有隻象仔跌落水 一班象媽救起佢

惻隱之心並非人類獨有，一班象媽見小象落水同樣心生不忍，趕上前夾手夾腳救小象。有象媽嘗試由水中拉佢上嚟，之後有另一隻象落水諗住推佢上水。最後成班大象媽媽圍住隻小象，帶佢由另一個位置上水，成班姊妹相當齊心。

萌萌動物星球

** 博客文章文責自負,不代表本公司立場 **

情侶訂婚後想影返輯相不為奇，帶埋屋企汪星人一齊影都唔出奇，不過狗狗面對鏡頭失控到搶晒主人鏡嘅就比較少有。呢隻百厭星叫做Louie，攝影師話狗狗最初好怕羞，跟住主人周圍好安靜，但係去到一個滿佈落葉嘅樹林時，佢突然變到好興奮，開始玩樹葉。攝影師見佢咁活潑，私人醒多兩下快門俾佢哋，影低狗仔百厭一面。以下係佢搞破壞嘅「成果」。