高級待應 不要噴口水介紹菜式 牛肉噴水 唔該查查有冇古惑

最近睇住，報紙香樹輝專欄 。去到銅鑼灣， 高級意大利餐廳食飯。 坐低，真係好似香先生講 ，嗰碟意大利麵，好好味，好好吃，但是得個一著，真是攝都，攝不到胃罅，一啖清碟。一牛一鹿，一碟好似白霧咁嘅蛋，埋單近二仟元呀。

怪不得鄧達智話，洋厨最喜歡香港人。他們話，香港高、中、基層人士，個個係有錢人。没有錢的基層，搵到一餐，都要食咗落肚，喜歡就吃，食完冇銀，瞓醒先想啊。所以洋人揀埋岸，當大厨，全世界首選，就是香港。所以香港，絕對是，國際大都會。

但是最慘，就喺嗰位侍應阿哥， 十足十，像我二十多年前， 開始常常去法、意、西旅遊 。無論它們大小餐廳 ，她們每一次，送食物上枱，都伸直條腰，挺起個胸。好似唱歌劇咁氣勢，大大聲，朗讀介紹食物，呢個用乜嘢做，呢個咩嘢煮，呢個點樣，低溫煮法，果樣又話先煎後又焗，連焗幾久，都講得清清楚楚，如數厨房珍藏。每次上菜，講足兩三分鐘，佢哋的口水，就好似高速花灑，噴射曬在我食物，與頭面上，攪到我吃得，非常不安，更擔心病菌，從他們口中來，完全沒想到不衛生 。

所以這幾年，他們一埋枱，我就舉起大拇指， good good good， 趕他們走。入廁所 ，順路經過，個廚房。從廚面運食物個窿， 望入去廚房。竟然見到個鬼佬厨師，戴住個口罩，但是打開兩個鼻窿 。食完心又驚，心又震，會不會染上，瘟疫肺炎？我唯有，這幾天，日夜拜觀音及祖先，祈禱鬼厨，沒瘟疫沒肺炎。

早幾星期，看曾智華叔叔專欄，話有間餐館，四百多元，有靚牛肉自助餐，又抵又好吃，講到攞件牛肉去押店，都超值非常呀。所以專程，開車去幫襯，泊好車上商場，沿路商場，真是三十室二十九關門，惨不忍睹。未食靚牛肉，已經心情，抹上不安的陰影。到餐廳坐下枱， 擒擒青，揸住個兜，排隊切牛肉。竟然見到，有位中年，近老年阿叔，將大大隻，粗黑巨大神掌，摸摸放在，給人取食物枱上，嗰件大牛肉上，好似幫他，孫子探溫度咁嘅款，合不合他，温差或柔軟度，才決定切不切， 吃不吃，咁嘅樣喎。看官大人，您們估，下一步，小強怎樣做？

有一天中午， 返到屋企， 經過電梯大堂，見到beyond樂隊，嗰位黃家強，與位富太太。一路行，一路講 ，最近揾樓搬。千萬不要買，隔離嗰個，十多年左右，嗰屋苑呀。因為屋苑，有鼠患呀，四十樓咁鬼高，都有老鼠行走㗎。我一路行，一路想，老鼠坐電梯？何文田豪宅， 竟然有鼠患 。早前我兩隻松鼠狗，有晚無故亂吠，瞓醒返工，望見防蚊網，無故有個窿。搵人修理 ，工作人員拆除，望住個窿，老鼠咬喎，你家有老鼠入咗屋喎。越想越心寒，肺炎瘟疫，越演越烈，今天家強唱家班，又話豪宅屋苑又鼠患。住在中層的我，竟然老鼠爬上來。瘟疫仍存，鼠疫又若隱若現。 我真真擔心，香港我們的家。

近年，警察叔叔嘅態度言行，明顯有進步 。我每一次泊車在路旁， 差人叔叔，都好聲好氣 ，叫我開車。個鼻都冇了，以前的朝天鼻啦，態度好好叫你走。甚至有一天，我在勝利道，泊車在賣肉舖頭旁邊，差人啱啱到， 我同差人哥哥，打個招呼。我入舖内去買肉，兩分鐘搞掂， 幫幫高枱貴手，不要給我牛肉乾。警察先生，竟然非常親民，眼神溫暖，對住我說，買完肉走，就可以喇， 唔好緊張 。咁嘅工作態度，警察真是，好努力改進呀。現今警務人員態度，令我感覺，我這個納了幾十年稅的納稅人，雖然今年，沒稅纳，因為瘟疫致虧蝕。但是感覺得，納稅纳得好，值得好自豪。因為警察做得好，全球國家，人人會加分香港人 。

