10.1中鏹水彈阿sir的自白，「一陣風吹過都會劇痛」

暴力示威持續，不斷有警員受傷，最嚴重的燒傷，包括被鏹水彈擲中，或者被汽油彈燒傷。燒傷者表面看受傷範圍好少，但最後要植皮換皮，創傷極大。

10.1警員被鏹水彈掟中，胸前一大片皮膚受傷。(警察加油專頁截圖)

10.1國慶日，兩名警員被鏹水彈掟中受傷。在社交媒體上，傳發了其中一個被擲中胸口警員的信件，講述他的治療進展，說到「一陣風吹過都會劇痛」，令人神傷。

受傷警員要植皮。

信件全文如下:

大家好，我係10月1日喺屯門大會堂外執勤期間被思疑腐蝕性液體所傷嘅衝鋒隊警員。今次發文，主要希望以呢篇文章，多謝各方嘅關心，另外亦希望直接同大家講一句：我接受緊好專業嘅治療，大家唔好擔心！我承受的痛是正常的，無咩需要擔心，大家看到啲像片亦唔好太驚，我哋嘅傷處正好理想咁康復！

自從情況穩定之後，警隊現職各個層面嘅人員，甚至已退休嘅夥伴，喺形勢無咁緊張嘅時間抽空探望，期間有激動憤慨，亦有熱淚盈眶，深受感動！另外福利部，職員關係科嘅同事，拳頭會嘅代表，喺我受傷期間， 不辭勞苦，為我處理好多好多問題，亦為我家人提供各種支援，萬分感激。

坦白講，當日如果無帶頸套，相信我所受嘅傷害不止於胸口，整條頸部，甚至氣管亦會受到非常嚴重嘅傷害，生死一綫，我唔知係唔係精神上出現類似創傷後遺症，會不自覺手震，流淚。。。心理服務課人員知悉後即時提供悉心輔導，幸而情況得到改善。多謝你哋呀！！

人員帶嚟除咗有部隊內嘅一份支持，亦帶嚟好多好多有心人嘅慰問，關心！我哋聽講我哋嘅傷情亦得到好多好多媒體的關注，我哋都無諗到自己會得到這麼大的關心和支持（收到好多慰問卡吖，又有手工製作嘅小禮物，好多好有心思，亦有好多窩心嘅字句吖！）

另外當中亦包括大家都擔心我哋有無接受到適當嘅治療嘅疑問！喺呢度我再一次同大家講：我接受緊好專業嘅治療，大家唔好擔心！

大家可能睇過另一位兄弟所寫嘅文章，當中提到『痛，好痛。。。』大家有疑問點解會咁痛？無止痛藥？被粗暴對待？其實都不是。大家曾經都有擦損手腳嘅經歷，清洗傷口嘅時候一定係痛！止痛藥係有，但係並唔可以百份百去除痛嘅感覺！我同另一位兄弟被思疑化學腐蝕性液品造成三級燒傷，傷口深，面積大，傷患處每日需要清理，擦除去壞死嘅組織！話俾你知唔痛肯定係呃你嘅，一陣風吹過都會劇痛，傷口本身皮膚上面嘅神經非常多，痛是非常正常的生理反應！曾經有一位資深教授講過『清洗傷口嘅時候，痛先係好，幫你完全清理好傷患，求其洗，你唔痛跟本唔係為你好！』所以，痛—係我哋感覺嘅一種表達，並唔係一種”控訴”， 不要以為我同另一位兄弟受到粗暴對待！！當時實在係痛到暈，只知嗌出嚟係緩解嘅一種方法，希望大家唔好對專業嘅醫護人員存有不必要嘅誤解！！

喺前綫執法，我哋都希望所有人相信我哋嘅專業；依家我瞓喺病房，我選擇絕對相信醫護人員嘅專業！大家可以對事件有唔同嘅立場，但係我唔相信專業嘅人會自己踐踏自己嘅專業！同時我相信，要好好康復，與醫護人員互相信任，先可以事半功倍！況且，我同另一位兄弟喺病房休養咗咁耐，並無任何受到令人難受嘅對待所以，大家唔需要擔心！我哋係警察！都係一往無前！呢份傷痛我同兄弟肯定可以慢慢慢慢熬過去！

受傷之後，我最怕最怕嘅係我嘅傷痛會影響到我嘅家人和同事，依家我喺度向大家報平安喇；我受傷期間最擔心嘅亦係我家人和同事！前綫嘅兄弟姊妹，我真係好擔心你哋，暫時我無辦法同你哋並肩作戰！懇請你哋做嘢小心，多啲休息。

我會盡快康復，重投前綫，再一次與大家並肩作戰！！當然更希望，當我康復嘅時間，香港已經回復太平！！！

We are Police！

We are Hong Kong Police！

讓我們一起為香港繼續努力！

香港警察加油！！//

Ariel

** 博客文章文責自負,不代表本公司立場 **

黎智英案庭審披露，「重光團隊」被黎智英等人用作搞「國際線」、串謀勾結外國勢力危害國安的平台。根據公開資料，即使在李宇軒與陳梓華被捕及羈押後，「重光團隊」仍持續運作，背後疑似鬼影幢幢。

「重光團隊」成立於反修例期間，亦稱為「攬炒團隊」(SWHK)，攬炒口號係「If we burn, you burn with us」，佢哋自稱係獨立、草根，並依靠眾籌維持營運，不過庭上就被曝該組織的全球登報及國際遊說行動，請求外國制裁中國，黎智英有份出錢出力。

在《香港國安法》實施之後，「重光團隊」依然未有收斂，持續在網上散播反華內容，又多次發表報告，就在上個月，「重光團隊」向歐盟提交一份報告，以2019年反修例期間「人權侵犯」及「濫用武力」為藉口，鼓吹歐盟對14名香港特區政府官員及警務人員實施制裁。

「重光團隊」亦頻繁與其他反華組織勾聯，例如一齊出聲明，遊說美國、英國及歐盟對香港特區官員實施制裁及採取其他敵對行動。早前佢哋就公開促請英國政府介入，要求釋放黎智英，又在倫敦發起多次反對興建中國駐英大使館的示威。

「重光團隊」的行動衝得好前，活動相當豐富，但相關人士就匿埋，資金來源亦成疑。

近年該團隊運作漸趨隱蔽，主要透過網上發布或動員，勾聯其他境外人士、組織行動，而在「重光團隊」的網站及社交平台上，未有註明任何聯絡人或負責人。

而根據佢哋聲稱，係「依靠眾籌維持營運」，不過自 2020 年 5 月最後一次眾籌活動後，「重光團隊」再沒有任何公開資料，顯示其後續仍發起相關眾籌活動。

那麼搞事的資金又從何而來？高人提醒，或許可以從「重光團隊」的海外網絡一窺蹤影。

頻繁同「重光團隊」密密合作的組織，包括「壹傳媒」集團前董事Mark Clifford主導的「香港自由委員會基金會」，由Mark Simon資助並由羅傑斯作為主要搞手的「香港監察」，以及國安逃犯郭鳳儀搞的「香港民主委員會」。2023年起，「重光團隊」亦擔任英國「跨黨派香港議會小組」的秘書處。這些「友好組織」形成一個政治目的極鮮明的網絡，透過在海外發聲、組織行動，首要目標係打擊中央及特區政府。

換言之，雖然曾經的「金主」黎智英被拘捕受審，但「重光團隊」保持緊密聯絡的組織、人士，同黎智英均存在直接或間接的關係。呢個聲稱係「草根組織」的團隊，在這個反華網絡中有否獲得運作資金等支持，就要打一個問號了。