6.18表決大熱日期

各方關注政改方案何時在立法會表決，方案將會在下17日(下周三)提上立法會，知情人士話，很大機會速戰速決，在第二日即18日就表決。

能否快速投票，其中一個關鍵是激進泛民會否玩嘢。照目前的形勢，不太覺得方案有很大機會通過，激進泛民就不會拉布，因為無需要用拉布阻礙方案通過。若然只是為拖而拖，拖3、5、7日，都係玩到自己而矣。

如果激進泛民唔玩，一人發言最多15分鐘，講兩日大體上都可以講完。再加上若果政府唔覺得拖吓可以拉多啲票，增加方案通過的機會，要死不如死快啲，早早了結件事仲好。

基於種種考慮，6.18都係好日子，趕埋在當日收工前表決，唔使拖多一日。暫時唔見到有那一方，想推遲通過的日子。

Ariel

** 博客文章文責自負,不代表本公司立場 **

正喺美加外訪特首CY，突然傳來喺多倫多「遇襲」的消息，當地華文報章報導，CY喺多倫多出席「邁啟亞洲 首選香港」峰會揭幕禮，有團體喺場外示威。之後CY就喺市中心私人地方「遇襲」，連原定之後出席的北美金茶王大賽都「甩底」。

了解情況人士話，CY並無「遇襲」，但有人撐黃傘示威。CY今次外訪加拿大各界反應唔錯，出席峰會人數破晒紀錄。喺多倫多的行程，本來就無金茶王大賽呢一項，根本唔係「甩底」，只係有傳媒收錯風啫。示威係有，不過冇搞到活動取消。

CY喺當地都有見記者，之後就出席演講同食飯，完全無記者問起「遇襲」同「甩底」，如果真有其事，記者咁神通廣大，點會無人當面問CY呀！