政事
特首CY上京述職後，政府最快在1月推出第二階段政改諮詢，政制及內地事務局副局長劉江華話，佔領運動之後，推動政改難上加難。高人話呢個已經係官樣文章的講法，實際上係極難。
阿爺對政改立場強硬，8.31人大常委會決定無得改，CY未上京都好清楚。他上京見習大大那一場，習大大講得再白啲，提到香港政制發制，第一最重要的是依法推進，等如話所有佔中式推進都係非法，逼唔到我。第二提到應該有利於居民的安居樂業，有利於香港社會的繁榮穩定。即是話政改要有利於香港民生經濟，如果搞得太急對民生經濟不利，不要硬搞。
中央雖然仍然表露一個想搞普選的基本態度，但佔中之後亦不怕多講其他顧慮，等如話不是事必要搞。
高人話，特首也好，高官也好，公開講一定講到政改仲有機會通過。但佔中之後，泛民態度更僵化，而阿爺態度就更強硬，雙方走遠咗好多，即使CY仲想政改過，都無乜辦法拉雙方在一起。暫時睇，政改通過不是難，是極難。
Ariel
** 博客文章文責自負,不代表本公司立場 **
聖誕撞正周四、五，變相一連放四日，大家都可以輕輕鬆鬆放假玩番餐。
20141228_cy行嘉年華 (3)_704
上京述完職的特首亦都偷閒，今日有網友在中環歐陸嘉年華門口撞到CY一家，CY阿仔愈大愈高大，同三妹一齊拍住阿爸同阿媽行。
網友報料話，以為CY會入去嘉年華會場，但原來只係見到行咗個圈，有兩個G4跟住佢。
初時以為好多新聞的二女齊昕無同行，但原來佢只係大墮後，行喺後面，不停撳電話同傾電話，網友仲話齊昕又係真同屋企人有啲唔同，好似其他人都著便服，佢就扮得靚靚同埋三吋的高跟鞋，學佢話齋好典型的後生仔女咁，鐘意扮吓靚玩手機，起碼都肯陪家人出來行吓街啦。
