近年來香港社會紛爭不斷，加上社交媒體愈趨發達，許多公衆人物借助Youtube、Instagram、Facebook等社交媒體縱論時政，令到Youtuber如雨後春筍般湧現。最近，Youtuber隊伍更迎來一個重量級人物：前警務處處長鄧竟成。
呢位前「一哥」最近上咗工聯會九龍東辦事處總幹事鄧家彪（Bill）的Youtube節目「彪噏」，為警隊同事打氣，作爲自己榮升Youtuber的「見面禮」。
鄧sir話，自己已經退休接近十年，現在作爲一個普通市民，在過去一年見到自己的舊同事們咁辛勞、咁堅定保護香港市民的生命財產安全，感觸良多。鄧sir慨嘆，好多時警隊面對的是一個絕對唔公平的環境，但即使係咁，大家都係好努力、好踏實去堅持自己的工作。
雖然呢一年嚟警隊遭受大量抹黑和詆毀，導致有市民誤解警隊，令警民關係陷入緊張，但鄧sir鼓勵警隊同事唔好灰心，要繼續團結努力，並謹記警隊唔係孤軍奮戰，因爲仲有好多香港市民支持佢哋，維護佢哋。
鄧sir退休就嚟十年，仲心繫警隊同袍，為佢哋工作打氣、鼓勵，呢位前「一哥」認真唔話得。但打氣只係「前菜」，鄧sir稍後仲會有分享對國安法、警民關係、反恐同埋青少年嘅睇法。想聼鄧sir分享，就留意「彪噏」啦！
Sebastian
** 博客文章文責自負,不代表本公司立場 **
6月22日，立法會司法及法律事務委員會會議中，出現郭榮鏗及葛珮帆罵戰。
事緣5月27日葛珮帆議員入了一封信給司法及法律事務委員會，「要求討論司法機構以相同標準，處理針對法官的投訴」，內容指法官的裁決及內容，對社會有深遠的影響，必須謹慎，之前有郭偉健法官因為形容襲擊連儂牆女子而被判刑的被告，有高尚情操，因此後來被撤換，不可以再審理同類的案件。但另一個案水佳麗裁判官則形容一個15歲擲汽油彈的男生是優秀細路，認同他滿腔熱血，深愛香港，所以就判18個月感化。就此個案，葛珮帆收到很多家長的投訴，擔心會教壞細路，這兩個同類型的案件，為何沒有見到馬道立法官有相同的處理方法，因此要求在立法會司法及法律事務委員會上討論。
郭榮鏗搶著說：「有一樣嘢就係原則要講得好清楚，剛才葛珮帆議員指名道姓，對那個法官那些判詞不滿意。唔好意思，這個委員會是不會討論個別法官就某個案件的判詞去討論，如果你要討論，就要討論成個機制，你唔可以因為唔滿意某個法官，在議程討論佢嘅判決。你唔尊重司法獨立，我哋尊重司法獨立，你唔熟書，妳自己睇清楚，唔好喺度亂咁擺法官個名上枱，在此指指點點，（此時郭榮鏗更特別加大聲音）而家你係法官？定係人地係法官呀？」
從郭榮鏗的發言估算，看來他真的沒有睇過葛珮帆封信。
葛珮帆回應說：「郭榮鏗，你究竟有冇睇過我封信？我封信標題是寫明，『要求討論司法機構以相同標準，處理針對法官的投訴』，我不是說要處理或針對某一個法官，或者某一個案件，我只是在信裏舉例有這些案件。如果你無睇過我封信，唔該你唔好喺度亂吠！」
葛珮帆議員信件內要求在議會討論的，是整個機制、量刑的準則。
司法及法律事務委員會主席梁美芬議員補充說：「 我都睇到葛珮帆議員發言提到的案件，是支持她的睇法，但是她要求的議程，是沒有提到個別法官的名字，她要討論的，是成個機制、量刑的準則，是最值得討論的議程！」
從以上對話所見，好明顯郭榮鏗完全沒有睇過葛佩帆議員的信件，便開口大罵了，結果俾人捉到正。
