政事
江蘇社團聯會成立，前財爺梁錦松，阿松都有去到，主動講起政改，話自己由審慎樂觀變為審慎悲觀，因為談判最驚見到兩樣嘢，如果有一方緊一方唔緊，基本上好難搞。
佢認為依家中央態度好簡單，俾咗方案出來，過得固然好，香港有了普選，但就算過唔到，中央都算係履行咗承諾，俾咗你，不過係你唔要啫，從呢個角度睇，中央係唔會再俾方案出來的。
阿松話依家情況，係有人俾咗false hope泛民，令到佢哋以為最後會有讓步方案，泛民似在扭吓，阿松擔心扭吓扭吓，隨時會將普選扭到冇咗啦。
Ariel
** 博客文章文責自負,不代表本公司立場 **
政改討論進入最關鍵的階段，各方人士都紛紛表述自己意見，有時都真係睇到有啲眼花，提委會的組成更成為熱門話題。
新民黨主席葉劉淑儀昨日引述南下的人大法工委副主任張榮順話，提委會的公司票改為個人票不可行。今日江蘇社團聯會成立，主力搞手的前政務司司長唐唐自然亦被記者問到有乜睇法，唐唐話唔認為張榮順的講話係完全代表人大常委會的講法，又話如果將公司票轉為董事票有違反8.31決定，請佢講出理據。聽落好似有啲火花喎。
政壇高人就認為其實係兩個不同概念，張榮順話改個人票的問題，係指有泛民人士一直提出，要求將提委會選舉的公司票改為所有從業員都有的「個人票」，而唐唐講緊係由公司票改為公司董事的「個人票」，概念唔係好同。日前香港基本法委員陳弘毅亦話如果改為從業員票，不太可能，而且就算係改為從業員票，泛民都未必收貨。
高人又認為唐唐指張榮順唔完全代表人大常委會的講法有商榷。張榮順今次南下係應建制派團體邀請來解畫，目的係讓社團人士全盤了解中央就政改方案的設計背後的理念同原則，而張榮順由基本法起草，到人大8.31決定，一直都有參與，可以話十分了解中央對本港政改發展的原則、底線和精髓的港澳事務官員。
今次張榮順南下期間的講話亦都講得幾白，好似佢講到中央係真心希望香港落實普選特首，因為相信通過政改方案係有助解決香港目前的困局，佢仲點出其中的困局包括一少撮人至今不接受一國兩制，打住民主旗號不斷搞亂香港，睇住中央唔希望香港亂呢點。佢提到有一少撮人唔希望落實普選，因為一人一票選出的特首，民望將要比議員高，有人擔心冇咗民主的旗幟。要解決困局就要實行普選。
臨近投票，政改的討論都會升級啦。
