剛剛進入初夏，早上5點鐘左右，晨曦初現，陽光和煦，天亦好光猛。我揸住我的大貓積架，沿著窩打老道，朝西九龍方向，開得好爽。
開到剛見到消防局，停在紅綠燈前，到綠燈亮起，大貓就好似，食錯食物咁不斷抽筋，引擎不斷抽搐。即時將大貓車，慢慢停喺消防局，後面路邊，唔敢再打擾這隻，突發急病的大貓車呀，不敢再用隻大貓喇。開車門，call拖車先生，叮囑拖車師傅，小心幫我拖去，葵湧國瑞路的英之傑屬下，積架大貓，維修專門店。
早上巡查完，送報紙工作。放工做運動，回家沖洗，叫女兒阿真媽媽，幫忙送我，返到公司。入到辦公大廳，問靚女同事: 「我隻大貓，生什麼病呀？」靚女答謂: 「唔知喎，積架陳姓，服務員話，明日先知喎 。」翌日， 我回到公司，第一時間，好緊張問，我個靚女同事，「點呀，宜家隻大貓情況？」靚女說，「陳服務員話，個引擎唔知邊度，邊忽燒咗喎。整就要三萬幾，再等三個禮拜，飛機運零件，再加埋換，啱啱一個月。三萬零蚊啦 ，就搞掂啦。」
我回憶，我修理，自己私家車，好似從來沒有，用咁多錢呀。以前買過，兩架積架房車，價錢都是三、五、七萬，從沒有超過，十萬喎呀。但是自從，揸住這架黑大貓，近兩年，越開越開心啊。死死氣，等一個月。我咁愛它，都要修復它，都要俾錢哪。整好它，付款喇。
一日復一日，每天大大個太陽，盛暑的天氣，瘟疫的日子。坐了一個月小巴，帶住口罩，上下車，消毒液抹手，差不多，要清潔埋安全帶及坐位啊。我這種用開私家車的人，無車就辛苦哪。忍受了，痛苦一個月，我就問，我的靚女同事，「我隻大貓點呀，出院未呀。幫忙打去問下，做完手術未呀，修復好未呀，出得院未呀。」轉頭靚女同事，入我房，面色好慘情咁話: 「老闆，陳服務員話你隻大貓 ，大偈打開心臟副偈，諗住換零件，但係發現，又有個零件爆咗喎 。如果要再整，要畀多，兩萬幾銀，又要等多一個月喎。」
聽完靚女說，我的腦袋，即時爆炸，當時真是，分分鐘中風。咁都得，佢哋係獨家代理喎，大貓維修廠，係名牌喎 。英國積架，給她們代理，一定信她們服務，超好，才信任，英之傑喇。我好不開心說，「可不可以，同積架講，我不修理喇，給回之前，我俾的維修費我，我不整，攞去西環海邊，推落海就算，見不到，大貓情人，心死了。」靚女打完電話，就跟我說，「不能退款呀。」
他們是代理，是名牌維修廠。他們電腦一接，什麼毛病，都瞭如指掌 ，他們今天，可以不知毛病，接住一個月，又話又有，什麼毛病。可以整多久，可以整我幾多銀呀? 整到何時何日，整到地老天荒，貴過我買車的銀，都有可能喎。他們英之傑，汽車集團，跟街上山寨車房，有什麼分別啊？你急病，救傷車，送咗妳入醫院，唔係幫你檢查好，你有什麼病，怎樣醫呀，收幾多錢。現在他們，收咗我治療費，都未出院，就話做做手術，打開個心臟，弄開個偈。就話個心，有第二個問題。我點樣再信，這間代理積架，英之傑汽車集團呀。
沒多久，夾在修理廠與我中間，被我逼瘋，的靚女同事。苦瓜乾臉孔，向我說，「他們不願意，給回錢我們。只是重覆說，要維修，就要俾多二萬多，等多一個月呀。」
錢，應該俾，我一定俾。但是現在是，他們劏開，大貓個內臟，搜搜吓，又話個度有事，又話幾多銀，又話等多久。我都沒得計算，我架大貓，買了廿萬。今天要維修，加埋六萬。但是他們，敢不敢話，整埋今次，就健康出院? 分分鐘，打開個肚，心臟沒弄好，就話個腦有事。可能貴過架，新大貓。之前洗濕個頭，三萬多。現在又話，打開個心臟，又要二萬多元。好似一刀一刀，慢慢割我，辛苦揾來的賣肉血汗錢啊。
