阿sir在理大外游說有新意 指黑衣人原則底線承擔責任感全部無

昨晚凌晨，微博有「記者我在說」，出了一段文，非常有趣，全文記錄了昨晚警察以咪高峰和仍然堅守在理大的黑衣人對話，內容非常到題，令黑衣人無言以對，只能間中以粗口回敬。

阿sir一直在打擊黑衣人的士氣，說：「我真係覺得你哋好垃圾，做又做唔掂、做又做唔好。我睇你哋唔起呀，唔係因為我同你政見、立場唔同，係因為你哋做人冇原則、冇底線、冇承擔、冇責任感，同埋冇腦啊。」

阿Sir教訓黑衣人時，暴徒不斷用強光照射阿Sir。

「呢幾個月發現，香港受過多年免費教育的人，智商、分析、邏輯能力比沒受過教育的人更低，董先生（首任特首董建華）已承認教育政策失敗，教咗一班咁嘅人出嚟！」

「你地自己懾高枕頭再諗一諗啦！接觸多些外邊人的想法、擴闊自己眼光、睇吓人地D文章，你會發現，原來你係錯得好緊要。你哋真係喺度發緊夢架，我話俾你地聽，呢個夢好快醒，你哋全部都要承擔之前錯誤所帶來嘅惡果。」

「你地要食冰冰冷冷嘅生命麵包，都冇問題嘅，我喺外面守你三個月三個禮拜，但我好快有警察同事來接我班，我收工後可以到深圳食海底撈、可以飲冰凍啤酒，真係諗起都開心，而你哋就繼續喺度食生命麵包，通常係基層拾荒者老人家食，我覺得你哋好可憐。」

呢位阿sir除了打擊黑衣人士氣希望佢哋投降出來之外，其實講得好啱，暴露了香港教育失敗的地方。在連登討論區上，呢班黑衣人常常自稱是大學生，指警察是毅進仔，嘗試抬高自己身價，貶低別人身份，完全是自卑的表現。事實上，黑衣人當中龍蛇混集，由前天242人上庭的名單上觀之，大學生原來只是少數，當中有未成年中學生，有IVE學生，但亦有很多從事一般職業的推銷員、文員、建築工人、侍應及廚房佬等等。

反而警隊內大學生佔比不少，很多大學生只是考員佐級警員。現時投考見習督察職級，因為人工高，相當不容易，成功者基本上都是較精英的大學生。至於員佐級警員，學歷也越來越高，資料顯示，2017-2018年度被取錄的員佐級警員有1074人，當中具大學學歷的有309人，佔比增至29%。黑衣人自抬身價、踩低警隊，偏離事實。

Ariel

** 博客文章文責自負,不代表本公司立場 **

昨日（周二）網上傳來黑衣人呼籲：「一人燒10張匯豐1000元紙幣，便總共消毀200億港元。到時市面唔夠現金，息口暴升，便成功攬炒香港金融系統。等班眼中只有錢嘅死廢老收皮！」

在社交媒體上，網友睇完呢則呼籲，有些一臉疑惑，有些笑到碌地，內容滿佈疑點，真不明白是誰人寫這些文宣？看到內文，便知撰文者既缺乏一般常識，更缺乏金融知識。

網友叫孩子醒醒吧。面書截圖

第一，燒港幣屬於違法行為，隨隨便便犯咗法。

第二，每人燒10張匯豐1000元紙幣，便可燒掉200億元，那是代表他們承認只得200萬手足嗎？他們不是說一直有七成（即起碼500萬）香港人支持他們嗎？

第三，叫人燒錢這麼容易嗎？他們一定是忘記了三個月前呼籲「癱瘓香港金融體系」的鬧劇，當時只是叫人去提款機提款，結果也只有281萬港幣被提走！叫人提款都咁困難，你叫人燒銀紙，更加係匪夷所思及不可能達成。

寫出這些文宣的人，究竟有無用腦，或者上網做啲統計？做啲功課？究竟知唔知香港貨幣供應金額係幾多？單計港元（未計外幣）貨幣供應M1，10月的數字是15464億港元，如果計M3，更高達74571億港元，就算俾你燒咗200億港元，也是一條毛。

有網民又話，此文非常可笑，叫一群沒有賺過錢的人去燒錢，錢從何來？有網友建議可以燒何韻詩嘅錢，因為佢有上億元嘅基金。亦有網友整咗一張冥幣圖，叫燒定錢俾自己，將來遲早用得着。亦有網友問，「為何燒匯豐的？你們不是很憎中銀嗎？咁燒中銀銀紙得唔得？燒渣打的銀紙又得唔得呢？」

內地網民更唔客氣，指亂港分子嘅行為真的很愚蠢，像是小朋友的智商，譬如剛剛過去的雙十一大家都在摩拳擦掌準備購物，亂港分子卻呼籲抵制買淘寶的行動，讓「雙十一」變成「傷十一」，結果淘寶在「雙十一」還是賣個滿堂紅兼破紀錄，凸顯亂港分子的無知及自大。