大學生 做侍應

早前講到年青人得到父母的支持， 畢業後的第一份工不需要去打工磨練學習， 而是做一個老闆，就算是虧本， 家人還是繼續支持，根本就沒有失敗的成本。

退休公務員M君睇完打來俾我，話我out啦， 仔女肯創業父母支持，即使明知佢輸都要俾佢試吓， 皆因這種仔女已經算有大志，而家愈來愈多小朋友根本胸無大志， 做嘢都算俾面啦。

佢講起一個真故事，佢朋友的個仔在理工大學畢業， 當朋友期望個仔出來搵份好工，有美好前途之際， 佢發現兒子並不積極搵工。現今社會怕俾孩子壓力，怕他們做傻事， 所以爸爸從無俾孩子壓力，在搵工一事也不例外，讓他慢慢搵吧。

有一天孩子告訴他要返工了，老爸很高興，問「到那裏上班?」 孩子話:「到樓下的茶餐廳做侍應。」老爸頭腦一陣暈眩， 有點轉不過來的感覺，以為孩子做住散工先，怎料孩子話「做長工」 ，老爸再問:「為何去做侍應?」個仔答，「返工近嘛。」

如此這般，呢個大學畢業生就做咗侍應，而且長做下來，「返工近」 呢個答案，都算相當精警啦。

M君嘗試解讀朋友孩子的心態，可能搵唔到好工，好煩。 日日落樓到茶餐廳食飯，見佢請緊人做待應，都有成萬蚊收入， 絕對唔差過大學生的人工。再睇睇，份工無乜壓力，都係早餐、 中午時間多少少人，其他時間都好靜，返工有一半時間玩吓手機， 幾正。仲有，飲食業難請人，夥記惡過老細，唔使受老闆氣， 唔鐘意就走，一點壓力都無。反正日日自己都落那間茶餐廳食飯， 不如返工啦。

我話返工總好過唔返工。但大學一年收5萬元學費，但每個學位成本 20萬(醫科生更要100萬)，社會津貼咗15萬一年，4年60 萬，若學生畢業後不做事，或不投身要大學培訓的行業， 這些金錢就浪費了。當然，還有爸媽的苦心。唉， 做人父母甚艱難呀。

黃毅力

** 博客文章文責自負,不代表本公司立場 **

我有一位朋友， 年近三十， 是一位俊男， 有學歷， 工作又上進， 他的前度女友是一位工作能幹的人， 在投資大行裡做分析員， 月入可觀， 可能是因為壓力問題， 特別燥狂，有情緒病， 嚴重到要食藥， 一遇到小小不如意的事就話要跳樓自殺。

 

我的朋友EQ甚高， 用體諒與包容的態度來處理這段感情， 直至有一日， 他發現兩個人的性格再聚在一起遲早會出事， 必有血光之災， 再加上前度女友的情緒一發不可收拾， 隨時有機會上頭條倫常慘劇， 他盤算了半年，沒有告訴身邊任何一個人， 想了一個軟著陸的分手計畫， 他明白分手帶來的痛楚，和尊嚴及侮辱， 對對方的打擊會很大。 但他決意辭了自己份工， 跟他的前度說， 我打算遊學三年去非洲， 去遊歷，去見識， 大家有兩個選擇， 由他的前度來決定。 第一, 一齊過非洲捱， 叫她一起辭埋份工， 或是大家暫時分手三年， 希望前度有一個更好的選擇， 以免年近三十， 晚市大不如前， 選擇又不多。

 

他的前度想了一晚， 冷靜地跟他說：「 你去你遊學， 我行我的將來路。」 在此，大家分手再見亦是朋友， 事情得到了解決。不出兩年，朋友亦都在埃塞俄比亞回到香港， 在聚會中說出這個分手的故事， 他說出兩點： 這個世代的年青人也好， 香港人不同年紀都好， 都容易動怒情緒，容易失控， 稍一不慎遇到驚天動地的事情， 突然間很多事情都可以在眼前發生。處理情緒， 最重要的態度就是要尊重別人， 尊重他的尊嚴， 尊重他的感覺， 冷靜地想出可選擇的答案， 待他們去決擇繼續這段關係還是分開。

 

聽完之後， 似乎每件事情軟著陸， 都要停下來慢慢想，慢慢計劃， 不能想做就去做， 否則大事不妙， 充滿危機。