田少身家三世使唔晒

自由黨田北俊向來反斗，常常與特首CY過唔去，佢接受《 壹錘定音》李慧玲訪問時話他自己不會參選特首，但CY民望太差， 若然行政會成員葉劉淑儀、政務司司長林鄭、立法會主席曾鈺成、 全國人大常委范太、公民黨主席余若薇、甚至他自己去選， 做個民調試吓，他估計個個都會贏CY，因為佢太差咁話。

但田少話佢自己不會選，要平衡一國和兩制很難，在23條、 自由行等問題上，若然平衡不到，就要作出取捨， 相信北京屬意的人，在取捨時要企在北京那邊，但他會企香港呢邊， 所以佢就唔適合做特首，就算參選，都出唔到閘。

在選委會的環境下，若然一定要在新民黨葉劉和CY之間選擇誰當特首，田少反問可否投白票？如果唔得只好投葉劉囉，佢話葉劉在立法會人緣都幾勉強，但在社會上市民對她的印象不錯喎。

他更估計如果政改通過，中央俾唐英年出閘嘅話，唐唐有機會捲山重來。佢話唐唐對香港嘅事情仲好關心，好想政改通過。「你問佢有冇興趣呢，我覺得唔可以話佢冇無興趣，但至於係唔係積極爭取呢，我又唔覺得係。佢而家玩的時候甚多，未來4月我又同佢一齊坐船去歐洲，有一個禮拜遊船河，同Henry一齊去。」

政壇八卦友話，田少雖然口口聲聲話唔會選特首，但又話佢去選都會選贏CY。呢個世界愛做特首的人太多，而特首只有一個，花生友一大班，講一定容易過做啦。田少在訪問中形容自己身家「唔止我一世使唔晒，可能我啲仔女呀、孫呀，只要你唔去賭錢，慳慳哋咁使、正當生意投資，佢哋都應該使唔晒」，而家民粹時代，好似唔係幾興搵身家三世都使唔晒的人做特首啦。

Ariel

** 博客文章文責自負,不代表本公司立場 **

人稱「炒何」 的星島新聞集團主席何柱國今晚出席傑出領袖頒獎典禮時， 大炒泛民議員和佔中頭頭，佢話立法會議員中最叻係長毛， 因為佢最早走。

炒何話，長毛開會好多時鬧一鬧事就走，之後或者去蘭桂坊，或者去辦公室，總之就唔使再開會。好似何俊仁咁樣就蠢啦，要留在立法會用iPad睇女仔，唔好似長毛咁返辦公室睇咩都得。

另外學民思潮召集人黃之鋒今日被美國《財富》 雜誌評選為全球傑出領袖第10位。炒何叫黃之鋒不要高興得太早，因為《財富》經常搞錯，1997年香港回歸時《財富》就出咗個「 香港已死」的故仔，但10年後就要認錯。炒何又呼籲黃之鋒要讀多點書。

何柱國和林鄭月娥及影星劉嘉玲合照

何柱國亦讚揚政改三人組為港人爭取民主走出一步， 又希望社會不要讓20多位泛民主派搶走港人的普選。