王維基的香港電視又出招， 發通告指話已向亞洲電視提交一份建議書， 建議租用兩條頻道播放節目，港視發言人補充話， 港視今日向亞視經理人德勤及董事會提交建議書， 租一條數碼及一條模擬頻道，每日播放4小時節目，合共1000小 時，直至今年12月31日，或者亞視停播。港視會擔任亞視這4小 時節目的唯一和獨家銷售代理，港視所收的廣告收益，將會與亞視「 五五」分帳，但保證亞視最少會有每個月500萬收入。
見到港視出招，又好易俾人「亞視已傾好咗會播港視節目」的印象， 甚至有股民盲中中又去炒港視股票，但留心睇睇港視個通告， 聲明話港視並未曾與亞洲電視、 其股東或亞視經理人德勤進行過任何討論或磋商。
電視業人士拆局，港視想在亞視這個大氣電波渠道播劇， 但聲明雙方未傾過，相信係吸收咗上次談收購的教訓， 因為上次王維基和王征傾過買亞視，之前未傾掂， 但最後階段亞視突然宣布王征接受王維基的收購條件， 搞到證監會都要話查， 後來又有王征和王維基微信對話的截圖流出街， 搞到王維基都幾一身蟻，所以今次就單方面先公布， 以免又被證監查。
電視業人士話，若然真係未傾過，王維基呢個建議，每個月俾500 萬亞視，到12月底8個月俾4000萬，仲可以收番啲廣告收入， 王維基花幾千萬做宣傳，做大個勢去投牌，對佢嚟講絕對有數圍。
但反觀從王征一方去睇，這個方案如一舊雞肋，食之無味， 棄之可惜，王征唔易啃得落。亞視一個月俾人工要1400萬， 加埋其他開支至少要1500萬一個月，收王維基500萬， 仲要每月貼1000萬，貼到年底貼多8000萬， 但呢盤係死生意，貼嚟做為乜? 除非王維基的港視承諾投到牌分兩、三億俾王征，否則王征花800 0萬無嘢可博，唔會制。
仲有一條死數，點解亞視個牌到明年4月， 但王維基只建議港視租亞視租到今年12月底，而唔係租到明年4月 ? 牌面睇港視已停拍新劇，現有劇集攞去亞視播， 若然一日四個鐘咁播法，去到年底都播完，王維基計住自己條數， 先簽租亞視到年底，去到咁上下睇睇自己投牌有無機會， 再決定拍唔拍新劇，或者再租唔租亞視時間嚟播。維基哥諗到咁絕， 將王征當羊牯，王征都唔係咁易制喎。
一直傳聞匯友胡景邵都和王征傾緊買亞視呢個一年牌嚟玩， 胡景邵包晒亞視開支，投牌成功仲有錢榜俾王征，雙方都未傾掂。 王維基呢個方案弱雞少少，睇嚟要加到1500萬一個月包底， 兼且投牌成功有得分俾王征，對方先有誘因接受。
Ariel
** 博客文章文責自負,不代表本公司立場 **
