拉布令創科局推出無期

立法會星期三將審議財政預算案，激進泛民全力拉布，如社民連長毛就提出3千多項修正案拉布，佢話爭取全民退保的目的未達到，因此要繼續拉布。

政府消息人士話，今次預算案較受歡迎，泛民大政黨無參與拉布，所以激進泛民拉布雖可拖遲表決，但不致將政府逼到跌下財政懸崖。也不會影響立法會在6月表決政改方案。

不過再推創科局卻是另一回事。消息人士話，由於整件事推到重來，眼前先要通過預算案，都要搞好長時間，之後即使想再推創科局，都無可能在這個立法年度內搞掂。

拉布令政府的運作拖慢晒，例如財委會的拉布，已令大量公務工程無法如期推出。以對上一年即2013 至 14 年度計，立法會通過的基建項目撥款大減，根據立法會財務委員會工務小組委員會審議項目的年終報告，2013 至 14 年度原預計新工程 撥款總額是 431 億元，但實際批准新工程撥款總額只有 36 億元。而2011 至12 年度及 2012 至13 年度的實際批准新工程總額分別 有1,607 億元及 909 億元，變到2013至2014年度的36億，對比之大令人咋舌。27 項工務工程因立法會未及審批撥款申請，已令項目計劃延遲，造價估計因而上升了 23 億元。政府中人對拉布感到極度無奈。

Ariel

** 博客文章文責自負,不代表本公司立場 **

亞視被釘牌，先後傳出匯友、港視、徐小明都想搵亞視搞合作，唔通真係瘦田沒人耕，耕開有人爭？

公開的資料睇，在亞視幾出幾入的資深電視人徐小明最豪，話已集到2億，願意營運亞視剩低一年的牌照，仲搵到200幾小時劇集播放，俾維基哥出手的4000萬，數目上大好多。聞說徐小明搵咗個內地商人泵水，仲係來自青島的商人，可能覺得攞得2、3億出來玩，仲可以博吓做開有條路，政府將來牌佢哋繼續做。

有電視業人士就笑笑口咁提醒徐大俠同背後投資者，要諗清楚經營一間免費電視台唔容易架，更何況係沉咗大半的亞視。先講片源，唔好以為260小時好多，每日播兩個鐘，眨吓眼四個月玩晒，亞視的片庫亦唔見有好多好嘢喎，早前無記已買走700套黑白粵語長片同幾千小時的劇集(主要係當年受歡迎的武俠片)，有口痕友形容，有價值的片都俾無綫買咗，剩番落嚟係咩，大家心中有數，要重播舊節目都要數吓播咩喎。

而且經營一間電視台，大大小小工種好多，依家亞視大約有員工600人，未計釘牌後速逃的員工，要跟足廣播條例運作落去都有難度。

投資亞視都真係一個大挑戰呀！