特首詳論外部勢力的四個層次

特首CY在佔中時直指有外部勢力參與，但一直未願透露詳情。他昨日在禮賓府與各界人士茶聚時，原來有詳細論述外部勢力包含四個層次。

昨日的茶聚有過百人參與，各個界別人士都有，茶聚開始時CY上台發言，主要對佔中作總結。他提到介入佔中的外部勢力包括四個層次，第一是國家及政府，第二是某些外部政府屬下的部門，它們在港的活動，政府的最高負責人未必知情。

第三是非政府組織。第四是個人層面。他強調去年的非法佔領運動，確實有上述各層面的外部勢力介入。至於是那些外部勢力，他就說不方便透露。

他又指佔中三子戴耀廷事前講到萬人自首、逼爆法庭的情況，並無出現，證明大多數市民仍然是守法的，也顯示整個佔中概念，失敗收場。

有出席茶聚的知情人士話，注意到CY講的是「外部勢力」，而不是「外國勢力」，相信不止指西方國家，也包括台灣，因為台灣不是一個國家。

Ariel

** 博客文章文責自負,不代表本公司立場 **

重建後嘅皇崗口岸喺2026年10月12日正式開通，實施「一地兩檢」同「合作查驗、一次放行」，仲要24小時通關，真係好方便。開通接近一個月，平日日均出入境人次已經超過86,000，比以往落馬洲管制站多咗成倍；去到週末同假期，日均更加直逼140,000人次，受歡迎程度可見一斑。

不過，人潮多咗，交通需求大增，政府就留意到有市民同旅客貪方便，搭咗啲跨境私家車往返兩地，而且當中部分係非法出租或取酬載客嘅「白牌車」。呢啲車無合法嘅出租汽車許可證，做生意屬刑事罪行。為咗保障乘客同道路使用者安全，政府近期已經明確表示高度關注，執法部門亦加強咗打擊，除咗依法檢控違例司機，仲會扣押涉事車輛。運輸署同警方亦都密密做宣傳，除咗於官方網站及社交媒體發放訊息，運輸署亦向封閉道路通行許可證持有人以及指定跨境駕駛計劃批准信持有人發出電郵，直接提醒相關車主唔好以身試法，列明違法嘅嚴重後果，同時呼籲市民要認清風險。

警方近日在新皇崗口岸拘捕一名42歲持雙程證的內地男司機，涉案豪華七人車亦被拖走扣留檢驗。

可能有人會諗：「有人肯車我，價錢啱咪得囉，做乜要搞咁多嘢？」但高人提醒，從市民自己嘅角度出發，坐「白牌車」其實係一場「搵命搏」嘅賭博，主要有兩大風險：

第一，保險隨時有機會失效，意外隨時面對索償無門。

合法嘅跨境出租車必須持有常規配額、封閉道路通行許可證同出租汽車許可證。但「白牌車」冇呢啲牌，一旦發生交通意外，提供非法服務嘅車輛，佢嘅第三者責任保險係有可能會失效。即係話，如果坐白牌車出事受傷，甚至造成傷亡，你有機會追究無門，無法獲得應有嘅賠償。為咗貪一時方便，將自己同家人嘅安全較飛，值唔值得咩？

第二，罰則極重，唔好以為只係抄牌咁簡單。

根據《道路交通條例》第374章第52(3)條，無牌載客屬刑事罪行。警方會用「放蛇」方式去蒐證，亦會喺口岸一帶同黑點加強巡邏。一旦斷正，首次定罪最高罰款港幣10,000元、監禁6個月，車牌吊銷6個月；如果再犯，最高罰款25,000元、監禁12個月，車牌吊銷12個月。涉案車輛喺吊銷牌照期間要交畀運輸署保管，司機更會被停牌最少12個月至3年。運輸署仲會撤銷埋涉事車輛嘅封閉道路通行許可證。如果涉及內地司機，警方仲會查埋係咪非法勞工或者違反逗留條件，轉交內地執法部門跟進。

其實皇崗口岸嘅交通配套正逐步完善，港九新界都有合法交通工具直達，包括7條專營巴士（6條日間、1條通宵）、3條日間同3條通宵專線小巴、5條短途跨境巴士同長途跨境巴士，仲有市區的士、新界的士同車隧的士。

高人話，政府打擊「白牌車」，並唔係要阻礙大家出行，而係要守住安全底線，同時可令皇崗口岸更暢順。對市民來講，搭合法交通工具先可以保障自己同屋企人。