和你lunch常客David 和Henry再出動 接受英語訪問大出洋相 一定要睇

網民昨日（8月13日）發起在機場「和你Lunch」，約下午1時，常客David一人抵達機場1號客運大樓對開巴士站，他大叫「五大訴求　缺一不可」等反修例口號，其間大批機場保安上前把他包圍，將他驅趕至離客運大樓最遠的巴士站，上了巴士往東涌，其後在東涌再叫了一輪口號後離去。

今日（8月14 日）再有人發起「和你 lunch 」行動，David 仔再度出動，今次與朋友 Henry 二人一起，下午1時在政府總部公民廣場外開始，叫叫口號：「釋放義士、還我公義」之類，約在1時45分結束。他們表示，林鄭月娥「一日唔回應我哋訴求，我哋一日都會堅持發聲。」

Henry（左）接受英語訪問，錯漏百出， David（右）在旁，欲幫無從，因為佢連「舉辦」嘅英文都唔識！

不過，戲肉最後才到，是英文訪問時段。

記者問：Why are you feeling continuing the campaign?

Henry 答：You think protester is dying? Oh I know. I think it is because, first we have country security law, it is a big problem to 影響this protest. So we we we⋯⋯

此時Henry 轉個頭問David 「舉辦」英文點講？David 唔識答。

Henry唯有說：We we doing “lunch with you”. It is because we want to protesting⋯⋯吖吖吖⋯⋯保持抗爭熱度所以用和你lunch呢種方法and then⋯⋯when Covid-19 disappear, I think we have another protesting way to keeping protest. 即係可能話等武漢肺炎停咗，香港市民會用另一種方法表達自己嘅訴求，例如和你lunch就可能會暫停，就可能咁樣解。點都好，我哋會睇返channel（估計應該是指連登或telegram) 嗰邊會點樣。

如果不懂廣東話，根本不會明白David 仔的英文訪問。

「和你lunch」行動基本上已得小貓一兩隻，但有David 仔和Henry仔的英文訪問，就令成件事唔同哂，可以話係充滿歡樂氣氛的示威。

Ariel

** 博客文章文責自負,不代表本公司立場 **

匯賢智庫理事會主席葉劉淑儀又有新搞作，計劃在下月中港搞「2024全球繁榮峰會」，邀請全球近300個嘉賓來港，討論影響全球繁榮的議題。

葉劉淑儀計劃在下月中港搞「2024全球繁榮峰會」。

峰會邀請了諾貝爾化學獎得主、國際結構生物學權威羅傑．大衛．科恩伯格教授（Professor Roger D. Kornberg）擔任主題演講嘉賓，主講者甚有份量。

諾貝爾化學獎得主科恩伯格教授將擔任主題演講嘉賓。

葉太話希望外國朋友嚟香港睇睇，香港一切冇變，生活如常。佢話香港應有角色，應該是缓沖區而不是戰場，要推動民間交流。

峰會的演講嘉賓，還包括知名經濟學家、霍普金斯應用經濟學教授漢克（Steve Hanke）。

葉太又評估政治形勢，話23條立法已經軟著陸，美國暫時不會太強硬針對香港。她每日收到有關外國對香港的新聞簡報，發覺近日外國已不太關心香港政治，主要關心經濟問題，例如某些外資銀行裁員等等。

她認為，美國宣佈針對香港23條立法的行動，主要是國務卿布林肯話，要限制香港相關官員入境美國。但布林肯的限制名單不會公開，正如香港拒絕外國人入境也不會公開名單一樣。

她判斷美國今次對香港23條立法的回應，比上次2020年針對香港國安法的回應克制。當然仍然要鬧美國干預香港事務。