政事
新聞行政人員協會今晚舉辦聯歡晚宴，特首CY原定9點走，結果坐到10點幾，最後仲上台與眾人合唱。
最經典係佢同蘋果日報社長葉一堅堅哥，同台唱出監獄風雲主題曲「友誼之光」，現場所見兩人都唱得好投入，仲好肉緊添。真係歷史性場面囉。
另外，CY亦都同新聞行政人員協會的高層獻唱一曲「朋友」，各人都唱得好投入，仲隨著音樂打拍子。
Ariel
** 博客文章文責自負,不代表本公司立場 **
新聞行政人員協會今晚舉辦聯歡晚宴，特首CY係主禮嘉賓，今屆係DBC數碼廣播電台總裁羅燦燦哥出任主席，各方友好捧場，前幾任主席商台的May姐(陳淑薇)一早講明，為免大家太過勞碌，只玩不寫，等大家玩得開心啲。
不過，有一個遊戲，由CY對世界華文媒體網絡營運總裁劉進圖(Kevin)，大家鬥掟波，又的確係幾有趣，結果兩人同意俾大家報導。
遊戲好簡單，大家掟啲乒乓球反彈入去玻璃杯中，一輪熱身後馬上開始，身型高大的CY當然孔武有力，但係斯斯文文的Kevin掟波技術似乎係好啲。
經過一輪惡戰之後，劉進圖以13:9的大比數勝出，事後CY話已盡力，都係不能取勝，而Kevin就話事前無練，不過可能呢個遊戲唔使用太大力，出手輕柔啲仲容易入到杯中。
現場亦見到蘋果社長葉一堅，堅哥笑笑口話有新老總陳沛敏上場，佢輕鬆好多，最好幫多兩、三個月手，就唔使佢幫手啦，睇嚟佢有啲甩難的感覺。
