生活事
你有無懷疑過身邊愛侶或者朋友係個變態？膠仔睇到篇文，除咗觀察佢係咪自尊心過度膨脹、鍾唔鍾意講大話等顯易而見嘅行為外，仲可以留意吓另一樣嘢：下次打喊露時，留意對方有無反應。
啲人話打喊露會傳染，膠仔睇過有好多研究報告都話真係會。美國有研究員利用過往數據進行深入研究，進一步發現心理變態嘅人，對於呢種「傳染性」有較強抵抗力。個人愈係諗埋一邊、愈係反社會，就愈難跟住其他人打喊露。
科學家話打喊露之所以會傳染，係因為人有同理心，呢個講法我覺得OK；之後佢仲吹到話係「社會聯繫嘅其中一種方式」，咁講我就有啲保留。無論如何，佢指出啲人心理變態嘅話，會較難理解其他人感受。佢哋仲搵咗班學生做測試，證實性格愈傾向心理變態，對於打喊露愈免疫。
當然啦，個結果都係拎嚟參考吓好。膠仔覺得人哋唔跟住你打喊露，有可能係佢根本當你透明，咁又點產生同理心啫……
神州快訊
** 博客文章文責自負,不代表本公司立場 **
吸毒害己害人，美國有位媽咪因為咁樣痛失丈夫，同對仔女企喺屍體隔離笑笑口影咗張陰森照片，膠仔睇到個心離一離。今時今日嘅美國，無論吸毒、販毒以至為毒品賣廣告都屬犯法，但係你哋又知唔知其實多個州份曾有段時間係允許傳媒宣傳毒品？
美國早喺1914年已列可卡因為禁藥，除特定醫學同治療同途外，一律禁止民眾使用。俄亥俄州同埋內布拉斯加州有明文規定相關產品影像不得見於宣傳物品，不過其他州份要到1981年先禁絕毒品廣告。我認為呢個決定實在太遲，禁得隻藥又唔禁止佢宣傳，有無咁戇居？
無論如何，南美國家哥倫比亞一直以嚟都有毒販走私可卡因到美國，有唔少人會喺藥物或醫學雜誌高調賣廣告，宣傳吸食可卡因究竟有幾High，講到可卡因有幾好幾好，70年代尾最多。據說有唔少人俾呢類廣告洗腦，一試上癮，永不翻身。美國一個創意網站近日搜羅咗呢批圖片，膠仔同大家分享一下。
睇還睇，呢啲純粹分享吓，唔好睇完走去吸毒咁戇居呀。
仲有其他圖片，想睇就去呢度：
http://imgur.com/a/Ipsek