等我再想想，搏不搏多次。想了兩天，俾了三萬多，整都未整。又話要，俾多二萬多。不維修，又話要充公三萬多元已付的錢。我的愛車，大貓瞓在手術床。他們可以，趁你病，同你講數。英之傑大集團，可以咁樣做生意？無論人與死物，曾經服務過我，就算一對襪，穿著得久，穿得舒服，用到破爛，再穿不下，我的心默默多謝它，承載我的腳多年，我會記掛它、我會多謝它。我的大貓，沒病沒罷工，接載我，風雨近兩年。我愛大貓，心意決定，修復好它啦。
從廿歲仔，有駕駛執照。開始揸貨灣，揾食出入。這兩個多月，無車出入，這個大暑天氣，瘟疫時間。又要戴上口罩，坐公共大小巴士，真是幾十年加埋，都冇坐得咁多，公共大小巴，搭車的日子啊。當我適應了，上落公巴，坐地鐵，要吃苦瓜，飲涼茶廿四味，解除又濕又熱，的苦日子，又到接近兩個月喇，開始每天吹催，靚女姐姐，「有冇打電話，問候我的，大貓貓情況，有冇好轉，零件到未呀，幾時取車呀？」
差不多兩個月，終於宣佈，大貓可以出院。但是接大貓出廠，要預早一天通知，因為大貓，不是在積架葵湧廠修理。我想，早前有傳聞，話有代理公司，為了節省成本，外判車輛，給外間山寨，汽車廠維修喎。心內有點疑惑，忐忑的心，把迎接大貓喜事沖走。今天仍然，未有釋疑。當我收到通知，翌日下午，放工取車。一夜好睡，興奮早晨，穿上紅色恤衫，喜事開心，好似接，新娘過門，回家一樣。從我和宜合道公司，一步一興奮，越行越快。好快，我就全身都是汗，紅色恤衫亦濕透， 突出我的，老人肥腩身材。行到積架維修部，高叫我從未見過的，陳性服務員: 「我來取我心愛，的大貓車啊。」陳服務員話: 「我通知同事，開過來。」當維修部員工，徐徐慢慢，揸到我旁邊。 我開心到，好似見到，濶別很久，遠洋歸來，的愛人一樣。即時擒上，我的大貓愛車。
我用塑膠箱，盛載冷氣水呀。
闊別兩個多月，我的貓，依然這麽敏捷，高速衝上，高速公路。向何文田，方向奔跑。當我轉落窩打老道， 點解左邊，乘客位，地下濕嘅。有水一滴一滴，好似我的心血，滴下地氈。在乘客位前面，風口下面，好似死亡之鐘，滴答滴答聲，催促到我心臟，跟水滴的聲音，越跳越快。回到我家，停車場。我摸摸，乘客位地氈，好似我在，太陽底下，走了十五分鐘，我的紅恤衫，濕透那樣。我匆忙，打返去，大貓維修廠: 「喂，陳先生，架大貓車漏水喎 ，給你們搞到，失禁瀨尿呀。」陳服務員說，「你即刻揸返嚟，俾我哋再搞搞，我哋再檢查 。」我話: 「大佬我返到屋企啦，而家都五點幾喇，你都要收工，我揸返嚟，再返屋企。我唔使同我，老婆仔女食飯咩。明早我揸返嚟啦，才慢慢談喇。」
翌日早上，冷氣都唔敢開，揸到底褲都濕曬，去到積架維修廠 陳姓服務員，上車看完，好羞愧講: 「我哋又係，離譜啲呀。」我話「唔喺離譜呀 ，你哋喺，完全無檢查清楚，就俾架車我。個個車主，俾你們整車 。你們係，頂級維修廠喎，正廠正貨嗎 。你們不是，山頭街邊，山寨廠呀。你要檢查清楚，才叫我取車呀。更要話清楚我知。我架大貓車，究竟全車，有什麼病，維修幾多銀。整定唔整。整幾多錢，我才決定。打開副偈，又話加錢。取車未回到家，又出事。整完一樣，又一樣。而家又一樣。我點搞呀。我不如拎去，西環海邊，推咗落海？無眼屎乾淨盲，唔使給你們，玩咗兩個月，都未玩完，咁痛苦呀。」
不夠三日，佢又報價，俾我個靚女同事。又要四萬幾，話個冷氣喉穿咗，如果要換呢，分分鐘，嗰個冷氣泵，都要換埋 。我想咗好耐，我給積架維修廠，整到怕。我都係唔俾們修理，但是到今天， 問我D，整開貨灣，修車廠。個個車房，都擰曬頭，平治、福士、寶馬，日本、韓國車，什麼都識修理，獨是積架不識整。這種車，坊間叫雪條車，單是維修，就充滿是理由。
小強
