老闆的炮決

數日前有新聞報導，北韓領導人因為第二把交椅，玄永哲部長頂撞老闆及開會時瞌眼瞓； 結果， 金正恩施以酷刑以顯示他的領導本領， 就是拿口徑達十四點五毫米的高射炮對住他，「轟轟轟」將他打到粉身碎骨。 而這段新聞的源頭就是美國的間諜衛星在衛星圖像上看到的。

 

突然間想起， 在一個文明社會及一個非文明社會的職場、 官場或是政界，政君界有著不一樣的天空。在北韓，這種封閉社會或是落後地方，暴君管治的方法就是用恐懼 ( RULE BY FEAR)， 你不聽話就殺你頭，殺你全家， 要你死到慘無人道， 以至個個聞風喪膽， 為的就是阻嚇叛變，令人民乖乖順服。

 

但是在一個文明的社會中，如果老闆開會，員工瞌眼瞓或是頂咀， 在現今世上，特別是中小企， 很多老闆都要啞氣吞聲，因為走了一個人，或是抄了一個人， 你就要請回一個新的同事，通常有三個結果： 第一， 一蟹不如一蟹， 比從前更加差；第二， 招聘的成本高昂； 第三， 在真空期中， 其他同事要兼顧離職員工的工作，令工作量增加。

 

香港的失業率近年一直俳佪在低位，還常聽見近年的年青人， 得到父母的支持，畢業後的第一份工不需要去打工磨練學習， 而是做一個老闆，就算是虧本， 家人還是繼續支持，根本就沒有失敗的成本。而有些年青人，抱著做人最緊要開心的信條，稍有不滿便不上班甚至抄老闆魷魚。所以在公司內，稍為遇上了認真肯做的員工，上司便如獲至寶。而這些同事便成為公司最寶貴資產。上司已不可以再懷緬往日「THIS IS AN ORDER」的態度，　而是要以更多寬容及欣賞的心態去對待下屬。否則用”高射炮＂的不是上司，　而是下屬，　轟得你連公司也散掉。

黃毅力

** 博客文章文責自負,不代表本公司立場 **

早前我寫文講過，依家啲細路仔好似太陽一樣，其他人都係繞着佢地轉，搞到佢地非常之自我中心，只諗自己，冇諗過既他人。

文章出街之後，馬上有兩個老友打電話俾我，講起佢地嘅親身經歷，聽到都嚇一跳。

老友A話，佢個女係加拿大讀書，本科讀完環境工程，跟住同佢講話要讀碩士，但係唔再讀環境工程，改為讀歷史，佢見個女咁好學，當然支持，點知個女讀完兩年之後，攞埋個碩士，朋友問佢搵到咩嘢做，阿女話想再讀多個碩士，今次係讀音樂，朋友開始明白發生乜嘢事，飛過去加拿大多倫多，希望說服個女唔好再去讀書，但係結果講唔掂數，如今仍在膠着狀態。

另一個朋友B，佢個仔英國倫敦讀經濟，畢業之後，阿爸本來希望佢正正驚驚搵份工做，點知畢業左一年，仲未搵到工做，而家仲要屋企接濟。阿爸問佢搵工搵成點，佢每次都話搵緊，叫阿爸阿媽唔好煩佢。朋友都唔知點算，佢好怕個仔一直唔做嘢，仲要晚晚蒲吧，係咁hea落去。

見到兩個朋友都有呢種經歷，我相信細路仔唔想打工，慢慢會變成普遍現象。大朋友唔知阿爸阿媽搵食艱難，只係唔想做嘢。任由這個風氣蔓延落去，社會不事生產，真係唔知點算。