何韻詩考慮參選立法會

歌手何韻詩拋開在金鐘站到前排被捕，「踢保」後昨日凌晨獲釋。她認為香港需要有新世代政黨，為政壇帶來新氣象，更表示她自己會認真考慮參選立法會。

何詩詩早兩日已講過，今次佔領運動反映現時立法會的政黨與社會脫節，無法與運動相呼應，希望年青一代為議會注入新血及新景象。

被捕後她再話要有新世代政黨，對佢自己參選的問題，就由「可以考慮」，變成「認真考慮」，佢話最重要是考慮個人能力，演藝事業是其次，鼓勵所有新世代同路人集思廣益。

政壇人士估計，何詩詩講政黨與社會脫節，可能唔止話建制派政黨，仲話埋泛民政黨，否則都唔使話要組新世代政黨。她這樣行出來對泛民不是助力，而是競爭。

何詩詩早前指出本港政壇「要有新氣象，如果真係冇人選，真係好需要我，我可以考慮」。之後馬上有人在facebook設立咗一個「十萬人齊撐何韻詩參選立法會議員」，到今早已經有逾9,460個like，更有人留言話阿詩應該選埋特首。

 

佔中之後，先有一個何詩詩話出來想選立法會，唔知學聯周永康和岑敖暉到2016年會唔會選。香港政壇真係愈打愈人多，政府當然受靶，但傳統泛民都會被人搶位噃。

Ariel

** 博客文章文責自負,不代表本公司立場 **

佔領運動核心地帶金鐘周四清場，都算順順利利，事前明顯警方作出周密佈署，例如在行動前拘捕幾個激進組織的負責人，阻止他們動員人馬到金鐘反抗。而事前阿爺都有做嘢，今期「東周刊」報道，11月粵港澳三地警方展開「雷霆14」反黑聯合行動，報道引述消息指內地公安除咗追查港澳黑幫人物在內地的財路和不法活動外，今年更特別問被捕者有冇與佔領事件，以及背後有冇人出錢指使。截至今個月初，大批港澳黑幫人物在內地被拉，包括水房現任兩名坐館「子鳳」同「三吋」。

報道又引述內地消息透露，在佔領事件開始後，有人掟三千萬鉅款，招攬本地多個黑幫支持佔中，在深水埗一名和勝和元老同一名水房，被指收咗至少三百萬，包起運送旺角佔領區的物資，又出動過車輛堵截佔領區外的路口。新義安、14K、和勝和都有人馬，都有參與每位五百至三千元的價錢，動員到佔領區聲援留守，甚至衝擊警方防線等。坊間亦流傳，呢啲黑幫亦另有人收錢助反佔領。

「東周刊」訪問咗水房前坐館黑仔佳，佢承兩名現屆話事人正遇上麻煩，但強調水房絕無政治立場，更冇以幫會名義支持或反對佔領事件，但被波及，導致九成門生受拖累，單係其名下的澳門賭廳生意，超過二億元內地客賭債，因為無人敢北上追數而變爛帳。

真係估唔到啦，一場佔領運動，受影響都範圍都真係幾廣泛喎。