你有無舖「傷心」癮？

上面講嘅傷心癮，意思其實係有無舖鍾意食辣，就算鼻水眼水耳水流唒出嚟都要繼續食嘅癮？

喺樹仁大學讀書嘅BB比傲又出現喇！一齊聽下佢對「傷心」嘅睇法：

「嚟到銅鑼灣呢間店，我多數都會嗌招牌傷心酸辣粉刺激下自己，呢度嘅酸辣粉可以揀bb辣、小辣、中辣、大辣同超辣，我就揀左小辣，覺得辣度啱啱夠，都幾滿意架。

湯底就幾有正宗重慶酸辣粉味，加埋花生等酸菜令口感更加豐富，特別開胃！不過美中不足係我覺得佢嘅面有D韌，咬得有d辛苦。

個餐除左醉辣粉都包埋口水雞，口水雞我覺得一般，骨多過肉，我又唔食雞皮，所以基本上無乜肉食。

最後就輪到我最鍾意食嘅皮蛋喇~我第一次嗌呢款「尖椒皮蛋」，佢都排得幾有層次，中間排左一堆辣蒜，可以自己因應辣度睇下連唔連埋皮蛋食，都幾體貼！皮蛋醃到晶瑩剔透，加醋酸味的醬汁，真係好醒胃！去到必試！」

聽完比傲嘅分享，係咪好想即刻去試下呢？小編都好想去食下傷心下呀～大家食開咩好餐廳都可以推薦俾我地架想知道更多平時大學生鍾意食咩，記得mon住我地個page喇！

即刻LIKE FB: 大學生吃什麼~ 有更多靚相睇!

大學生吃什麼

** 博客文章文責自負,不代表本公司立場 **

大家好！今日我地想推薦一間韓國Cafe！想嘆一個悠閒嘅下午茶，其實好多間cafe都做到啦。咁呢一間韓式cafe，又有咩咁特別值得我地推薦呢？再由眉眉帶大家睇下( ´▽` )

「一開始見到間店嗰陣，都唔覺得有咩特別架，點知行入去，原來入面有個後花園！由石牆圍住，木色嘅餐桌，仲有韓國嘅cushions，望上去有樹遮陰，風吹葉落，令人覺得自己好似暫時離開左香港咁(>_<)」

「我地嗌左一個紅豆甜爾鍋，起初都覺得好奇怪架。但知道宜家好興食呢樣嘢，咁咪估起勇氣試下囉。 」

「一見到個鍋嚟到真係超級興奮！上面有好多材料⊙_⊙食物有栗子、由韓國人親手做嘅啊豬媽年糕、糯米糍、香蕉；仲有mix nuts、綠茶粉、芝麻，感覺真係好正宗！」

「我本身好鍾意食煙煙韌韌嘅嘢，嗰舊啊豬媽年糕，浸落去紅豆度，再點埋綠茶粉一啖放落口。對唔住…真係好食到無得輸T_T（小編：好後悔無錄到眉眉食第一啖個樣）」

「我地仲嗌左一個烤豬柳韓哥飯卷，咬落去帶點微辣嘅豬柳配上韓式米飯，加上薄皮，感覺非常滿足。」

後來我地問過店入面一位韓國manager，佢話老闆係半個韓國人，當初揀呢度就係睇中左後面有個後花園，加上近港大，希望學生可以嚟呢度hea下輕鬆下咁(>_<)小編就算唔係讀港大，都好想無嘢做就嚟呢個人間靜土食下嘢啊！

即刻LIKE FB: 大學生吃什麼~ 有更多靚相睇!