但係最近睇咗個 ，通訊群組，睇了一條視頻 。有位差人大哥，望住懷孕大肚婆，重戴她上手銬。差人大佬，你們五六位差哥差婆，嗰條死肥婆，識飛天嘛？她即時激死嚇死，就真是升天哪。最惨因為妳們，插滿喉管，早產嬰兒，我希望小小BB，可以幸運， 健康無恙 ，生存長大。這位老鼠屎，掉落盤，用心努力的警察叔叔，嗰碗清粥呀，汚染她們的辛勞。到女性高级警察督察到場，就即時解除手銬，送她上救護車。睇完視頻， 最擔心警察叔叔， 這幾年，辛苦建立的形象 。就因為這位，目兇嚇人的高級警察大佬，囂張嘅工作態度，將警察，辛苦建立，一掃而空，仲欠下人民一個問號？

我公司的劉按摩大師 ，早上去街市買餸。相熟生果檔老闆娘，對住劉大嬸，耳邊细細聲，慌死旁邊，顧客聽到。佢話「對面嗰檔牛肉檔，一早挪住噴水壺，不知噴什麼水，在牛肉身上。我想嗰D水，唔慌好嘢呀，穩陣D，不要幫襯他的牛肉檔，買牛肉吃呀。」

劉按摩師，一講我知，我個腦袋一轉， 翻開我的記憶。我通常早上，看完送報紙收工， 就去街市買餸，如果有時，早放工，早去到街市，久不久，都見到啲牛肉佬，在掛上架上的牛肉身上，係咁噴，不知什麼水。初初想，喺咪加水，加重量，騙少少斤兩呀？但喺經劉大師說，生果檔老闆娘講，她們日望夜又望，牛肉一定有奧妙有乾坤喎。

幫幫牛肉行業，食環署，政府有關部門，查清楚，令牛肉行業，得釋疑團。不是，隔鄰右里，附近街坊，左傳右吹水，牛肉檔生意，就惨慘豬啦。

小強

** 博客文章文責自負,不代表本公司立場 **

年，年，年，開埠數百年，到了今年。這麼多年除了黑死鼠疫病，日本仔侵略香港，今年超難過。

年花市場，這個政府話，瘟疫嚴重，今年要取消。大佬啊，這個瘟疫，已經整整一年。除咗瘟疫會殺我哋，政府高官，想都不想，做也不做，閂埋門決定，大家都唔使做，大家都冇飯開，就會平安哪？你哋冇飯開，餓死街頭，與我們高官，沒有關係喎。花農唯有，流著眼淚，對住花兒喊救命。作為決策者的陳姑娘，諗都不用諗，手術刀一揮，花農花店，經營者就死得。怪不之得，個個大人，大嬸大姑，爭住入閣，拜相去當官。薪高糧準，津貼多到，記不起咁鬼多。真是錢，就喺咁嚟。人民疾苦，是地底泥，沒關係呀。賣年花，一年賺與虧，都是靠，年晚嗰幾天。揸兜乞米，抑或揸鷄腿，過肥年，就是靠，這個黃金日子，十天八天啊。

陳姑娘，一眾高官，不知人民疾苦。竟然一刀，斬死水仙蘭花，牡丹 臘梅花。賣花人，全行反枱，全行業花人起哄。陳姑娘，又話要從善如流。終於戲劇式結束，花市可以，再迎年晚愛花人。

但是全港大部分，傳媒網站，當然不放過，愚弄人民的高官。報紙頭版，不論左中右，傳媒網站。都大大隻字，對住陳姑娘，不是話她去投降，就是說她跪地磕頭，要原諒舉手跪低叫投降，更有說她，反口覆舌沒原則。她自己，對住傳媒，就自圓其說，從善如流啫。不如大家忘掉，花市關門這件事，黑板粉筆字，擦掉吧。我就講，怎樣都好。陳姑娘，終於都肯，接受賣花者言的錚言，讓業界復市，令到養育花兒者，有生意做，有飯吃，總好過，親手將親生花孩兒，丟棄佢落堆填區，埋在臭坑洞內啦。

