香港九七前的契爺,99歲,王夫菲臘親王,返咗天家。新聞傳遍全球,因為是我們,前度契爺,所以香港人,更為關注。
返到公司,無情情在公司,有條靚女講,呢個英國,97前契爺,從來沒有,做過什麼嘢喎。我即時,面斥這個年齡剛剛過了半世紀,肥瘦適中的靚大嬸。我話契爺厲害,就是佢,從來冇做過,什麼嘢,如果不幸,做出什麼嘢嚟,他搞嚇靚女,或者喜歡靚仔,全球都知,英國除了異性戀愛,法律又保護,同性戀婚姻,分分鐘,雙性一齊嚟都得。部分人更喜愛,關埋門男男女女,大被冚一齊搞嘢呀。到時領了嘢,傳遍全世界。英女皇,就早早收檔,死九硬呀,不會到今日。怎麼會,到今天,女王契媽,仍然咁鬼,生生猛猛啊。
契爺那個大王子,娶了位戴安娜王妃,生了兩位英俊王子,可以令溫莎王朝,得以延續。戴妃又愛親民,更充滿善心,去非洲,傳染病最多國家,對住全球,傳媒鏡頭,展露慈懷大愛,抱住愛滋,黑人兒童,令全球人民,譽她為全球人民王妃。她離世,全國人民,高唱風中之燭,記念她。想起王妃,我的腦袋都,悠然神往呀。
戴妃得到,全世界民心,都給大王子,一腳踢走。戴王妃,識了條擁有,全英國最豪華的哈萊士百貨公司,埃及二世祖,無情情無端端,二世祖與戴王妃,兩個一齊人撞車死掉呀。接住大王子,整咗件,我看見,都冇咩胃口,的新王妃卡米拉。契媽英女王還到咁多大鑊嘢,都未死得。最近王孫愛妃梅根,不知痴了條什麼根,爆純白溫莎王朝,有種族歧視呀。如果加埋王夫,都搞出更多大鑊嘢,她們王室千年,都要冚檔㗎。
今天王夫歸天國,梅根王妃,不知有沒有份,送王老爺上路㗎。菲臘親王,傳承了民主發源地,希臘精神。一個高大靚仔年青人,讀書又叻,又靚仔。佢仲做到戰鬥艦,副艦長㗎。曾經揸住戰艦,日冶時期,光復香港。又親民,與我們香港清潔女民工,交談親切,令香港人,讚譽有加分㗎。
菲臘親王竟然可以企咗喺契媽後面,從不搶風頭,從不露鋒芒,從不表現自己能力。默默無言,企在契媽後面,做了近百年企鵝咋。又成立,什麼愛丁堡公爵慈善基金,為英女皇加分。我作為年輕人,打死我,都不會為一支玫瑰,放棄一個森林,更失去自由。這個希臘王子,在我眼中,應該是傻仔。但是他,為了愛情,幫女王,捱了近百年。全英國人,及世界人,都給他滿分。王夫,您的耐力,可以與日月爭長久,真真利害,小強拜服,特此借,巴士的報專欄,向您致敬。
講完希臘王子,變為英國王夫,成就了英女王,令英國全民,上中下階層,凝結一體,支持國家。寫寫下,就想起,我的老友孩子,最近這個世侄,娶咗一位,係美國出生的希臘裔女生,菲臘親王的同胞,希臘公主,作為太太。我個細姪,生得超靚仔,中學時期,有跨國電影公司相中他,簽埋合約,邀請他做電影明星。但係他爸爸,即是我老友,他食古不化,與孩子反面,反對大兒子,投身電影藝術,事業生涯。所以小孩,就出走美國升學。我作為世伯,由佢出世,到開始溝女,或者條女溝佢。但是我,從未見過佢的女朋友,好似佢現在嗰位老婆,希臘公主,咁鬼平凡,鬼咁普通嘅樣子呀。但係我呢個世侄,竟然同佢結埋婚。重先斬後奏,不通知他老豆,即是我老友呀。她們相處咗,差唔多十年。
