原來科大入面可以飲茶架！

【大學生吃什麼第四站！】

唔講堅係唔知，無諗過科大有得飲茶！仲要係平！靚！正！科大生Bonnie話南北小廚嘅點心款式夠多，價錢又平，服務態度又好，平時好多professors, 同學仔甚至一家大細都鍾意入嚟食嘢㗎！開sem飯、完sem飯又可以喺度食，唔洗出去同人迫，真係夠唒方便！

講到必點菜式，Bonnie話一定要試招牌「四式糕點拼盤」，分別有紅豆、芋頭、咖啡同埋桂花糕，唔會太甜，咬落去又唔粉，女仔特別鍾意食咁話喎

有時同學仔遇著天地堂，嚟飲餐茶，聯誼下，時間真係容乜易過吖~講咩都假，重點喺桌上嘅食物，加埋只係需要150元左右真係考慮到學生嘅財政能力！

睇完Bonnie嘅介紹，大家都可以去試下？其他U嘅學生，等到你學校嘅代表出現未呢？記得定時留意我地嘅page喇！

即刻LIKE FB: 大學生吃什麼~ 有更多靚相睇!

大學生吃什麼

** 博客文章文責自負,不代表本公司立場 **

第二站~我地嚟到珠海學院！唔知平時珠海同學仔會食咩架呢？睇下Gigi點講先！

「作為珠海人，總面對吃飯的難題。得一小時空檔，應唔應該走出海濱花園，出去市中心食lunch呢？海濱的餐廳雖然唔少，但總係無一間可以畀我地吹水坐低hea。所以我們落堂就喪衝，坐十分鐘車去到葵芳呢間裝潢精緻的牧羊少年·咖啡·茶酒館。

大家都知港女（即係我）食飯，味道其次最緊要個樣靚！呢到的all day breakfast 影相靚之餘，味道仲要唔錯，加分。一盤有齊pancake、滑滑炒蛋、烘過脆卜卜既多士、腸仔仲有蕃茄，一次過滿足N個願望，仲可以用來自拍，睇得望得食得。仲有仲有，我高度推介的燕麥桃乳酪。酸酸甜甜，係食咁大盤美食前可以幫手開胃。」

小編按：平時我行開平靚正嘅葵涌廣場，都鍾意去呢度坐下飲下下午茶，曬下日光浴~真係好relax架聽日星期日都可以去試下呀！不過記得早啲去排隊喔~