距離立法會選舉仍有5個月，但就戰雲密布，立法會建測規園界議員謝偉銓(Tony)仲出埋叮噹大時光機，不點名暗寸對手是「抄手」，而且仲好寸咀，感謝對手支持，歡迎向Tony抄襲，話最重要幫到業界。
建測規園界別被視為反對派必須光復之地，現時已表示有意參選的是建測規園選委、Covision召集人關兆倫，他最近動作多多，不時拍片，以「建測規園你不知道的三個秘密」，呼籲業界人士，盡快登記為選民，講解立法會制度等吸引選民眼球。
關兆倫的帖文。
關兆倫昨日更在臉書搞咗個「五項建議，一個疑問」，去信特首提出建議，其實睇落啲建議真是好唔錯，唔似一般反對派一味靠「踩」，不過，他剛出咗個貼文無耐，現任立法會建測規園議員謝偉銓又出咗個大雄叮噹貼文，不點名吋「建測規園選委、Covision召集人」，即關兆倫，其昨日出的貼文，與Tony早前的建議「不謀而合」。
謝偉銓的帖文。
最抵死是，Tony個貼文左一句話「抄手」有乜建議，右一句Tony幾年幾月幾日就已經提出過相關建議，最舊一則竟是2019年2月，難怪「抄手」要用時光機回到從前抄嘢。
其實Tony好少咁搞笑，仲tag埋，「抄襲功課衰啲定唔做功課衰啲」、「好橋唔怕俾人抄」、「觀迎歸隊」、「團結建測規園」。睇嚟挑戰者要加把勁，搞啲新意思了。
Sebastian
** 博客文章文責自負,不代表本公司立場 **
當今社會日新月異，科技被廣泛應用於各個領域。上年黑色暴力肆虐香港社會，telegram作爲一種先進通訊軟件，被暴力襲擊者用來做「放料」、「睇水」同「吹鷄」之地，進行針對警務人員同市民的暴力襲擊活動。之但係，telegram雖然是先進通訊手段，但它始終是一種工具，工具本身無對與錯，正如核能發電紓解缺之苦，亦能瘋狂滅世，完全視乎使用工具的對象。好多人都以爲只有黃營利用telegram炒熱黑暴，殊不知也有藍營利用telegram止暴制亂。
昨日（4月18日），工聯會新界東辦事處總幹事鄧家彪（Bill）就喺佢Youtube節目「彪噏」中，通過電話訪問「暴暴Channel」管理員K君和P君，爲大家揭開用telegram止暴制亂藍營人士的神秘面紗。
首先阿彪在片中先以解答大家疑問的方式「開場白」，佢話很多人以爲telegram係對家嘅嘢，其實「連登」係對家嘢，telegram只係一個手機應用程式，好似whatsapp同Facebook咁，如能善用呢種工具，對於凝聚我哋支持者反對暴力會有莫大幫助。
阿彪「開場白」後就緊接著訪問「暴暴Channel」管理員。據「暴暴Channel」管理員在片中所述，「暴暴Channel」從成立以來，一直推動在telegram反暴力工作。從上年11月尾開始成爲正式平台，可以俾人睇資料。佢喺片中憶述，上年telegram有好多「炒熱」的黑暴群組，其中比較活躍係一個叫「狗狗channel」的群組，該群組專係記錄警察位置、路向，披露警察的部署，充當手足「天文台」，在警察圍捕暴徒時，「吹鷄」提佢哋「散水」。「暴暴Channel」為防止暴徒漏網，決定成立一個平台，希望「深入敵陣」，透過「以哨制哨」的方式止暴制亂。
管理員除咗講自己成立平台的初衷外，佢仲大爆telegram裏面好多暴徒群組内部其實「立立亂」，成員之間互相猜忌，疑神疑鬼，總係驚對方係「鬼」，一方面驚「敵人滲透」，俾人「分化瓦解」，所以要「捉鬼」；一方面又怕因「篤灰」造成内部分裂。其實講真，黑衣暴徒之所以總係驚對方係「鬼」，係因爲佢哋做緊違法嘢。
鄧家彪訪問「暴暴channel」管理員，大爆深入敵陣反監視暴徒
「暴暴Channel」管理員還透露暴徒嘅心理變化，話上年8月至9月社會暴動氣氛最熾熱時，好多暴徒都好熱血，但到了今年因發生疫情，令社會暴動氣氛開始冷卻，好多人醒返。阿彪問佢如何能讓佢哋醒覺得快啲，「暴暴channel」管理員就話佢認爲，好多暴徒本質並唔壞，只係俾人蒙蔽咗雙眼，睇唔到事實的全部，佢成立呢個平台就係要帶多啲真相俾佢哋。
聽完「暴暴channel」管理員的肺腑之言，阿彪話自己都「眼濕濕」，仲表揚佢呢啲説話完全體現出愛與和平。有個說法「莫道無人能報國，紅旗行處取涼州。」「暴暴channel」深入敵陣，利用telegram「以彼之道，還施彼身」，掌握暴力示威者行事動態，破悉暴力襲擊預謀，其功無異於斬將搴旗，攻城略地。想知「暴暴channel」管理員爆料，可以上Youtube睇睇「彪噏」。