其實陳姑娘，專業咁高尚，又何苦來由，去幹什麼芝麻綠豆官呀。可能妳，想仿效國父，孫醫生，用政治，醫天下人，解決所有香港人問題。但是妳是專科，不是通才之料啊。不是孫大炮，魯迅他們。他們文章，鏗鏘有力，口水夠勁，文武雙全喎，又打得又講得㗎。孫大炮國父，可以用口才，氹到全球，華僑捐款。買大炮，推翻滿清，建立民國呀。小強初見妳，面如菩薩，心腸一定好。當一個盛世好官，必無問題。但是今天，是瘟疫世代呀，要執行力勁，組織性強，預備能力足，預知危機能力高，更是要，反應超快呀。預計危機，應對危機的能力，更要十分超卓呀。所以習主席，講得對，要肯作戰，要能戰，更要能夠打勝仗呀。今天全國各地，為了戰勝瘟疫，隨時進入，戰爭狀態㗎。作為你的粉絲，我要求妳想想，早早退場，不要糟質自己，做回一個，專心全意做好專業。

長等限聚乜都停，會搞死人。

其實這個，瘟疫戰爭 ，已經差不多一年多。年初左右，瘟疫剛剛開始。田豐馬經，蔡老闆。問我這個瘟疫，怎樣攪？我當時講，沒得攪，沒有東西可制止。只有習慣它，無論生活與工作，都要學習與它共存。最重要小心行走，早睡早起，鍛鍊好身體。但是點解我哋今日，瘟疫整整一年，還沒習慣。政府官員，仍然手忙腳亂，揦手唔成勢。位位高官，坐在高樓，日日翹埋雙手，完全冇預備，冇計算，瘟疫一復活，就亂咁嚟。停飲食，停美容，停健身，停按摩。停酒吧，停麻雀耍樂，更離譜是，不用見外人，只喺揸枝油槍，插入貨船嗰窿，都話不能，不准許加油船開工。真是寫不盡，咁多香港人，咁多行業，沒工開，沒工做，沒收入，沒飯吃呀，死得人多，獨好殯儀業呀，就算殯葬先生，她們接生意，接到好不開心，因為逝去者，都是不幸無辜，染疫人。

最慘慘慘情者， 就是佛祖出生地的尼泊爾人。他們中文英文，都係麻麻，絕少與政府及華人溝通。發生事，都唔知點樣處理。再加埋，佢哋的排燈節，拜神燒死咗好多人。再加埋過年嘅聚會，令這個細菌瘟疫，發展到，勢不可擋。令佢哋嘅社區，她們的社區，全部要封鎖。佢哋真係最慘，都是基層，自由工作者，全部吃穀種。不知何日，吃到冇錢，要挪刀，街頭搶飯吃。最近連絕跡很久，黑社會收地攤保護費，都復甦喇。 因為她們冇收入，冇飯吃冇米落肚。大哥都要走出街頭，搵啲地攤小販，收保護費呀。因為酒吧，麻雀館，按摩館 ，娛樂場所，全部冇得營業，冇糧出呀，冇收入，冇飯食呀。就逼住黑人民，去果啲仲有收入，地攤小販乞兒兜，搶飯食囉。

其實瘟疫，不可能一時三刻，可以停，大家都知。作為政府高官管理層，應該制定，長短期作戰規劃。要一路戰爭，一路讓人民，搵半餐食，吊住條命呀。邊度出事 ，邊度有瘟疫，就封鎖邊度囉。甚至劃大啲封鎖線，令區內人民醒覺。區內互相，監察瘟疫，自動做好，衛生條件。我呼籲社會，還有能力之士，有錢出小小銀，捐款尼泊爾社羣，令她們得到關心，得到香港社會的共融。

我真係不明白，點解嗰啲，如果空中服務員，及大輪船大佬，佢哋入境，點解唔可以檢疫21日呢。我又唔明白，現時戰時狀態，航空公司，及船公司，點解唔學嗰啲消防員。返一個月工，放兩個月假，咁咪可以囉 。應該飛機輪船到港，她們就要，留在指定酒店，直至離港。如果入社區，就要檢測妥當，同隔離夠21天，才可以放行，返回社區。