情人節閃光彈出沒注意！

就嚟十二點，單身人士以為終於可以避開閃光彈？只能說，你太天真鳥。

大學生吃什麼今晚決定為大家介紹樹仁新傳系一對sweet到爆~~~嘅情侶！睇下佢地點過情人節！

相中男友Conrad向小編講，喺情人節可以同Stephy bb一齊煮野食，感覺真係無得彈。一來唔洗出去捱貴野，二來兩個人一齊煮下嘢吃，成件事完全有老夫老妻的感覺，真係sweet到小編都頂唔順喇←_←

今晚負責落廚嘅Stephy透露，自製嘅蘋果蓉豬扒用上德式蘋果蓉的做法，令口感更豐富。酸酸甜甜的蘋果蓉配上豬扒 ，用燒烤的做法可以保持肉汁，做法簡單又好味，十分juicy~~~~

肉醬千層麵用Lasagne麵皮相疊起來，加上自制的蕃茄汁同豬肉及蔬菜，經焗製調味而成。晚餐再有焗薯,鮮蝦沙律同生蠔，簡直係完美配搭！

祝各位大學生有情人繼續Sweet爆，日日派爆閃光彈！！單身嘅都唔洗灰心！兩個小編喺度陪住你！

即刻LIKE FB: 大學生吃什麼~ 有更多靚相睇!

大學生吃什麼

** 博客文章文責自負,不代表本公司立場 **

大學生吃什麼第三站：帶大家到食晏時分要同打工仔鬥快爭位嘅灣仔區食日本嘢！讀樹仁嘅新生，應該對喺灣仔區食晏諗到頭都大，除咗胡忠大廈嘅大家樂同合和入面嘅麥記同Starbucks，最多都係食下南記同金鳳。要好好地同同學仔Hea一個下午，梗係要去試下納思比依個色香味俱全嘅綠茶火鍋喇！

 

未入去之前，勸告各位大學生唔好俾外觀嚇倒，雖然價錢唔太平，但絕對物超所值！侍應慢慢攞緊個Fondue埋嚟嗰陣，小編同Cassie已經急不及待Standby定部相機，務求「相機食完」之後我哋兩個綠茶控可以盡快食到依期至Hit甜品

火鍋雖然份量唔多，但兩個女仔或一對情侶嚟食就just fit喇~伴隨火鍋上碟嘅配料用兩個方形盒盛載住，入面除左有新鮮嘅士多啤梨、藍苺、細小蜜瓜片、火龍果片同香蕉片以外，另外仲有三件蛋糕仔同幾粒軟糍俾你點綠茶漿，好Oiyishi呢！雖然火鍋細細，但唔洗幾耐火勢已經好猛烈，起曬泡泡！Cassie同小編講，點左綠茶醬嘅軟糍，一放入口即時有令人覺得雙眼變BlingBling嘅感覺！！實在係好好味的綠茶朱古力！唔太甜，香、濃郁、有綠茶應有的澀味！好有質素！再配合生果嚟平衡番朱古力既甜味，綠茶迷一定唔可以錯過！

Nasubi 納思比
灣仔謝斐道260-264號杜誌台地下6-8號舖

即刻LIKE FB: 大學生吃什麼~ 有更多靚相睇!