剛剛轉任公務員事務局局長的三耳局長(聶德權)趁勞動節假期，到臨懲教署荔枝角收押所、尖沙咀消防局和深水埗營盤街垃圾收集站，除了為不同部門前線同事打氣外，更特別探訪咗一些非華裔公務員。
探訪懲教署荔枝角收押所
探訪尖沙咀消防局
衆所周知，中文語文能力係非華裔人士應聘公務員職系的難關，而懲教署一向都有聘請非華裔人士，而且又係目前降低中文語文能力入職要求嘅53個公務員職系其中一個部門。因此，懲教署會更努力向非華裔人士宣傳懲教工作，聶德權透露，不久將來更會有首名非華裔女性加入懲教署添！
探訪非華裔公務員
探訪深水埗營盤街垃圾收集站
懲教署係政府部門聘請非華裔人士的「大戶」，消防處也「後來居上」，近年亦有聘請非華裔消防員，三耳局長透露參觀消防局時，就由一位入職數年的非華裔消防員，向佢介紹各種特別用途嘅車輛設備，仲話呢位非華裔消防員既「熟書」，中文又流暢，令佢印象深刻。
政府部門衆多，三耳局長喺勞動節假期選擇探訪懲教署、消防處及食環署轄下部門自然別有深意。事緣呢幾個部門的工作量因近期疫情而大幅增加，例如懲教署在短時間內大量增加口罩的生產、又及早在院所實施各種防疫措施，令各懲教設施在疫情中「守得住」；消防和救護人員走在前線，日以繼夜為市民提供緊急服務；負責清潔街道、清理垃圾的食環署同事，在疫情下工作更加倍增和增加了風險。
政壇八卦友話，睇嚟三耳局長新官上任沒有「三把火」，只有「一股氣」，就係為在假期工作嘅前線同事打氣。同時佢都希望大家放假都不要鬆懈，繼續同心抗疫，也為在假日期間默默工作的政府同事點讚！
Sebastian
** 博客文章文責自負,不代表本公司立場 **
旅發局進一步擴大旅遊義工計劃，準備招募更多對旅遊業有熱情的市民尤其是年輕人，希望佢哋身體力行做好東道主的角色，同旅客分享各種旅遊主題和知識。
Sebastian去聽了這些義工分享的經驗，發覺原來喺旅發局做義工真係唔係「義工」兩個字咁簡單，佢哋的經歷有趣的一面，也有感人之處。
「旅遊義工」Agnes退休前任職跨國公司管理層。
退休前在一家跨國公司做管理層的Agnes，擔任旅遊義工計劃已經有12年的時間，有什麼令佢印象深刻的經歷呢？Agnes分享話，在2018年的時候，遇到一位英國來的老人家，帶住一家大細同一本相簿，想搵返相片中的景色拍照留念。原來呢一位英國老人家係喺香港出生，5歲時跟隨父母返回英國居住。根據呢位老人家的自白，他對香港的記憶全部來自父母影低嘅相。
收到呢個請求之後，Agnes就一心想幫佢完成這個心願，認真幫老人家研究攝影地點喺邊度。結果就發現，除了一個景點外，其餘全部都對得上，Agnes就教老人家如何去現場影返啲相。佢哋影相時甚至擺出了當年老人家父母的甫士。
因為參加義工計劃不是日日返工，每次服務時長僅需大約3個鐘，Agnes隔幾日才會去到尖沙咀旅遊咨詢中心當值。事件過去後，有天返時時，有旅發局同事搵到Agnes，話英國老人家來告別，留底紀念品俾佢。Agnes打開禮物一睇非常感動，原來係老人家的父母當年喺香港影的舊照片。Agnes覺得呢啲係老人家的獨家回憶，不敢收藏，因為承載咗佢對父母的緬懷。後來先知，原來老人家已將舊相數碼化，送俾Agnes嘅係拷貝，現在存放在旅發局。
Agnes話，每當想起這段回憶，自己能夠幫老人家完成心願，好有滿足感。
退休之前喺跨國企業做管理層的Agnes仲笑言話，做義工工作仲有一個好處，就係佢平時返工工作壓力非常之大，做義工反而係佢緊張的工作生涯找到放鬆自己的一種好方法。
由新加坡回流香港發展的Marco，透過參與「旅遊義工」計劃重新認識香港。
Marco做咗6年的義工，佢係土生土長的香港人，但之前去了新加坡定居工作，但仍然覺為香港「做番啲嘢」，於是加入到義工招募計劃，現在從新加坡回流回香港，更希望通過計劃喺香港服務遊客，將香港的旅遊咨詢同旅客分享。
由於曾在新加坡生活，熟番當地人的生活習慣和語這，在做旅遊義工時，可以運用經驗協助遊客，例如，了解新加坡沒有鵝，只有鴨供應，所以明白新加坡遊客到香港品嘗和購買燒鵝是熱門活動，他就一早了解定向遊客介紹。
做旅遊義工，除了要求兩文三語流利，如果識多一種語言，對工作就更有幫助。Marco就笑言，除了三語，他仲識講新加坡式的英文，咁接待新加坡遊客時，佢就有個人優勢，黎到香港玩的新加坡人亦會覺得有親切感。
最新一期的旅遊義工計劃已開始招募，一直去到5月31日截至。今年成功入圍咗呢個計劃的學員，除咗可以學習多項本地旅遊方面的知識，譬如傳統本地文化、購物、綠色旅遊等等，今年仲邀請到星級導師，教大家點樣做好旅遊使者。
各位如果有興趣都可以試下報名參加計劃，為香港旅遊出一分力，亦都係結識世界唔同地區朋友嘅好好機會。
