運輸及房屋局局長張炳良日前同學生見面時，播咗條《選擇困難篇》 短片，片中一句「麻X煩」，咁就出咗位啦。
條片主要以「選擇困難症」做主題，話好多人有選擇困難症， 例如去茶餐廳選A餐或B餐等等，跟住旁白話「OK fine, 最多話你麻 煩」，字幕就出咗「麻X煩」，再加個爆花設計， 其實旁白無將個「乜」字發音。段嘢的正題係話用唔用啲地嚟起樓， 市民要識得揀。
就係呢句「麻X煩」，俾人鬧爆，話政府講粗口。Ariel就話， 鬧段片的網民中計啦，搞宣傳呢家嘢，最怕無人提。 拍條片無一個人講，咁就死得啦。而家多人鬧， 一定會引到多啲人去睇吓抵唔抵鬧，那怕有3300個人唔like ，但條片有44000人睇咗。
網民除咗在YouTube留言鬧之外，亦有人提出具體意見， 例如網民Anthony Tam就話:「拎10%綠化地出來起樓，300呎1間，賣100 -150萬，唔好起左D根本買唔起既樓，要賣只可賣返比政府， 唔可以出租，即刻解決大量住屋問題，而且冇左2手市場， 唔會有得抄，班抄家要抄咪繼續去抄佢地D私樓囉， 而家最大問題唔係起唔起倒，而係根本太貴，起左都唔夠錢買。利申 ，乜都唔識，唔想抄樓賺錢，只係想有間屋住，安安樂。」
呢啲都係有建設性的意見，唔知張局長有無睇呢?
Ariel
** 博客文章文責自負,不代表本公司立場 **
民主黨因為要求特首落台及要籌錢搞辭職公投，同政府反晒面， 所有問責官員決定不出席民主黨黨慶籌款晚會。
民主黨主席劉慧卿回應話，大部分官員都未回覆會否出席， 只有食物及衛生局局長高永文和運輸及房屋局局長張炳良已經答應出 席，但亦有官員回覆不會出席 。卿姐話，尊重嘉賓的決定，她指民主黨爭取普選，不要「袋住先」 的訊息清楚，如果政府要在議會內，與民主黨全面對抗， 是他們的選擇。
港府消息人士話， 問責官員昨日上午一齊傾是否出席民主黨籌款晚會， 結果大家決定全不出席，原因除了因為民主黨要求特首CY下台外， 亦因民主黨當晚會為個黨籌款， 而部份錢將會用來支待何俊仁辭職公投的經費， 民主黨不會話當晚籌得的款項不會用作辭職公投。 那麼官員去出席晚會幫手籌款，咪等如搬石頭去掟自己隻腳？張炳良和高永文話出席，應是昨天之前回覆， 經過昨天的集體決定後，估計他們也不會出席。
消息人士又話，政府高層今早再傾，認為不止司長和問責局長、 副局長，連官員如常任秘書長、副常秘、處長等，基於上述邏輯， 都不應出席民主黨的晚會，唯一例外的民主黨黨員， 因為基本法規定香港有集會結社的自由，若官員本身是民主黨黨員， 不能禁止他出席民主黨的活動， 所以未來可能只有屬民主黨黨員的官員才會出席。
政壇中人話，政府如此決絕，對民主黨的籌款也有影響， 因為按同一個邏輯，若高調捐錢俾民主黨， 亦等如支持他們去做辭職公投，與政府為敵，都有少少濕滯也。
