五月最後一個星期五,約咗股票陳,在沙田馬會,銀袋餐廳午膳。我不到一點,已經坐在銀袋,等阿股票陳。原本約好一點, 差不多近兩點,股票陳,才氣沖沖走進餐廳。
股票陳,上氣接不到下氣,喘着大氣,開口解釋,遲到的因由。我即時制止,60多歲老人家,不要急,抖順條氣,才慢慢道出事件呀。吳衛平中醫,吩咐年纪大,什麼大小事,都要慢慢來,不要急,不是,分分鐘,爆血管,就大大鑊,下半生,就要瞓在療養院,到時家人要照顧你,就害苦了太太,兒女及家人呀。
股票陳,坐了近五分鐘,飲了一大杯水,氣才順,精神才回復過來,娓娓說出事故來: 「不知是否,這個五月天,實在太熱,我日日食西瓜,飲凍咖啡,紅豆冰,又雪糕,又雪條。昨晚放工回家, 肚痛坐在馬桶,拉肚子,屙爛屎,轟到成個馬桶,差不多給我炸爛,終於大事完,所有排泄物,塞住咗個馬桶。我老婆,即時全副裝備,帶住防疫眼鏡,帶埋個口罩,帶上手襪,揸住條通馬桶吸泵棍,好似上戰塲。現在咁熱,但是多瘟疫,不穿上咁多裝備,分分鐘中疫呀。穿上,就真是熱死人呀。我老婆,她真真,抵得諗,為了老公個馬桶,就幫我出征,對付馬桶。點知她,大力一捅,嗰D大大便,彈到她,全身全面都是茄茄呀。她大叫救命,我即時衝入廁所,幫她脱光光冲洗喇,全身裝備,內衣褲罩及衣服,用膠袋包好,才敢下樓,丢掉垃圾房啊。正所謂,出師未捷,全面全身先中招。弄了一晚,才可以吃晚餐。我叫内子,唔好搞啦。上網約個通渠佬,明早嚟通咗佢啦。講好通渠千多元,到我差不多出門口,通渠年輕人才到。點知他一通,就同我講。陳先生你個馬桶,有石屎,又有大大塊石頭喎,好大嚿㗎,通唔到喎。如果要通得好,要拆除馬桶,更要動用大力鑽機,才可通妥嗰屎渠㗎,不過要收萬多元喎。
聽完股票陳講,他的馬桶事件。我即時叫股票陳,什麼都不要講。打電話太太,不要付款,更即時報警。通知警察叔叔,有通渠老千上門,搞破壞馬桶,及騙錢。股票陳,即刻視頻WhatsApp,問老婆,通渠佬,有冇收咗銀,鬆了人。陳太太,剛剛給了,一萬三仟八佰元。他們通渠年輕人,好開心,好多謝,全部離開了。
我接住講,冇得搞啦,老千收到錢,禾雀吃飽,振翅高飛,揚長上天,没得追啦。我公司之前,搬新寫字樓,入伙不夠兩星期,女厠所無端端,塞了馬桶。當時我的,肥女寫字樓負責人,話要揾通渠佬,通塞了的馬桶。仲話公司,有位女文員,先生做通渠生意,可不可以,找他幫忙通渠呀。我當然冇所謂喇,咁小的事,什麼人做,搞掂就可以啦。怎知一通,女文員的通渠丈夫,揸住個垃圾鏟,走出女厠,大大聲說,好大鑊,馬桶裏面,大便捞埋,石屎及石塊。你們個馬桶,好多石頭石屎喎。之前幫你們裝修的工人,完工後,裝修佬,偷懶貪方便,將石屎石頭沖落馬桶,全部塞住,冲不走呀。我聽完,即時腦充血。打電話,駡裝修判頭: 「楊老闆,你們伙記,貪方便,完工將剩餘磚頭石屎,順手冲落馬桶喎。楊判頭,你要負責㗎。」
