疫情爆發前，朋友同家人去西九行海濱長廊放放風，從西九望到的維多利亞港美景角度稍異但一樣迷人，行到中段在長廊餐廳對出的草地上，對住維港景「潮吃」有多種醬汁熱狗當午餐，十分寫意。突然聽到旁邊一對拍拖男女的說話，男的告訴女朋友，「我地來呢度，點只淨係睇維港無敵海景呀！尖沙咀海邊都睇到啦，其實應該仲有大劇院、M＋博物館、香港故宮文化博物館等…」
Sebastian聽完佢哋講，都想問點解？1998年已提出的「西九」定位是佔地40公頃的世界級的文娛、藝術中心，它不單要提升香港在全世界文化藝術界地位，更重要的是為香港巿民提供一個假日休憩、享受世界級文化藝術的地方。為了令巿民進入西九文化區時，享受到維港的美景，清新的空氣、優美又免受公共交通煩擾的環境，最重要是騰出寶貴地面空間，來興建大劇院、博物館等核心藝術文化設施，最基礎設計是興建一個多層超級綜合地庫，將所有公共交通交滙、如排水、機電工程等公用設施全部放入地底。
睇咗工程界立法會議員盧偉國在facebook上載一條影片，先知道這個超級地庫項目去年5月在工務小組通過，涉及188億元，但在財委會又被反對派拉布，拉到今年3月才能夠通過，足足拖延了一年！亦即說是所有上蓋工程也被拖住，要等地庫建好才能施工，香港巿民想要有的大劇院、音樂中心、博物館等等，統統都要延期建成。
盧偉國批拉布影響工程界不少人士的生計。
盧偉國仲話，這些工程涉及無數工程業界生計，更嚴重影響到西九文化區的建設。佢認為，大家必須認清：「攬炒、拉布、泛政治化」，唔單只癱瘓政府嘅運作，實際上禍及市民生活與生計！
Sebastian
** 博客文章文責自負,不代表本公司立場 **
旅發局進一步擴大旅遊義工計劃，準備招募更多對旅遊業有熱情的市民尤其是年輕人，希望佢哋身體力行做好東道主的角色，同旅客分享各種旅遊主題和知識。
Sebastian去聽了這些義工分享的經驗，發覺原來喺旅發局做義工真係唔係「義工」兩個字咁簡單，佢哋的經歷有趣的一面，也有感人之處。
「旅遊義工」Agnes退休前任職跨國公司管理層。
退休前在一家跨國公司做管理層的Agnes，擔任旅遊義工計劃已經有12年的時間，有什麼令佢印象深刻的經歷呢？Agnes分享話，在2018年的時候，遇到一位英國來的老人家，帶住一家大細同一本相簿，想搵返相片中的景色拍照留念。原來呢一位英國老人家係喺香港出生，5歲時跟隨父母返回英國居住。根據呢位老人家的自白，他對香港的記憶全部來自父母影低嘅相。
收到呢個請求之後，Agnes就一心想幫佢完成這個心願，認真幫老人家研究攝影地點喺邊度。結果就發現，除了一個景點外，其餘全部都對得上，Agnes就教老人家如何去現場影返啲相。佢哋影相時甚至擺出了當年老人家父母的甫士。
因為參加義工計劃不是日日返工，每次服務時長僅需大約3個鐘，Agnes隔幾日才會去到尖沙咀旅遊咨詢中心當值。事件過去後，有天返時時，有旅發局同事搵到Agnes，話英國老人家來告別，留底紀念品俾佢。Agnes打開禮物一睇非常感動，原來係老人家的父母當年喺香港影的舊照片。Agnes覺得呢啲係老人家的獨家回憶，不敢收藏，因為承載咗佢對父母的緬懷。後來先知，原來老人家已將舊相數碼化，送俾Agnes嘅係拷貝，現在存放在旅發局。
Agnes話，每當想起這段回憶，自己能夠幫老人家完成心願，好有滿足感。
退休之前喺跨國企業做管理層的Agnes仲笑言話，做義工工作仲有一個好處，就係佢平時返工工作壓力非常之大，做義工反而係佢緊張的工作生涯找到放鬆自己的一種好方法。
由新加坡回流香港發展的Marco，透過參與「旅遊義工」計劃重新認識香港。
Marco做咗6年的義工，佢係土生土長的香港人，但之前去了新加坡定居工作，但仍然覺為香港「做番啲嘢」，於是加入到義工招募計劃，現在從新加坡回流回香港，更希望通過計劃喺香港服務遊客，將香港的旅遊咨詢同旅客分享。
由於曾在新加坡生活，熟番當地人的生活習慣和語這，在做旅遊義工時，可以運用經驗協助遊客，例如，了解新加坡沒有鵝，只有鴨供應，所以明白新加坡遊客到香港品嘗和購買燒鵝是熱門活動，他就一早了解定向遊客介紹。
做旅遊義工，除了要求兩文三語流利，如果識多一種語言，對工作就更有幫助。Marco就笑言，除了三語，他仲識講新加坡式的英文，咁接待新加坡遊客時，佢就有個人優勢，黎到香港玩的新加坡人亦會覺得有親切感。
最新一期的旅遊義工計劃已開始招募，一直去到5月31日截至。今年成功入圍咗呢個計劃的學員，除咗可以學習多項本地旅遊方面的知識，譬如傳統本地文化、購物、綠色旅遊等等，今年仲邀請到星級導師，教大家點樣做好旅遊使者。
各位如果有興趣都可以試下報名參加計劃，為香港旅遊出一分力，亦都係結識世界唔同地區朋友嘅好好機會。
