貓貓蝸牛交好友

有人覺得蝸牛好核突，有人會當係寵物養。無論如何，片中兩隻貓仔似乎認為蝸牛可以做好朋友，一隻貓坐定定任由小蝸牛喺隻手度爬，另一隻不斷同佢親親。蝸牛亦都唔怕羞，任由對方舐。

萌萌動物星球

** 博客文章文責自負,不代表本公司立場 **

惻隱之心並非人類獨有，一班象媽見小象落水同樣心生不忍，趕上前夾手夾腳救小象。有象媽嘗試由水中拉佢上嚟，之後有另一隻象落水諗住推佢上水。最後成班大象媽媽圍住隻小象，帶佢由另一個位置上水，成班姊妹相當齊心。