** 博客文章文責自負,不代表本公司立場 **
今個夏天，困在疫城，全世界都中毒。好似去邊忽， 都有機會，中肺炎病毒。真是過得，非常漫長。又濕又毒又肺炎，見到大大、大個太陽的暑假。幾十年，都未試過，仍然留在香港，受盛夏的溽暑、臭汗浸泡。
疫情嚴重，又不敢到商場，不敢去酒店浴室遊溜。唯有塞在公司，或在家開猛冷氣，避開肺疫，又避開，熱到中暑的高溫。
過去通常每到赤熱，6月左右，先去日本，享受春風。7月就往歐洲，飲食走走，或是去北海道避暑，住他到8月左右，待太陽伯伯，沒有這麼，太兇狠。才敢插住翅膀，飛回我的香港家。
好多朋友，哥哥叔伯問我，歐洲太陽都好勁，你又去遊玩？歐洲好大，就算它們好大個太陽，但它們是乾熱。再者，一走去有瓦遮掩，大樹遮蔽，什麼太陽，對我已經沒影響。意法西，更是美食大都會。去旅遊，第一是天氣，第二是價值，第三當然，是美酒佳餚喇。天氣名勝，香港盛熱，德國匈牙利捷克，接近天氣。奧地利更是， 享受 ice coffee，音樂遊。今年屈服於肺炎，唯有畫餅充飢。用回憶追思，令今個濕熱夏天，快D過去呀。
想 ，想，想 ，突然去到，廿多前的新疆。到烏魯木齊下機，竟然有市長公家車，知道香港小姐，張瑪莉到訪。要我們，一行四位，上她的公家車。好彩不是，公安車啊。踏上車廂，就去全市，最華麗，最頂尖酒店。20多年前， 我與麥華章 ，張瑪莉小姐，新疆周邊遊。 香港小姐一落機，竟然巿長，派專人專車接待。我一上車 ，話唔好喎 ，我哋旅行咋，我唔想見啲，高官貴人喎？我哀求，我們嘅麥先生， 即刻幫忙，搵間付費旅行社，搵部濶大旅遊車，帶我日日上路，遊遍這個邊疆，重鎮名城啊。
砍兒井供水系統。
更要替我們，多謝市長，盛情接載喇。 第二日吃完早餐，旅遊小巴，送我們，看葡萄園 。極目都是葡萄，一株一株，藤掛遮掩太陽。講到豐盛水果，新疆絕對好地方。返回自己，付費旅遊巴， 特別自在 ，感覺好快樂 。導遊哥哥帶我們，去到由漢人的科創，幫新疆建立的儲水系統，砍兒井供水系統。令新疆任何人，個個人家有水飲，解決不知多少年，新疆地區，飲食衛生，用水問題。我想起，小平同志說得對，不理什麼人，幫到人，就是好人。漢人回民，都是中國新疆人。大家生活在這裡，應該同心，建設好這個地方。點解今日，仲要分你我呢，點解唔好好，生活下去呢，建設美好，新疆家園啊。這個問題我冇得想，亦唔敢想下去喇。但是想起，美國印第安人，保護區。想起遊客，與印第安人，策馬馳騁，荒漠山丘，穹蒼大地奔跑，與紅番後代，講回遠古，死剩不多的族人。她們都要現實，學講美語，帶遊客深度遊，賺取生活費。我就諗，點解超強超大，美國政府，鬧中國強逼，蒙古新疆地區，返學讀普通話？
第三天 ，烏魯木齊逛街。到今天，我都每天，念念不忘羊騷味。一看到，黑草羊招牌，一見菜單，見到有綿羊，有燒烤羊扒。就想起新疆，大半生人，去咗大半個地球。都未嘗試過，如斯美味，新疆回民廚師，燒烤全羊宴。四個人，坐在露天街頭，頂住無盡繁星，食咗一隻，綿綿羊啊。忘記自己，有胃出血案底。食光光，還要安歌呀。好彩麥先生，哀求我，不要哪，再吃，要去醫院喇。
炭火烤全羊。
當晚打了，不知幾多次八段錦，消化綿羊羊。整晚綿羊， 都在我肚子，又行又奔跑。攪到我，整個晚上，轉來轉去，睡得不好。
翌日早上，經過市集。見到好多新疆婦女，坐喺凳仔。前面放著，小檯面上，擺滿一杯一杯，羊乳酪，又有 無盡。咁多烏蠅，喺羊乳酪周邊，好似蜜蜂，採花採蜜糖一樣，飛來飛去。 我見到，毫不考慮， 即時將屁股，坐落櫈仔。即刻挪起，不夠兩啖，就吞噬，小杯羊乳酪。好味好舒服，整個消化系統，即時通曬。什麼阻塞，都跑掉了。看官記住，乳酪是好東西，可以幫助消化，西方文獻，又話可以消除，各種炎症。但是切記，一定要，吃飽飯，才可以吃，否則就傷胃啊。什麼好東西，吃得過量，都是壞事㗎，尤其好綿羊啊。
