政事
今日港大舉行新春團拜，校長馬斐森自然被傳媒追問港大法律系教授陳文敏被狙擊事件，馬斐森話港大有五個副校長空缺，依家剩番一個未處理，而聘用程序的最後一步，係遴選委員會向校務委員會推薦人選，但依家呢個步驟尚未進行。
至於其他相關傳聞報道，馬斐森就話唔會評論，又話特首無就請副校長一事同他接觸。
有政府中人就話當日有傳媒報道，指有政府人員致電校務委員，要求否決遴選委員會成員一致推薦陳文敏任副校長的建議，聽番校長今日的講法，認為遴選委員會仲未進行何來一致推薦喎。
陳文敏係咪出任港大副校長一事，已演化為政治爭拗，依家又出現校長講的「遴選委員會未推薦」版本，令事件再陷羅生門，各說各話。正如Ariel早前講過，特首同政府有冇在事件上有角色，暫時停留在各講各的階段，用法律語言來講就係只有「聞說證供」(hearsay)，未有實料，關鍵係指控者能唔能夠搵出具體所謂接到電話的校務委員出來作證，究竟係乜嘢政府人士打電話同佢講咗乜嘢，如果無具體的證據的話，暫時就只停留在口水戰的階段。
Ariel
** 博客文章文責自負,不代表本公司立場 **
北京人大政協兩會又開鑼，政壇友當然關注在會議期間，國家領導人會傳遞出咩嘢訊息。一開波，中央港澳工作協調小組組長、全國人大委員長張德江即刻見咗港澳區政協委員。從近期香港的反水貨客衝突，到持續79天的佔領活動，張組長都有提及。
據了解，張組長在會上話，過去一年，香港有兩件大事好值得一提，一是去年人大831有關香港普選特首的決定，佢指出全國人大常委會規定了香港行政長官普選的核心要素和制度框架，為香港實行行政長官普選奠定了憲制基礎，呢個係香港民主發展進程中具有里程碑意義的一件大事。
第二件大事，當然係持續長達79天的非法「佔中」活動帶來的衝擊，佢話各方堅定立場、堅守原則、堅決鬥爭，依法穩妥應對，最終成功平息了這場高風險的街頭政治活動，捍衛了香港法治，維護了大局穩定。特別是整個處置過程沒有發生嚴重流血衝突，沒有發生死亡事件，在世界各國各地區處置同類事件堪稱範例。
佢仲話如果香港亂了，最後埋單的是港人，受傷害的也是香港。
聽完張組長的講話，港區政協委員都覺得，中央肯定特區政府同警隊處理佔中活動，亦都顯示831決定唔會改。而全國人大法律委員會主任委員喬老爺，今日在北京回應記者追訪時亦清楚表示，人大常委會就香港政改框架的決定，沒有任何改變空間。
政壇中人話，聽阿爺咁講，佢地對處理成個佔中的手法高度評價，
