上年暴力示威肆虐香港，暴徒破壞了大量公共設施和建築物，修繕遭受破壞的公共設施和建築物需要巨額維修費，但費用究竟需要幾多，誰正為該費用埋單，同埋單要揾邊個找數，可能大家都不是太清楚，但工聯會新界東辦事處總幹事鄧家彪（Bill）就「心水清」，透過拍片，阿Bill show左張「bill」，解答大家的疑惑。
話時話，阿彪幾乎日日出片，真係夠勤力，今次條片距離上一條片還不到24小時。今次條片裏面，他展示了上年6月至今年2月期間黑衣暴徒造成香港社會損失的賬單，並逐一為大家計數。
阿彪坦言，有些數唔易計，因爲好多受害的小商戶驚被「私了」而敢怒不敢言，但他認爲政府建築物和公共設施被破壞，條數就容易計，例如暴徒焚燒垃圾桶而導致的食環設施維修費達到570萬元，以及撬爛地磚、拆毀欄杆等行爲耗費公共設施維修費2800萬元。他怕數字太過抽象，因此將它們具體化：被撬爛磚頭數量可建造183個標準足球場，拆毀的欄桿總共5公里長，相當於踩單車從大埔到中文大學的距離。
阿彪繼續話，政府設施的維修費用，包括立法會大樓維修費及警署、康文署等政府物業維修費總共接近8500萬元，而港鐵、紅隧等交通運輸設施維修費則高達6.8億元。
鄧家彪根據資料，整理出港鐵、紅隧等交通運輸設施維修費則高達6.8億元
計完細項，他又計總數，食環設施、公共設施、政府設施以及交通運輸的維修，四張「bill」加埋總共承惠8.1億元。8.1億元是什麽概念？阿彪再次發揮「抽象具體化」的能力，更引用前輩黨友王國興的「午餐肉」計算方式：一罐午餐肉20元，8.1億元相當於4000萬罐午餐肉。
計完條數，阿彪好激氣咁話，雖然黑暴造成的物質損失可計，但造成的人心淪喪、家庭破裂、價值觀扭曲卻無從可計。他認爲，現時香港市民正爲這些損失埋單，但冤有頭債有主，市民應該要求干預中國内政、煽動暴徒暴亂、收受黑金以及周圍「唱衰」香港的罪魁禍首出來找數。
Sebastian
** 博客文章文責自負,不代表本公司立場 **
工聯搞咗個youtube 頻道叫做「轆出嚟講-LookOut」，由契姐麥美娟、口罩廠長何啟明做主持，開台梗係要請重量級嘉賓，今次請咗政協副主席CY梁振英開壇。
CY(中)上陣，和契姐麥美娟(左)，口罩廠長何啟明(右)大講反對派攬炒之害。
CY一開講就直入主題，講到反對派攬炒之害，話過去有幾句話:「家有二千，每日二錢，全無生計，用得幾年？」如果香港經濟無活動無活水，有積蓄亦唔可以支持太耐，現時香港面對社會運動及疫情雙重打擊。
CY問一個零售界朋友，疫情之後，零售業幾時番生？他說：「睇吓班死仔返唔返轉頭！」如果班示威者又出返嚟放火，掟汽油彈，香港就好難會好。
CY指出第三重打擊是憂慮九月立法局選舉，因為反對派已經講到明，如果贏得超過五成議席，如果政府又唔同意他們五大訴求，就會反對政府未來所有撥款同議案，到時政府癱瘓，點樣可以撥款出糧、審批工程同埋推出勞工政策，所以香港而家係面對三重打擊！
麥美娟提到，去年人禍今年天災，我認識有個老闆去年已經係碌卡交租，今年情況更壞，卡都碌爆，唯有用卡數冚卡數，現時面對三重打擊，唔知幾時可以復甦。
而何啟明就講到陳淑莊事件，話「我哋係基層出身，人哋係飲酒出身，在抗聚令下，仲要40幾人逼在酒吧飲酒！」
CY對陳淑莊事件提出幾大質疑要對方答。
CY大力發炮，話「佢地以為拉咗半閘，就可以當做無營業，咁佢哋當晚飲酒，究竟有冇畀錢呢？如果有飲酒畀錢，又點可以算無營業呢？唔好以為有立法局議員在場，就可以豁免抗聚令。」
麥美娟不無諷剌地插口：「有酒樓老闆話，而家夜市冇生意，佢呼籲大家可以去佢間酒樓開會。其實我哋真係唔想有陳淑莊酒吧感染群組出現。」
CY回應話：「酒吧群組確診人數，佔全香港確診人數十分之一，真係好高危，因為喺酒吧裏面大家講嘢坐得好近，又逗留得耐，好似陳淑莊4月2日當晚，亦都逗留到翌日凌晨兩點。當晚出現嘅公民黨林瑞華，據聞會在9月代表飲食界參選，有記者想打電話訪問佢，問佢當晚飲酒嘅時候有冇傾選舉嘅事，佢淨係話喺面書已經答晒，佢話酒吧已經停業，已經移離客人，其實好多嘢佢喺面書都無答到….佢地要回應公眾質疑。」
想知CY開壇更多精彩內容，就要自己去工聯會「轆出嚟講-LookOut」頻道睇片啦。
