有位朋友從前坐的士，都經常跟的士司機吵架，一上車，就會覺得人家的的士污穢，一陣臭味；第二，同人嘈交，一係就覺得人地濫收車資，一係就覺得人地態度唔好，或者有陣煙味，或是駕駛態度不安全，總之就是投訴、投訴又投訴。
最近，他跟我說近來不知怎的，的士大佬們的態度好像好了很多，大家有時在車廂內還有講有笑，互相有交流，最近還有位的士大佬介紹他捐窿捐罅買平野，簡直跟從前的印象是天與地。其實關鍵就是上車的一刻開始，朋友不再是呼喝那位司機大佬，或是以批判式的說話跟司機說話，如：「唔好呃錢呀」，「唔好亂兜路呀」，也不再藐咀藐舌，用殺父仇人的眼光望著對方。
現在上車，都是「哥前哥後」，好尊重地跟對方招呼，跟的士大佬交談的過程中，懂得讚人，也懂得積極聆聽別人的故事，也學懂很多人生新的道理，每位的士大佬都來自不同的背景，有不同的練歷，從他們的人生觀同人生的經歷，和現時的人生觀，當經歷與主觀能夠與你分亨，可能悟到很多新的道理，及從學習中會比別人犯得少錯。
人就是一面鏡，你點對人，人就點對你，如果你覺得人地對你唔好，其實就係你對人唔夠好，或者從來未好過。如果懂得這個道理的話，際遇也變得不一樣，只有愈來愈好，你會發現每天也是美好的一天。
黃毅力
** 博客文章文責自負,不代表本公司立場 **
上次講到食口煙搞到車房爆炸，今次再想講講食煙本身的禍害。
食煙有兩壞，又貴又傷身。我有個夥計佢非常之孤寒，食又唔捨得食，著又唔捨得著，平日下午成日只係食30元茶餐就算數啦。我問佢點解咁慳，佢就話想儲錢將來娶老婆。
我本來覺得佢呢個目標好好，但係發覺佢有個壞習慣，會花佢好多錢，就係食煙。佢係一個煙鏟，每日要食成包煙，一包煙55元 ，成年落嚟條數好襟計。我計佢一年食365包煙，一年要兩萬蚊，十年落你唔見咗20萬，如果加埋利息的複式效果，十年唔見咗30萬。
香港吸煙與健康委員會驚煙民唔死，建議政府在下個財政年度增加煙草稅1倍，由現時的38元增至76元，若然成事每包煙零售價將約93元。咁一日食一包煙，一年要3.4萬，十年要俾34萬，計埋複利等如50萬。食煙十年要唔見50萬，呢條數真係非常之襟計，吸煙會輸身家。
另外食煙傷身，有醫生朋友同我講，食煙最常出現嘅問題係可能引致肺癌，但除此之外，仲有好嚴重嘅禍害，後生的時候未必睇得咁清楚。
佢話香煙的焦油會慢慢塞住肺眼，後生時唔覺，到年紀大嘅時候，吸煙的人肺功能就會衰退得比普通人快，好多食煙的60、70歲嘅公公婆婆，健康仲OK ，但個肺出咗問題，最後因為種種問題入醫院，個肺無咗功能，住院半年一年就咁去咗。
所以奉勸大家，及早戒煙，既慳錢又健康，何樂而不為呢。
