我有個讀者大人，又是好朋友，要求我，寫我養狗嘅經驗 。
從我媽媽養自來唐狗，直至我在30多歲左右，組織家庭，有咗我第一個兒子卓成，又買了窩山洋樓，就有計劃，想養頭番狗，陪我嘅小孩子。
當時我們仨，專誠去附近，滿街狗店的勝利道，睇狗買狗。見到一隻短毛，好似格力狗咁欵，但是漂亮過格力狗好多多。狗的名字，好似叫做，沙老記（薩路基獵犬）。沙仔見到，我哋三個人，不斷磕頭，不斷重覆，在籠子來來去去，表演給我們看，「我精神，我健康」。更走近我們，親近我們。又用狗嘴狗鼻，同我哋親近。我只係用咗500蚊，就帶咗牠返屋企。
薩路基獵犬唔難養。
當年我住喺窩打老道一千呎左右。 這隻沙仔好聰明， 不用十次左右。 牠就懂自己，去洗手間，大小二便。 有次去澳門遊玩， 見到一大棚saluki （薩路基獵犬）我就不其然，與放狗人聊天，說我哋屋企，都有一隻呀。放狗工人，就用好奇異眼光，望住我們，你哋都有呢種狗， 我哋何鴻燊家族，何家小姐最鍾意，養呢種狗喎。 呢種狗嘅，全世界跑得第二最快嘅狗喎。喺歐洲及澳門，貴族人家專養㗎，你哋點解會買到嘅？
我話我哋喺狗店， 買咗500蚊咋。 吹完水，談完天。我哋才知道，養狗養到，黏到貴族，升級做咗貴人，養咗隻貴族狗狗。大大令我們，感覺升級，做了藍血貴族。
想想，全球第二，跑得最快的狗？怪不得，晚晚瞓咗覺，都聽到大廳，好多人走動，咁嘅感覺呢。到我哋開咗門， 又冇動靜喎 。再諗何家大小姐嘅放狗人講 ，呢種狗，係貴族賽狗喎 。我諗會唔會，我哋瞓咗覺 ，隻狗天生嘅動力，出嚟喺廳，晚晚跑呀。
回到香港，知道沙仔喜愛跑。不再擔心，家裡有異物。但是有一天，半夜上班。我出到大廳，見到沙仔隻腳，跛咗不動。才知道這種狗，唔應該喺我哋這類窮人養㗎。係應該真正，有銀両貴族養。因為要有，好大大嘅花園任牠跑，牠才幸福，健康成長。 最後我哋送咗牠，去我員工嘅村屋 ，有一片荒廢農地，等牠可以，日夜奔跑。
我第二個小孩，自成出生。 我又萌起， 買另一隻狗，回家陪他們，已經成為，一家四口。又一齊去勝利道，搵狗狗喇。這次狗店職員，推薦我哋買拳師狗。 職員話拳師狗， 有曹星如嘅體力，勁過泰臣速度。 可以日玩夜玩，幫小孩子放電，陪你個仔成長 ，等小孩，不用煩你們。
拳師狗無時停。
帶咗牠回家。幾個月， 他越養越大隻， 肌肉越見越實。簡直成隻，泰臣加曹星如的拳王狗狗。有一天，我哋上街吃飯，不夠三小時。返到屋企， 由地下至到九呎樓頂，廚櫃入面，所有東西， 可以俾這隻，拳王狗狗，全部掃落地下 。全部咬爛， 我望住，拳師狗皇。 一家四口，加埋賓姐，應該五人，睇到呆咗。 這種狗嘅威力， 我從當天，到今日超過30多年，都歷歷在目， 記得好清楚。 這種拳師狗，的體力加能力，絕對超越，任何拳王。
自從80年代尾，兩個孩子與前妻搬咗去星加坡，我就冇養狗啦。 直至我從又一邨，搬咗去汀九村屋。要養狗，作為保安員，為了安全，又擔心家門失竊。 當時有套電影，好賣座，戲內有種狗，表現好兇猛，毛又不長，天氣應該對牠沒問題。賊佬望見，又生恐畏懼， 又易打理。看完戲，周圍問，才知這條狗狗，叫做洛威拿。一於又去勝利道，90年代中，買了三仟元。買咗隻，剛剛戒奶，小小的尊仔仔。這種狗狗，運動不多，易養易打理。大小二便，很快就懂，自己出花園解決。
但是尊仔，性格自我。教牠最重要，當然靠食物。當牠慢慢長大，就展現牠的，皇者風範。有一天 ，前壹傳媒，發行江總監， 嚟我屋企食飯。飯後江總，悠悠然，自我行近， 擺設的展示櫃 ，手剛放在手柄，門都沒打開，尊仔已在，江總監腳旁，發出極惡低沉呼聲。江老總，即時嚇到，腳軟尿急。