我就不斷吃乳酪，麥先生， 張小姐 ，就眼望望， 嘴藐藐 ，不願坐下來，與我共嘗，咁嘅款。理都唔理我，只是企喺度，望住我 ，咁鬼多蒼蠅 ，小飛蟲，鬼咁污糟， 都仲食 。我毫不遲疑 ，即時口啖羊乳酪， 真是兩啖一杯 。不知食咗幾多杯 ，嗰兩條友，仲係望住我。 我就伸出一隻手，大力捉住，阿麥先生 的衣袖 ，一揮他就坐低啦 ，「整啖啦食啦」 。半推半就 的老麥先生一吃，好嘢喎 ？接住麥先生同張瑪莉 ，就吃了不知，多小杯子見杯底。食到成枱面，都變了空杯。 香港小姐咁樣食法，都算絕後 。我相信，我這一生。只會見到，天生絕色，的香港小姐張瑪莉。給我們，純真美麗，坐在街頭，吃完新疆烤綿羊 ，又吃絕對美味，羊乳酪。超好純潔，不含任何多餘，加色加味，純潔羊乳酪。
新疆綿羊羊，征服了我 ，亦征服咗，近廿多年前的香港小姐，與當時剛當選，十大傑青的小麥哥。今天想起，張小姐美艷姿彩， 舉措有度，美人風流。其後的香港小姐，真是難比當年。無論美貌智慧，更沒了，氣質並重，又沒了，高貴從容 。30年前嘅，十大傑出青年 ，麥華章兄，當時真是，一代俊彥啊。她們一起坐在，烏魯木齊街頭。當地人民，個個都搵她們，簽名留念。真是香港，俊男美女，傳遍西域名城啦。
又過咗了一日 ，酒店餐廳，吃完早餐。上咗旅遊車，去到名震天下嘅莫高窟敦煌石窟。一下車， 大大嘅捐款招牌。就將我眼睛，攝在邵逸夫名字上。 三十年如沒眼花，好似捐咗，一千萬港銀呀，為石窟安裝了鋁合金門及保護壁畫的玻璃屏風，以減少人為和風沙的破壞。當年好多錢呀，可以俾首期在中區，買幢商業大廈啊。 隔離嗰啲 ，左鄰右里捐款人。嗰啲雞碎，嗰D散紙，十萬，五千，一千元。配襯簡直醜陋，又攪壞捐款招牌。真是嘥鬼氣，簡直不堪入目。如果我是她們，一早就剷咗自己個名走啦。絕世藝術，不講喇。因為我是粗料，不是這杯酒。
邵逸夫捐款招牌。
旅遊好易過，又過了一天一夜 。太陽掛上了半空，我才走上，只坐我們4人的偌大旅遊巴 ，導遊哥哥說，今天去一個，當年沒有，很多人知道，絕了人間久，遺世風景。但是哥哥強調，佢話冇乜人知道㗎。去到現場，從車窗外望，見盡一片荒涼，好似1億年，1萬年都一樣。從沒物種，只有黃沙石，望遍無垠，爛地一片。當我一落車，踏上黃沙，不平沙粒地。 俯瞰一望 ， 不得了， 我當時，全身震撼。我的魂魄，給我腳下，無盡的乾涸山川， 壯闊的大山，陡峭的山谷， 懸崖峭壁筆直，下面是不平的地底，好似乾涸了，一億一萬年的水底。
雅丹地貌。
我的靈魂與肉身，全身不由自主顫動， 望住萬里無垠，起伏不一，一望無際，冇水的水下世界。望不盡的山脈，看極都有，懸崖大山。好似流動山川，在我腳下。好似不知，多小億萬年，白堊世紀 。我在這裡，我感覺，我是一條，反斗小魚兒，遊遊遊，追追追，與我的小魚同伴，不斷穿越，每個無底山洞，追逐嬉戲。它就是，海底奇兵一樣，只可以遊，不能行走跑的海底世界。 我的魚感覺，都不知呆望，痴呆坐咗幾耐。我不想走， 我想留下，直至永遠。當年情，當年時場景，到今天，久不久，就湧上我心頭，攝住我的魂魄，我好想，返回當年，當時的當地。當年的俊彥麥，與美人張，不知催促了，我多少遍上車，日落喇，返城吃飯哪。當年不捨，離情而上車。到今天，我仍然強烈感覺，這是我的世界。近廿多年後的今天，雅丹地貌，我仍魂牽夢掛。今天我腦海，常常出現，我要返回， 雅丹地貌，乾涸水世界。
新疆呢個地方，看官大人，一定要去睇睇 ，上帝造出，嗰種蒼涼世界，又廣垠荒蕪的感覺。
