楊偉雄走到台前勢受狙擊

因為財委會拉布，政府未能夠成立創新及科技局，依家先委任理大副校長做創新及科技顧問，同時搵佢做行政會議成員，收76,500元每月津貼，大家睇到政府呢招都係避開立法會的安排。

行政會議成員羅范椒芬承認係權宜之計，無辦法之中的辦法。無論如何，本來政府設計楊偉雄做創新科技局局長，暫時未做局長，做住顧問先，兼做埋行會成員，都係由幕後走到台前。

在香港政壇好得意，你在幕後做嘢無問題，你一走到台前，即使只係做行會成員，都係喺在傳媒的大光燈之下，用高規格去檢視。一公布楊偉雄的任命，即刻有媒體炒番舊事嚟講。

事緣佢在2010年時，係信息共融基金的董事，政府搞出基層兒童上網支援計劃，共融基金中咗標，其後被人投訴去廉署話共融基金中標有問題，雖然唔成一件案，但係廉署防貪處都有出報告批評事件，楊偉雄在廉署出報告前已辭去信息共融基金的董事職務，表面上叫做撇清關係。

呢啲舊事依家攞番出來講，事過境遷，廉署亦都無立案，照計陣火就燒唔大，不過，政壇高人講，依家從政係一個高風險行業，任何人踏入政圈，都預咗俾傳媒追訪，被高規格檢視，聞說唔少人派咗狗仔隊去追蹤楊偉雄，努女去想掘吓呢位行會新貴有冇醜聞，相信都有人同楊顧問教路，叫佢小心，唔好對傳媒狙擊掉以輕心，否則唔好未上任局長，己身中亂箭，咁就無隱啦。

Ariel

** 博客文章文責自負,不代表本公司立場 **

匯賢智庫理事會主席葉劉淑儀又有新搞作，計劃在下月中港搞「2024全球繁榮峰會」，邀請全球近300個嘉賓來港，討論影響全球繁榮的議題。

葉劉淑儀計劃在下月中港搞「2024全球繁榮峰會」。

峰會邀請了諾貝爾化學獎得主、國際結構生物學權威羅傑．大衛．科恩伯格教授（Professor Roger D. Kornberg）擔任主題演講嘉賓，主講者甚有份量。

諾貝爾化學獎得主科恩伯格教授將擔任主題演講嘉賓。

葉太話希望外國朋友嚟香港睇睇，香港一切冇變，生活如常。佢話香港應有角色，應該是缓沖區而不是戰場，要推動民間交流。

峰會的演講嘉賓，還包括知名經濟學家、霍普金斯應用經濟學教授漢克（Steve Hanke）。

葉太又評估政治形勢，話23條立法已經軟著陸，美國暫時不會太強硬針對香港。她每日收到有關外國對香港的新聞簡報，發覺近日外國已不太關心香港政治，主要關心經濟問題，例如某些外資銀行裁員等等。

她認為，美國宣佈針對香港23條立法的行動，主要是國務卿布林肯話，要限制香港相關官員入境美國。但布林肯的限制名單不會公開，正如香港拒絕外國人入境也不會公開名單一樣。

她判斷美國今次對香港23條立法的回應，比上次2020年針對香港國安法的回應克制。當然仍然要鬧美國干預香港事務。