最近有個英國議會代表團訪華，因為其中一個議員表了態支持佔中，阿爺唔發簽證俾佢入境，結果成個團共同進退，取消訪華行程。
毛拍手同北方朋友傾起此事，佢地話遲啲仲有一個英國議會代表團要訪港。十多名英國下議院議員計劃在12月訪港，調查英國政府執行《中英聯合聲明》的情況。
阿爺從來都視這些外國行為是干涉中國內政，全國人大外事委曾經致函英國議會下議院外交委員會，對外交委員會議員有意赴港「調查」感到不滿。而中國駐英大使劉曉明亦曾在今年7月致函英國下議院外交委員會，要求議員們不要干預香港事務，認為英國議員們訪問香港，可能會對佔中支持者釋放錯誤的信號，不但無助於香港的繁榮與穩定，同時也可能會傷害中英關係的健康發展。
下議院外交委員會主席奧塔韋爵士早前被BBC記者問起此問題，他說，任何將調查行程形容為「干預其他國家內政」的說法都是「荒誕無稽」。外交委員會的目的是收集證據，調查英國政府是否按照聯合聲明所列的責任行事。
北方朋友就對毛拍手話，英國議員見到佔中就來調查這樣那樣，美國美國密蘇里州黑人青年布朗被槍殺案，大陪審團決定不起訴涉案白人警員，觸發全美騷亂，示威者佔據高速公路，被美國警員強行驅逐，唔知英國議員會唔會去美國調查一下，睇睇美國有無違反人權。
可以預計，到英國議員到港之時，又會掀起連番爭議。
毛拍手
** 博客文章文責自負,不代表本公司立場 **
上星期一滬港通突然通車，已經引起一些疑惑，阿爺本來都係因為佔中問題，推遲咗滬港通通車，點解最後特首CY上一上去，傾一傾就突然通車呢？
當時有個傳聞，雖然阿爺在政治上都好想滬港通停耐一啲，但國務院方面，由於將滬港通看成係他們的BB，一直都力推盡快通車，結果就推動件嘢成事。
到上星期五，阿爺決定減息，將貸款利率減咗0.4厘，成個局就比較清晰啦，似乎國務院都對中國經濟放慢、出現通縮危機，有啲心急，依家已經係十一月近尾，距離年底只有一個月多一啲，中國十月初公布的第三季GDP只得7.3%增長，頭三季加埋平均都只係有7.4%的增長，距離全年目標7.5%愈來愈遠。
一直有個說法，國務院仍然係GDP派，唔希望中國的GDP增長放得太慢，所以想方設法要谷經濟，滬港通引南水去北上買股票，好明顯有刺激股市的作用，所以國務院力促滬港通盡快通車，可能都唔純粹係話因為搞咗唔想停，而係話佢呢個BB去催谷經濟。睇埋減息，你就會睇到國務院係臨年尾做緊一系列的政策，希望盡最後努力催谷吓經濟。
這些政策措施唔係一時三刻設計出來，睇怕都係部署咗一、兩個月的時間，在呢個時候盡快推出，希望谷番最後一浸GDP上番少少，等年尾埋數的數字好睇啲。
結論係阿爺對香港的政策，有時考慮都幾複雜，有處理香港問題的因素，如涉及其他領域，例如經濟方面，也會有考慮中國全局的因素，總的來說，都唔希望香港問題影響到阿爺的整體部署。