我最近同佢爸爸聊天,問他點解你個仔,咁英俊咁靚仔,讀書讀到,名牌大學,獎學金博士生。應該揾件,世界小姐,可能唸書不叻,但是都要,係美麗女生,作為太太呢。 但是竟然,找到位,面貌平凡,又不同人種作老婆,他日孩子出生,樣子平平凡凡,承繼不到,你們男家,英俊不凡,家族基因喎。怎知我老友,即是博士生老豆,即時好滿意,面上充滿笑容,娓娓道來說:「我非常滿意,這個美藉希臘裔新抱啊。普通面貌,不是問題。她在多倫多大學,取得全費獎學金,唸博士,包括坐Uber,都唔使俾錢㗎。但係佢知道,她丈夫,即是我個仔,考到入去芝加哥大學。我個美國藉希臘新抱,即刻唔要多倫多大學獎學金呀,唔讀博士呀,跟住我個仔,去芝加哥定居讀書呀 ,照顧她老公。她有嫁隻鷄,就要隨鷄公移動,嫁隻狗,做流浪狗,都開心呀,這種中國精神喎。最近返咗嚟,一入屋,就取拖鞋俾老公換。早午晚,裝飯挾餸俾老公。我睇在眼內,她絕對是我家,從沒有過這種新抱。她的中國傳統,可以追塑到漢朝呀。唔揀什麼美人靚女,揀個平凡老婆,這個婚姻,必定長長久久,快樂家庭呀。」
我老友講完,他兒媳的完美,我就一路返屋企,一路駕車,一路諗,一路想。想起少年時,我細細個,住喺豉油街67號二樓。我瞓嗰張床位,對正嗰個劏房,住有一家六口。我們一起,慢慢長大。對面那家人黃芳是大家姐,生得平凡,但是最勤勞,早上幫父親,送完報紙,才返學校讀書。她好做得,讀書又得,中學畢業,好快嫁出,生了好多小孩。三妹名字叫黃玉,她真是生得好多肉,面貌又好飽滿,但是性格,好平易近人。她又是中學畢業,好快又嫁出,又好生養。眨眼近廿年,阿大加阿三,兩姊妹,家庭圓滿,快樂幸福家庭。獨是她們二家姐,從少最美麗漂亮,身材又豐滿。當年,簡直超級,世界小姐的台型。但是,孤傲離群,自視太高,孤芳自賞。真是,高又嫌人高,矮又話人矮。有D錢,又話你其他事,不夠她要求。冇銀,又不啋人。到她近四十幾歲,標梅已過,嫁杏無期。沒見廿多年,不知有否歸宿,入到人家作人婦未?
香港有位,任何人都認識嘅出位有錢佬。佢有個姪女,在我公司工作。有一天,這個有錢佬姪女找我,與一位性郭舊同事,一起晚餐。她同我講,岑先生,我想飛去加拿大,搵我個夢中情人舊同學。我望一望,這個出位有錢人嘅姪女,非常平凡好平凡,又係美貌與身材俱缺,肥肥滿滿大大隻,似佢阿叔個款。 我想都不想,即時同佢講: 「你買張,單程機票去啦,抱住一往無前,不成功、便成仁的心態。去到加拿大多倫多,不停跟住男朋友,但係要佢覺得你,你唔會阻到他,但係又俾到個家他,俾到個關心佢,總有一天,他一定會愛上你嘅。」我旁邊嗰位性郭舊同事,即時大大聲制止,話: 「你千萬唔好去,唔好去呀,容乜易去到加拿大,多倫多市,畀人呃曬呀,你好蝕底㗎。」
我等有錢人嘅姪女,去廁所的時候,我就大大聲拍枱,鬧嗰條郭性舊同事。我話超平凡小姐,咁鬼平凡,她又不是,有錢人個女,只是姪女,她又窮又冇銀,生得又平凡,身材又似一坐小山丘。她有什麼給人騙,可以給人呃呃騙騙呢。反而她的舊同學情人,又靚仔,又有六舊腹肌,又有身材,重係加國,名牌會所廚師喎。她又唔係,什麼有錢人嘅女,只係有錢佬嘅姪女咋,她阿叔有銀,關她義義事呀。佢又冇錢畀人呃,有咩問題呀。去到加國,揾不到老公,搵到一餐食一餐。話唔定,唔覺意,嗰條靚仔,覺得平凡妹,不拗頸,又溫純,又聽話,重有老婆感覺。平凡妹,分分鐘搞到有仔生,咁就中到金多寶㗎。其實好多,又靚女又年輕,又有身材,就是恃靚行兇,自以為是,認為自己,什麼都有,了不起,就是這樣死。她們香港小姐,就是缺乏溫馴,就是這樣,到老一塲空。即使初相識扮馴,日子久了,露出本性,都是離婚收塲。
結果平凡妹,一往無前,走咗去多倫多。三年之後,她竟然帶埋個仔,同埋佢個靚仔老公,返嚟探我。又過多三年,佢帶夠兩個仔,同埋那個從六舊腹肌,變成豬肉佬,靚仔老公返嚟見我。我心想,她的家堅過,她阿叔住的赤柱監獄。這個由靚仔,變豬肉佬,他今生沒得逃走啊。郭性舊同事,大大聲說,平凡妹,好過中了,十八個,六合彩,金多寶呀。
小強
** 博客文章文責自負,不代表本公司立場 **