上星期接了一個有來電顯示的電話，號碼是從內地打來的長途電話， 電話中的男子， 聲音親切， 說話打招呼的方式好像是我認識已久的朋友， 我已經唔記得他有沒有稱呼我的名字， 他只叫我估他是誰， 我說估不到的時候， 他又再問我覺得他的聲音似誰，還跟我說與我很熟的呢，就是這樣，我開始想到答案了， 原來他就是姓老，名千，全名叫「老千」。 當然我沒有「篤爆」他， 因為還未百分百確認， 我再跟他說我真的估不到他是誰，著他快點開估， 但他堅持要我繼續估， 接著我便對他說：「你聲線似中年， 帶有劉德華磁性既聲音， 有習近平的洪亮， 又有實力深藏不露既氣場， 我講得啱嗎？」 接著他便掛線了。
之後， 我想一想， 如果我不是從前聽過很多電話騙案的故事， 又或是在賽車圈中聽到有很多朋友都同樣被人騙過金錢，叫他們入錢去戶口， 我根本沒有想過， 這是一個騙子。 我相信國內會有人通過特別渠道購買別人的電話號碼， 而我的電話號碼為何會被騙徒攞黎用， 而他似乎是知道我辦賽車的或是牽涉賽車的， 可能是我在國內時，曾經租過的士出入，所以別人有我號碼及知道我背景也不出奇， 但詳細資料當然就沒有啦。
現在雖說有私隱條例保障個人資料被無理使用，但不要忘記，資料也要靠人手去輸入，只要牽涉到人為的範疇，便總有風險。 就算龐大如政府的機構，間中也有資料外洩的消息， 其實除了保管你資料的人有機會外洩外，你自己本身亦有很多機會自爆個人資料，例如安裝”免費”的電話程式，電話推廣 (說你中了獎) ，而最慘的自爆個人資料方式，莫過於遺失一個沒上鎖的手提電話。 所以， 記住要將你的手提電話設定密碼。
黃毅力
** 博客文章文責自負,不代表本公司立場 **
早前講到年青人得到父母的支持， 畢業後的第一份工不需要去打工磨練學習， 而是做一個老闆，就算是虧本， 家人還是繼續支持，根本就沒有失敗的成本。
退休公務員M君睇完打來俾我，話我out啦， 仔女肯創業父母支持，即使明知佢輸都要俾佢試吓， 皆因這種仔女已經算有大志，而家愈來愈多小朋友根本胸無大志， 做嘢都算俾面啦。
佢講起一個真故事，佢朋友的個仔在理工大學畢業， 當朋友期望個仔出來搵份好工，有美好前途之際， 佢發現兒子並不積極搵工。現今社會怕俾孩子壓力，怕他們做傻事， 所以爸爸從無俾孩子壓力，在搵工一事也不例外，讓他慢慢搵吧。
有一天孩子告訴他要返工了，老爸很高興，問「到那裏上班?」 孩子話:「到樓下的茶餐廳做侍應。」老爸頭腦一陣暈眩， 有點轉不過來的感覺，以為孩子做住散工先，怎料孩子話「做長工」 ，老爸再問:「為何去做侍應?」個仔答，「返工近嘛。」
如此這般，呢個大學畢業生就做咗侍應，而且長做下來，「返工近」 呢個答案，都算相當精警啦。
M君嘗試解讀朋友孩子的心態，可能搵唔到好工，好煩。 日日落樓到茶餐廳食飯，見佢請緊人做待應，都有成萬蚊收入， 絕對唔差過大學生的人工。再睇睇，份工無乜壓力，都係早餐、 中午時間多少少人，其他時間都好靜，返工有一半時間玩吓手機， 幾正。仲有，飲食業難請人，夥記惡過老細，唔使受老闆氣， 唔鐘意就走，一點壓力都無。反正日日自己都落那間茶餐廳食飯， 不如返工啦。
我話返工總好過唔返工。但大學一年收5萬元學費，但每個學位成本 20萬(醫科生更要100萬)，社會津貼咗15萬一年，4年60 萬，若學生畢業後不做事，或不投身要大學培訓的行業， 這些金錢就浪費了。當然，還有爸媽的苦心。唉， 做人父母甚艱難呀。
