仲記唔記得佔中義工阿娟，早前佢已經撤離，又寫咗一系列有關佔中的日記，近日又貼上後記第6篇，話係寫於24日，即係旺角清障前。
阿娟外傳 佔中後記 第6篇（2014年11月24日）
(*阿娟：學聯佔中核心義工，已於十月下旬撤離金鐘佔領區）
內鬥一鑊粥 唔知信邊個
上篇提過，究竟黃之鋒是否真會主動自首 ？ 點解Alex 提起佢就講美國獎學金？因為傳聞中話Joshua 準備咗一旦 ‘出事’ 就會有人‘保送’ 去美國，係真嘅，唔單只Alex佢地知，我都知。故此，既然有晒準備又點會走去自首 ？ 所謂‘出事’，一切都係講緊被警察拉。
關於‘黃之鋒走佬’ 傳聞中有啲不盡不實，準確啲講係咁：已經有人應承咗，他日在美國升學嘅安排，仲照顧埋佢父母。更具體啲，兩個多月前，黃阿媽Grace Ng 同Joshua 在公民黨梁家傑立法會辦公室，秘密夾定計，做‘闖館’ 行動，一旦佔中事敗，公民黨準備好律師同大狀幫手營救（9月27日嗰一次已經演習過啦，傍住佢保釋嗰幾個），專責嗰位係李志喜大律師。再唔掂就同美國領事館聯絡，尋求政治庇護，然後經澳洲或菲律賓去加州落戶。萬一咁都唔得（考慮到美國因為中美關係唔敢接收）就一於想辦法衝入去，造成既成事實，夾硬焗住上。以上所有經費，由支聯會負責。
難怪Alex話Joshua 要摶表現。Joshua 有后路，其實我知Alex 都有，是否同一條「逃生路線」就唔知。所以若你佔中一早撤離，唔夠勇，豈非變咗‘貨不對版’？
你問我，Joshua 同 Alex ‘出事‘ 會主動自首，我只能夠話信住先。你地話呢 ？
講番學聯內部，越來越多校友講起，最唔抵得係中大學生會。最近仲留低嘅阿Ken , 就係Tommy（張秀賢）CU同學。佢地最不滿係，成個佔中行動，學聯係CU出最多人，亦都最投入，不過始終出頭露面話事既多數係HKU, 講緊係Alex 同 Yvonne (梁麗幗)，基本上控制咗話語權，直至最近，一路做緊 ‘二仔底死跟既Lester（岑敖輝，CU既）先至有啲機會單獨出鏡。阿 Ken 最後堅持留低，不過話我聽，同屋企幾乎反晒面，仲成日有friend打電話來問拒，是否收咗人錢。佢話早知跟我地走，而家越遲越走唔到，一定俾人攻擊鬧爆。
學聯領袖唔系個個都做得核心，代表會副主席羅卓堯就無份。有人話，嗰五個人（Alex, Yvonne，Lester，羅冠聰同阿鍾）成日關埋門密斟，做決策同 ‘小圈子選特首‘ 無甚分別。之前寫日記是已經講過，每次投票都係大比數話撤退，最終都係Alex 等實行道德捆綁。聽講最新情況，CU同CityU 學生力主撤離，HKU 同PolyU 就最死硬，但係HKU 留低嘅人，偏偏就係最少，已經走得七七八八 ！
羅卓堯（佢係PolyU既）話過人聽，其實佔中三子一直希望，佔領中環最後以清場收局，佢地自己就青史留名，留番啲學生就承擔罪責。講到呢一筆，最近Benny 戴（戴耀庭）話：‘我地本來係發起人，領導者，結果變咗做參與人，Alex ， Lester地根本唔放我地在眼中，重頭到尾只顧住搶鏡頭。而陳健民一番話，更引起咗學聯幾乎反面。陳教授話，當初係學生投票認同提前佔中嘅。說話傳到學聯人耳中，大家嘩然：咁都得？我地從來無對是否提前佔中投過票喎！
我當時有份在政總，又確實無印象有投票呢回事。總之件事係一鑊粥，唉! 無眼睇。
哦，記得回覆網友，話我有又讀書又番工，唔系! 我已經讀完，而家番緊工。
Mark Felt
** 博客文章文責自負,不代表本公司立場 **