政事
基本法委員會副主任梁愛詩今日出來講話，媒體將注意力集中在政改方案否決後，在2017年前都不會再提新方案。
政壇高人話，梁愛詩的講話還透露了兩個重要觀點，一是立法會不要這個政改，人大常委會不強逼，不要以為北京很在意。二係基本法是維護香港一國兩制不變的契約，浸大學生會燒基本法講要「破舊立新」，難道要推翻兩制？
外界一直摸不透阿爺的心態。若然好想政改方案通過，的確有可能不計代價要過，甚至一次唔得，馬上又重啟政改五部曲再傾。
但高人話，阿爺其實覺得政改過得到都好，唔過到亦無問題，因為過咗不等如天下太平，唔等如泛民唔拉布，而且馬上又要應付2017年的普選大戰，真係想起都煩。詩姐知道阿爺諗乜，所以就忍不住講出來啦。
Ariel
** 博客文章文責自負,不代表本公司立場 **
踏入六月，隨住普選法案即將提上立法會，支持同反對的力量落力發功啦！
今日撐普選的一方在社交媒體開始出招，「保普選反佔中」在Facebook貼上一段影片，找咗一位69歲叫潘勝的船長，以普通市民心聲做賣點，叫啲議員支持。
影片中呢位潘船長，話自己由低級船員做到國際船長，後來患上肝癌，去天津先有換肝機會，當時好多朋友講內地醫療水準唔掂，佢自己就覺得呢啲機會唔把握唯有等死，最後去咗天津換肝好番，呢位潘船長最後總結，有時一個機會可以影響一生，帶入去講政改，話覺得錯過呢次，唔知自己有生之年會唔會再睇到普選，叫啲議員要支持方案。
條片仲搵咗唔少潘船長的舊相，配埋背景音樂，希望以感性角度，帶出訊息。
支持一方發功，反對一方明天亦有活動，泛民政黨同多個民間團體明天會到七個區，表達堅拒政改方案，又預留嚟緊兩個周日，視乎政改方案表決的時間表，發起大型遊行同滾動集會，在審議表決期間去立法會外集會。
各方發功，呢位六月政局可能熱過天氣。
