有錢交租無錢出糧中晒招

近排名人當衰，又一個政界名人要坐監，前商交所主席張震遠因為欠薪34萬，被判監6個禮拜，暫准保釋等候上訴，呢啲身嬌肉貴的政商名人若最後要入去監房坐監，真係好慘。

事後睇返成件事搞到咁「喎」，關鍵係張震遠反應太遲。案件涉及商交所的員工追討的欠薪只係34萬，數目不太大。過去因欠薪而坐監的個案雖然有，但唔係好多，主要是一啲酒樓搞手成日執笠轉名，有意唔俾欠薪，最後俾法庭捉出嚟先會坐監。

判張震遠坐監的女裁判官：香淑嫻

張震遠呢個case最後判到坐監咁重，最主要係主審法官覺得張震遠有錢交淺水灣豪宅租金（34萬欠薪只等如2個月租金），但就話無錢出糧，亦唔信淺水灣的租金係由佢太太俾，質疑佢係蓄意欠薪，先判佢坐監。

主審法官上次在庭上已不停問張震遠點解有錢交租，無錢出糧，結果激親法官，押後到今天判刑。

但事後睇呢個災難的起因係張震遠搞商交所生意失敗，又唔肯認輸所致。當日商交所被監管機構「釘牌」後，已經完全無前景，但張震遠無馬上將公司執笠遣散員工，反而拖咗落嚟。嗰時公司已經無得救，最後拖到尾自然出唔到糧。但正因為咁，就拖出好多欠薪，與此同時，張震遠繼續租住淺水灣豪宅，令法庭覺得不合理。佢最後申請破產又搬出淺水灣豪宅，亦行動得太遲。

公司執得太遲，個人破產得太遲，搬出豪宅太遲，可能都只係唔願意接受商交所失敗呢個結果，但就換來牢獄之災就十分慘情。

雖然法官判刑後同意張震遠保釋，等候上訴，不用馬上坐監。但上訴唔一定減刑，亦有可能加刑，佢的處境真係令人滴汗啦。

Ariel

** 博客文章文責自負,不代表本公司立場 **

無綫宣布有新股東入股，上海傳媒鉅子黎瑞剛從陳國強幾方股東買入股權，成為無綫的新股東，黎瑞剛是華人文化產業投資基金 (CMC)的創辦人和主席。其實，無綫與華人文化產業基金早於在2012年已合資組成「上海翡翠東方傳播有限公司」（TVBC），投資內地的電視行業。

對於黎瑞剛和華人文化產業投資基金，大家可能比較陌生，但他們近期搞的項目，你應該會聽過，例如與美國夢工廠動畫電影公司合作，在上海搞了一家東方夢工廠，這個項目就由黎瑞剛親自操盤，既係一家動畫電影公司，也是一個好像香港西九一樣的文化發展區。又例如他們投資製作的節目如《中國好聲音》，都相當惹人關注。

東方夢工廠

華人文化產業投資基金的背境大有來頭，其主要股東包括了上海的文匯新聞聯合報業集團及上海東方傳媒集團，主要是一個於上海起家的投資基金。

東方夢工廠

消息人士透露，黎瑞剛今次出招購入無綫股份，只是走出海外的第一步，往後仍有投資海外的大動作。目前中國鼓勵內地資本走出去、投資海外，估計黎瑞剛是借無記作為踏腳石，然後像青蛙跳一樣，向海外發展。

至於無記，雖然係香港電視市場的壟斷性一哥，但由於香港市場太小，發展空間有限，去年無記的盈利都開始倒退，今次能夠搭上黎瑞剛及華人文化產業投資基金這個背境雄厚的投資者，相信對無綫擴展其產業鏈及市場，大有幫助。