怎知,楊判頭,好冷靜說: 「小強老闆,你是大老闆,我雖然,是小判頭,我都要名譽㗎。第一,你冇欠我裝修費,就算有,我只會去,法庭告你,或者揾收數公司,貼你大字報,追你收裝修費。第二,我冇欠裝修工人糧款,工人絕不會,整蠱你,害我給你駡,給你告。再者,傷天害理,傷害自己名譽,我絕對不會做。我還要做生意。我點會做,掉石頭石屎落馬桶,破壞自己名譽,的事情呀。小強老闆,你做生意,這麽多年,會不會,咁笨蛋,做趕絕自己,破壞自己名聲,妨礙自己,未來發展生意的事情。」
被楊判頭, 醍醐灌頂,省清楚的小強,個腦袋,想想吓,覺得佢講得有道理。翌日回到公司,肥肥負責人找我說,馬桶暫時搞通。但是通渠老闆講,我們厠所,因為大厦年纪老,渠就自然,溶溶爛爛。建議我們,升高厠所地台,不做這個,厠所升高工程,久不久,厠所又會塞,公司就會,天天臭氣崩天,永無寧日呀。工程費,特價約廿萬左右,造好工程,同事去厠所,疴得舒服,永遠都通呀。我聽完,兩日後,就就請了,肥肥負責人,以及通渠佬太太,即是我們公司女文員,吃了肥鷄大餐。她們走了年多,厠所沒有,什麼升級工程,也沒有再塞,亦没臭氣,洗手間及馬桶,非常好乾淨,好安寧呀。
其實50年咁老大厦啲渠,等於我們老人的腸臟。實在需要,好好呵護。不能亂吃亂飲,鮑参翅肚花膠,尤其日本魚生,及生冷飲食,絕對要戒絕。更要在厠所馬桶,旁邊放上膠袋,用完厠纸衞生巾,如意袋等雜物,放進膠袋,掉往垃圾桶內。馬桶只可,放人的排泄物。如果你跟我的方法,愛護你的厠所,我擔保你、股票陳及你們家裡的馬桶,與你一同,長壽安康。
股票陳,聽完我的公司,廁所往事,呆了一陣,好似有了醒悟,說出故事來: 「通渠佬一嚟到,問廁所喺邊度,自己就,好似救護員一樣,衝往現場,入了廁所。我哋在,這個瘟疫時期,再加埋塞滿糞便,當然不跟,通渠佬,入廁所,看他怎樣搞啦。不到十分鐘,他從廁所出來。就話通不到,因為馬桶渠内,除了便便,還有好多石屎。要拆除馬桶,再攞重工具,先可以打通石屎喎。但是要加收千多元,即是要收三千多元。我聽完,由千幾蚊。加到三千多蚊。為了我全家的便便,三千多元,都好喇。通渠佬,下樓不夠十分鐘,就抬住箱工具,入了廁所,又不夠十分鐘。出來叫我入厠所,陳先生,你看看,我在渠内,取了很多石塊。但是,都通不到。因為渠内,還有塊好大石頭,要用重力鑽機,才可以鑽爛石頭,如果你哋要搞通條屎渠,如果決定做,我而家即刻,落地盤,搵部重型鑽機 ,幫你打爛塊石頭,就可以弄通條渠,馬桶就暢通無阻喇。但是,要收一萬三千八百元吖。我見到成個廁所,都污糟,又有石頭與便便,馬桶又拆開咗,瞓咗喺洗手間地面,我又要趕住嚟見你,岑大老闆大客人。所以我就,想都不想,就話做啦,咁咪趕嚟見你囉,叫我太太畀錢啦。不到十分鐘,我出門口,就見到條通渠仔,抽住個吸塵機咁款,返入我屋。你講完,我想想,真是遇上通渠老千呀。」
翌日股票陳,叫了他太太,影下從馬桶,挖出的石塊。再從通渠老千,網上宣傳石塊比較,都是一模一個樣,只是淡色與深色。我在這裡,呼籲通渠老千。不要再做,傷天害理,傷害通渠行業的騙子,令人人怕了通渠行業,令行業成了,市民殺手。以為個個通渠佬,位位都是人民殺手,都是老千騙徒。
小強
** 博客文章文責自負,不代表本公司立場 **