政事
公民黨立法會議員湯家驊和中央官員見面後在電台表示，以本港及國家現時的形勢，未有條件落實普選，因為中央對香港有很大戒心，如果中央不對本港形勢有更全面了解及放心，相信這屆北京領導層，都不會有轉變。
他認為，港澳辦主任王光亞表明不會任命泛民「死硬派」為特首，說得非常決絕，他看到中央要與反對北京管治權的人，鬥爭下去。北京官員只是將立場講得再白一些，讓泛民、特別是民主黨，不要以為最後關頭政改仍有彎轉。
佢話，按目前政治形勢，否決政改會是較佳的選擇，讓中央和泛民有喘息和修補關係的機會。
了解阿爺想法的知情人士話，湯家鏵講得好啱，可惜太少人注意到。中央開出的條件泛民接受唔到，其實否決最好。
Ariel
** 博客文章文責自負,不代表本公司立場 **
昨日泛民和京官會面，一如所料各說各話收場，但當中有一幕插曲， 就是人稱「單雞」的民主黨議員單仲偕在京官面前告狀，話特首CY 收澳洲公司5000萬。
泛民見京官，通常都會帶備各種道具表達立場， 以防日後被人算帳話佢地見京官有失民主堅持。單雞就玩「告御狀」 ，輪到佢發言時，他以貪腐問題為題，話CY比前任特首曾蔭權厲害 好多，再提番CY的公司被收購時， 澳洲收購者付5000萬分手費的事件。佢仲話到國家主席習近平上 台後大力打貪，話如果CY在內地，一早被人雙規咗。
當時CY和政務司司長林鄭都在台上，林鄭以單雞發言超時為理由， 打斷佢再講落去。
其實單雞玩呢種告御狀，理論上有兩個作用， 第一京官真係唔知有此事，告狀惹起佢地注意。 但實情係京官對此事暸如指掌，去年佔中前後曝出此事， 已有一大批報告上咗北京，評估此事的可能影響， 所以當阿爺唔知就好傻啦。
第二個可能係明知阿爺知都告狀，好向選民交待， 以免被人質喪失立場。但呢個作用都好微， 民主黨在選舉中主要被激進泛民狙擊，佢地點會理你呢啲小動作。 你睇泛民昨日搞六四遊行都被本土派圍攻，嚟緊六四集會又會被批「 行禮如儀」，真係做乜都被人將軍，有被激進派取而代之的勢頭。 結論係單雞搞呢啲嘢真係做吓戲，無乜用。
