政事
入標競投亞視股權的買家包括黑馬匯友資本， 雖然他們名頭不如另一個傳聞買家萬達集團老闆王健林那樣嚮， 但政商界都密切注意匯友這個買家，因為匯友的老闆同「殼王」 陳國強關係密切，而陳國強又係無綫老細， 惹起無綫買起埋亞視之猜測。
現實上無綫無可能買起亞視，因為有管制跨媒體擁有權的法律， 一家電視台15%以上的股東，不能買起另一家電視台15%或以上 的股權，但現實上商業關係，有時又比名義上持股複雜。
匯友創始合夥人胡景邵和合伙人何智恒，與「殼王」 陳國強曾有合作往績，合伙人何智恒， 曾任陳國強的德祥企業副總裁。而胡景邵2013年買入hmv香港股權時，與「殼王」合作競購。
話「殼王」與匯友這班人係friend絕不過份， 當然不似有股權關係。但亞視競購者之中，出現「殼王」手影， 單係呢個話題，已經夠吸引啦。
Ariel
** 博客文章文責自負,不代表本公司立場 **
運輸及房屋局局長張炳良日前同學生見面時，播咗條《選擇困難篇》 短片，片中一句「麻X煩」，咁就出咗位啦。
條片主要以「選擇困難症」做主題，話好多人有選擇困難症， 例如去茶餐廳選A餐或B餐等等，跟住旁白話「OK fine, 最多話你麻 煩」，字幕就出咗「麻X煩」，再加個爆花設計， 其實旁白無將個「乜」字發音。段嘢的正題係話用唔用啲地嚟起樓， 市民要識得揀。
就係呢句「麻X煩」，俾人鬧爆，話政府講粗口。Ariel就話， 鬧段片的網民中計啦，搞宣傳呢家嘢，最怕無人提。 拍條片無一個人講，咁就死得啦。而家多人鬧， 一定會引到多啲人去睇吓抵唔抵鬧，那怕有3300個人唔like ，但條片有44000人睇咗。
網民除咗在YouTube留言鬧之外，亦有人提出具體意見， 例如網民Anthony Tam就話:「拎10%綠化地出來起樓，300呎1間，賣100 -150萬，唔好起左D根本買唔起既樓，要賣只可賣返比政府， 唔可以出租，即刻解決大量住屋問題，而且冇左2手市場， 唔會有得抄，班抄家要抄咪繼續去抄佢地D私樓囉， 而家最大問題唔係起唔起倒，而係根本太貴，起左都唔夠錢買。利申 ，乜都唔識，唔想抄樓賺錢，只係想有間屋住，安安樂。」
呢啲都係有建設性的意見，唔知張局長有無睇呢?
