。