政事
政改去到最後關頭，唔見阿爺出乜嘢牌，倒是對家就動作多多， 昨晚食飯遇上一個高人，佢話對手打三張牌偷襲， 主要搞高反對政改方案的聲音，阻止泛民議員轉軚。
第一張牌是所謂民意的黃金交叉，三所大學的滾動民調「率先」 出現反對政改多過贊成的狀態，不是調查民意，是引領民意。 第二張牌是所謂北京3億買票，中聯辦主任張曉明昨日公開澄清， 話傳言荒唐可笑，呼籲陳偉業去廉署舉報「買票人」， 但假新聞的捐害已成，市民信到十足。
第三張牌是傳言北京有信心通過政改，外國通社昨晚發出快訊，引述消息人士指北京越來越有信心，下週香港政改會通過。 高人話呢啲說法完全脫離事實，政改已成殘局，北京哪會「 愈來愈有信心通過」?
這三招打得特區政府和阿爺有些措手不及，處於逆境，主要有三種效果：一是給可能離隊投贊成票的泛民議員產生壓力； 二是激起市民對中央更加不滿，在民調中反對通過政改方案； 三是動員激進力量出來，由明天(周日)開始採取抗爭行。
這三招雖然有啲假，但有實效，又要睇阿爺如何還招啦。
小鯊
** 博客文章文責自負,不代表本公司立場 **
昨日睇《蘋果日報》講起政改投票若要通過，要搵幾個泛民議員轉軚，傳中央為「撬票」，不惜威迫利誘，甚至願以1億元換1票咁話。
報道講到曾於2005年盛傳會支持政改的街工立法會議員梁耀忠，事隔10年再度被傳榜上有名。梁耀忠接受《蘋果日報》訪問時稱，難以理解當年為何被誤解，強調從其言行，外界今次亦無理由懷疑他會轉軚； 對於中央盛傳以一億元銀彈攻勢誘使泛民袋住先，梁稱不為所動，反問：「我人生仲有幾長要走，要咁多錢嚟做乜呢？」
小鯊幾個月前聽過呢個1億換票的傳聞， 但係都只是在泛民圈子流傳，我就覺得太離題，中央係有錢，但唔會出5、6億咁去買票，否則被爆咗出來，成個制度都會破產。 退一萬步，唔理邊個，即使有人出1億買1張票，我都好懷疑今時今日有無議員敢收，唔係話無人貪錢，而係經過許仕仁案，議員身為公職人員仲去收錢，真係想坐監呀？
呢個「億元買票」的傳聞好out啦，最新傳聞係政改一係唔通過，一通過就係泛民大面積通過咁話。咁離奇，聽落呢個講法實在難以想像，即係話要泛民主要政黨轉軚，才會大面積通過。
若要理性分析出現呢個局面的可能情況，就係泛民政黨心知呢個有得普選的政改方案甚實對佢地最著數，唔支持唔得。不過政治講理性分析好多時行唔通，轉去講陰謀，就要講到華盛頓DC啦，難道佢枝指揮棒真係咁勁，一指泛民就要跟？小鯊對呢啲講法，暫時都係當奇聞咁聽囉。