洛威拿的利害，就是不作聲，其實外人入屋，牠已經監視你，你作出行動，影響牠的家，牠就警告你。如果有外人，攪牠老闆妻子，牠就不會警告，直接咬你弟弟。令你，絕子絕孫呀。
又過了不久，在家門鐘響起，正要步出花園，行去大閘開門。見到尊仔，一反常態，竟然不斷搖尾，歡迎牠從沒見過，我的老友，前經濟日報集團麥老總。點解洛威拿，尊仔咁有靈性，知道這個來者，是我老闆，一早走去，搖尾擦鞋迎客人？想來想去，應該沒有，咁鬼靈驗，咁鬼利害。應該是我們，中國古諺，狗眼看人低。狗歡迎，穿著有錢有體面紳士。因為麥老闆，是我朋友中，常穿西裝，踢死兔出入。
為了證實這個理論，我找來同事。每天不同時間，穿西裝按門鐘。如果尊仔搖尾不吠，就用捲起的報紙，伸入欄內打牠。防止賊仔，穿上名牌西裝，入屋偷竊。三天之後，尊仔就一律平等。不理穿西裝，或穿上龍袍，都咆哮亂吠一餐。直至什麼人與動物，遠離我家，牠才停止。
到尊仔，去到少年期。見到他有，生理需要。我又不想，如早前所講，學阿九老友那樣，幫洛仔出火。我就找相熟狗店，幫忙牠娶老婆。狗店肥主人，話有隻，適婚齡的洛女，剛剛從澳洲到港。本來他，用來配種賺錢，如果你家尊仔，等結婚，我先讓給你們，當撮合，洛毛孩，的好姻緣喇。
我的尊仔和果汁小姐。
咁樣我們，帶了果汁小姐，回汀九家。不消半年左右，尊太太分兩天，生了九隻洛BB。第一天，生了5件。以為生完，可以收工。怎知第二天，睡醒返工，專誠走埋，狗窩看看，又多了4隻。過多二天，沒見再多，數清楚，一共9售洛BB。搵肥狗店主，剪狗尾，都要二佰元一隻。嗰段生仔時間，做到我仆街。想想吓，洛仔夫婦，咁鬼精壯生猛。如果牠們，日日開工，我就死都沒有空呀，不如絕育喇。一經決定，就送了尊仔，去紅磡狗醫務所。擺放狗籠後，眼都不敢回頭，就回家等手術後，再回狗醫院接回牠。
晚上電話響，狗兒醫院，傳來護士驚恐聲。你的洛仔，手術後醒來，追人咬，要報絕育之仇啊。我們所有人，走出店舖外，鎖住門，等你嚟攪呀。飛車上到紅磡獸醫院，奔跑到店舖前，護士狗醫一齊說，你隻洛仔好狂猛啊，發曬火，好似要報仇？我忙說，幫忙打開門，我輕輕聲: 「尊仔仔，沒事喇，回家哪。」尊太監，用怨懟眼神望住我。這件事，我畢生記在心頭。我對住，尊哥哥講: 我對你的錯，我永遠不再犯，我永遠不再，用於任何人與動物身上。
洛威拿，牠非常記仇。就算我是牠老闆，我都不敢打牠。牠不服從，我最不開心，都是望著牠的眼鬧牠。我養過，三代洛威拿。其中一代，洛仔老婆，少女時給鄰居，十多隻唐狗欺負。洛仔可以，等太太長大。帶埋老婆，走入人家花園，親口當住十多條狗面前，咬死曾欺負她太太的唐狗。其牠十多條狗狗，在旁邊只有哀鳴，全部不敢張聲。
連邨民都買我這兩隻癲狗怕，要找我去解決。我到現場，揮捧打牠狗嘴，牠都不放口。我靈機一想，抽起洛仔雙腿，洛仔轉頭，望住我，才放起垂死的狗頭，跟我回家。
洛仔好喜歡，用頭探索，樹木內的世界。有一天，牠的頭捐入了，玫瑰花糟，給玫瑰花刺，弄傷眼睛。當牠傷癒，牠可以將兩個玫瑰花糟，我心愛的，玫瑰花，全部咬死。我至愛的， 天鵝絨玫瑰花，從此永遠消失，在我的家園。更重要，這個花糟，以後出什麼花，都給牠咬爛，咬到光禿禿，只剩黃泥一片。
花糟只剩一片黃泥。
其實洛威拿，好易養，也適合城市生活。牠們活動不多，洛仔長大，服從性高，比較愛靜。洛女好嗲，好溫柔。牠們會自找，樹葉吃解毒。牠們又會咬石頭，吃沙石，幫忙胃消化。但是牠們，最大天敵，就是癌腫瘤。通常到6至7歲，癌就到，唯一方法，天天吃蘋果，用中草藥治療。我家洛兒洛女，都有12至13歲，高壽而歸天庭。
小強
** 博客文章文責自負,不代表本公司立場 **
