政事
警方清空金鐘佔領區後，令人關注僅餘的銅鑼灣佔領區何時清場，但消息話政府不急於清場，警方最快要下周一才採取行動，但就不用等候禁制令才採取行動。
原本有傳聞警方清空金鐘佔領區後，隨即在銅鑼灣清場。但現在看來警方無意在本周清場，因為既要讓大量這幾日調動執勤警員休息的需要，也要調動人手預防金鐘清場後再有大批示威者在今晚開始湧到金鐘和旺角街頭「購物」，所以就暫不在銅鑼灣清場。
警方順利清空金鐘，行動上已取得重大成果，周末示威人流例旺，太急於將所有示威區清空也沒有好處。
另外一個示威者聚集地是立法會外。立法會大樓對出的添美道行車出入口已開通，但立法會公眾示威區及立法會廣場空地，仍有相當數目帳篷及佔領者。立法會主席曾鈺成認為，避免議員出入受阻，及保持緊急車輛通道暢通，要盡快讓有關佔領者離開，立法會行管會將於下周一上午開會決定行動，有需要時或會尋求警方協助。
Ariel
** 博客文章文責自負,不代表本公司立場 **
十幾個泛民去金鐘示威區等拉，當中都有少少趣事。
首先係民主黨主席卿姐，被拉之後，去到警車前循例都要登記證件，唔知唔係咪搵唔到身分證，見佢在袋度抄完又抄，要勞煩兩位女警一齊幫卿姐搵，好彩搵到，唔係咪告多條罪。
輪到「民主女神」余若薇 ，保持一貫的優雅，兩位女警扶佢起身後，佢撥一撥頭髮先，一路保持微笑，同卿姐唔同，一路行並無叫口號。
至於另一名公民黨成員，毛孟靜就仲頂癮，佢好多口號要叫，叫完口號，差人想拉之際，佢話想嗌埋英文口號(認真照顧英文台觀眾)。咁仲唔止，到差人拉佢時，佢話:「我年紀大，要你哋扶我起身」當兩名女警上前扶佢時，竟然話：「我要男警得唔得呀？！」
(毛孟靜等泛民人士被帶走的影片：)
呢句聽到人眼都突，女人俾人拉搵女警就唔奇，搵男警就奇怪少少喎。我估毛姑姑可能怕女警唔夠力跌佢，所以搵男警，但言者無心，聽者嚇親。
