政事
由邱德根的兒子邱達昌牽頭的財團公開佢哋正申請競投免費電視牌照，搶奪免費電視經營權的財團，又增一員猛將。
知情人士話，邱達昌呢個財團背景比較強勁，不可小覷，唔可以睇小佢地，首先一亮牌就話6年投資32億，有一個比較龐大的投資計劃，同埋一個比較清晰的路線圖。
睇番股東的組合亦相當猛料，固然邱達昌係電視業世家，阿爸邱德根曾是亞視的大股東，亞視過去30年亦只有邱德根經營得比較好。而何超瓊係澳門賭業大亨，財政實力強橫，對新電視台跨越澳門市場都有幫助。另一股東李思廉就係廣州富力地產創辦人兼董事長，單是富力本身也是一個大廣告商。至於弘毅投資就係聯想集團相關的投資公司，有弘毅牽線，一來財力不缺，二來對新財團進軍內地市場都有幫助。
從這個邱達昌牽頭的財團牌面睇，股東背景咁強勁，比之前講過有意玩新電視台的，例如匯友、徐小明，甚至係王維基，都似乎有過之而無不及，要密切注意佢地的發展啦。
Ariel
** 博客文章文責自負,不代表本公司立場 **
亞視和王維基的港視談轉播死唔斷氣，但亞視執行董事葉家寶卻警告亞視最壞打算是在5月29日台慶時結業。
港視建議在亞視每日播節目4小時，包底廣告費每月500萬，談判期限原定昨日到期，但在亞視建議下，延長一個星期。葉家寶話建議港視將包底費增加到1000萬，雙方要再傾。外界不太看好雙方的談判，因為王維基願唔願意俾咁多錢亞視，去作一個低質素的廣播? (因為亞視大量轉播站器材已賣了給無綫)另一邊王征收港視1000萬一個月，即使港視願意付，但亞視月開支要1500萬，王征點解還要每月貼500萬去做一個無前景的生意?
葉家寶昨日接受《蘋果》專訪表示，若再沒有股東或投資者注資，最壞打算將於5月29日、亞視58周年台慶當日舉行紀錄片式節目，回顧過去光輝日子，並正式「光榮結業」，將生日化作死忌。
亞視的廣播牌照延到明年4月1日屆滿。葉家寶話，至今已有20多名員工離職，雖然4月薪金可按時發放，但5月仍未籌得足夠資金支薪，餘下約570人「唔可以無了期咁等」，他指亞視昨晨曾召開董事會，大股東黃炳均及主要投資者王征僅派代表參與，「睇唔到有再注資的意圖」。
看來亞視的生命進入倒數階段了。
