週末好去處！

大學生吃什麼自出Post以來，有唔少人都反映好似見親都係美食配美人，令美食被搶Fo，所以今晚小編決定純以美食示人，帶大家回歸原點！

自從西港島線通車之後，要捐窿捐罅揾野食真係方便左好多! ;P 小編今次帶大家到位於港鐵堅尼地城站附近一間新開嘅潮食舖叫Chino。佢地以賣墨西哥菜Fusion日式烹調方法作招徠，must order一定係依兩個睇見都已經流唒口水嘅Tostadas!!!!*v*

文字根本不夠形容Scallop&Uni Tostada有幾新鮮，有幾好味。T_T小編食個陣，個腦完全Function唔到，只係好專心咁品嚐每一啖上面軟，下面脆嘅味道。到食Chicken&Egg Tostada嗰時，店員好友善咁提議小編食依個Tostada時可以有兩種食法：佢話有啲客人會選擇先啜蛋黃再食其餘部分，亦有啲會一啖食唒成嚿，慢慢喺嘴入面咀嚼當中嘅味道…(╯з╰)

小編提醒各位朋友：由於Chino唔接受預約，所以建議大家放左學大約6點左右去到，咁就唔怕要排隊影響興致喇!:) 小編同姐妹食完之後由於時間尚早，所以就漫步西環，去到有多年歷史，位於正街嘅源記甜品專家食糖水，為愉快嘅一日劃上完美嘅句號。♥

到左源記，一定要試清香嘅雞蛋糕，入口鬆軟，而且只係賣7蚊件，絕對值得一試。^_^ 另外唔可以錯過嘅當然係招牌甜品：蓮子杏仁露同桑寄生蓮子雞蛋茶喇！用石磨整成嘅杏仁露入口幼滑，配上鬆化嘅蓮子，簡直無得彈啊！

要知道更多大學生食野好去處，記住痴實我哋大學生吃什麼喇！:D

即刻LIKE FB: 大學生吃什麼~ 有更多靚相睇!

大學生吃什麼

** 博客文章文責自負,不代表本公司立場 **

今日係人日~祝你生日快樂~祝你生日快樂~唔少大學生聽日都開學喇，你地諗好同班FRD去邊度食開年飯未呢？

如果未諗好，甚至咩都未BOOK，又唔想食街市/打邊爐嘅話，可以試下去銅鑼灣COOKING MAMA 360 試下嫁！一齊聽下比傲點講~

「HELLO~今年我讀嘅科都比較夜先落堂，落到銅鑼灣好多餐廳都無位喇。果日同朋友喺京都廣場見到呢間韓國野，又多位又播緊KPOP，就鼓起勇氣試下啦LOL

首先係年糕炒麵，本來我見到有呢個食真係幾開心，但turn out出黎佢實在係太！乾！喇！同埋我明明係叫少辣，但都係好辣，要不停飲水同食飯先好D… 上面塊芝士要加五蚊，但完全無特別，無驚喜。

不過豬肉生菜包我又覺得OK wor，生菜食落好爽口，豬肉配上韓式辣醬，過到口癮！至於個炸醬雞肉石鍋飯，炸醬味都足，同埋底下飯焦都唔錯，可以一試~ 最好味就係呢杯特飲~上面舊冰夠哂大，荔枝味足又唔會太甜~

食物方面雖然都係一般，但係佢勝在唔洗排隊，上野食又夠快，地方又夠大可以成10個FRDS一齊食飯都得~~都係臨緊抱佛腳嘅選擇~^_^」

聽完比傲咁講…都唔知食好定唔食好TIM LOL不過唔洗排隊真係好重要，起碼大家都可以舒服D唔洗等MA~ 開學喇，我地大學生吃什麼會介紹更多更多嘅美食~記得唔好錯過喇！

地點︰駱克道491-499號京都廣場2樓

即刻LIKE FB: 大學生吃什麼~ 有更多靚相睇!