【 大學生吃什麼 x 來吃一口鳳梨酥特別呈獻： 正宗台灣風味殺入香港！】

早幾日 @來吃一口鳳梨酥 小編眉眉 （即大學生吃什麼首席model）帶我去西營盤一間1月先殺入香港嘅台灣風味小店，真係令我印象好深刻呀ヽ(`Д´)ﾉ

 

 

首先，店外店內設計同去台灣夜市感覺好似~ 一排櫈，可以望住店員喺入面煮嘢；入到門口，店員一齊用台灣腔嗌：「歡迎光臨~」；加上店內又播住周董等台星嘅歌，老闆又係台灣人，親自為我地遞上食物，仲提我地皮蛋豆腐要搞混先食，真係令人好掛住台灣啊(╯з╰)

 

 

食方面，更加係超出我嘅預期！魯肉飯嘅魯肉用上半肥瘦豬肉，加上以肉汁撈飯，好味過平時喺香港其他餐廳食嘅魯肉飯得多，唔會咁乾睜睜…而且佢比台灣食嘅魯肉飯更大碗，份量好足夠，價錢$27元都算合理~

 

 

至於蚵仔煎（台語：鵝a煎~）老闆畫左個笑哈哈喺上面^_^未食都已經開心哂，蠔肉夠多又夠鮮，煙煙韌韌，正!

 

 

至於鹽酥雞，唔知係咪因為掛住影相遲左食，攤凍左味道只係一般般，無乜特別（下次會偷食一粒先影相）；

 

 

我本來諗住皮蛋豆腐係好似喺台灣食咁，豆腐上面放皮蛋，但呢度佢撈埋左一齊，感覺…有dd奇怪，但食落都ok嘅。

 

壓軸重點就係木瓜牛奶嘞！本人本身超愛飲木瓜牛奶，呢度嘅木瓜味好濃，混合牛奶，飲落特別順滑，真係同台灣差唔多架( ´▽` )ﾉ

 

 

佢就係老闆阿元! 超好人~ 提提大家如果去食晚飯記得要早D去排隊喔~

 

INFO
阿元來了
西環西營盤第三街73號地舖

即刻LIKE FB: 大學生吃什麼~ 有更多靚相睇!

 

大學生吃什麼

** 博客文章文責自負,不代表本公司立場 **

上面講嘅傷心癮，意思其實係有無舖鍾意食辣，就算鼻水眼水耳水流唒出嚟都要繼續食嘅癮？

喺樹仁大學讀書嘅BB比傲又出現喇！一齊聽下佢對「傷心」嘅睇法：

「嚟到銅鑼灣呢間店，我多數都會嗌招牌傷心酸辣粉刺激下自己，呢度嘅酸辣粉可以揀bb辣、小辣、中辣、大辣同超辣，我就揀左小辣，覺得辣度啱啱夠，都幾滿意架。

湯底就幾有正宗重慶酸辣粉味，加埋花生等酸菜令口感更加豐富，特別開胃！不過美中不足係我覺得佢嘅面有D韌，咬得有d辛苦。

個餐除左醉辣粉都包埋口水雞，口水雞我覺得一般，骨多過肉，我又唔食雞皮，所以基本上無乜肉食。

最後就輪到我最鍾意食嘅皮蛋喇~我第一次嗌呢款「尖椒皮蛋」，佢都排得幾有層次，中間排左一堆辣蒜，可以自己因應辣度睇下連唔連埋皮蛋食，都幾體貼！皮蛋醃到晶瑩剔透，加醋酸味的醬汁，真係好醒胃！去到必試！」

聽完比傲嘅分享，係咪好想即刻去試下呢？小編都好想去食下傷心下呀～大家食開咩好餐廳都可以推薦俾我地架想知道更多平時大學生鍾意食咩，記得mon住我地個page喇！

即刻LIKE FB: 大學生吃什麼~ 有更多靚相睇!